飲茶

已經夜晚 1:00 幾，寫埋BLOG先瞓，所以應該都會少字多相啦﹗

自 從小丸子返 PLAYGROUP之後，我地就無得飲茶，因為 PLAYGROUP的時間是 1:30 - 2:30PM，不過岩岩的星期六升咗班，依家上 12-15 個月班，轉咗 10:15 - 11:15AM 上，所以我地又可以飲返茶啦﹗其實因為我公司得我一個，返工時間一定無得飲茶，閒時我又真係幾恨飲茶架﹗

上完PLAYGROUP瞓咗 15MINS比大頭妹嘈醒咗，所以有得一齊飲茶啦﹗


有得出街好開心架﹗因為平時星期一至五都係留係屋企，係接家姐放學的時候有得落樓下...5分鐘﹗

其實大頭妹乖的時候好乖，坐低比支筆比張紙佢，都唔洗理佢...因為...佢都唔食野嘅﹗

小丸子好鍾意 "吊咀"﹗

小丸子: 唔，色澤唔錯，係一塊好玉﹗

唔知佢畫咗啲咩呢？佢依家識畫人頭 (有眼﹑耳﹑口﹑鼻)，同樹 (其實只係一個 T 字)﹗


食物相啦﹗

未食過...唔知點解2籠灌湯餃的SIZE可以差咁遠﹗

小丸子食粥仔﹗

比人抹鼻涕竟然識 "詐喊"﹗

詐喊同我投訴阿爸

幾七情上面？﹗

下一秒...真係一秒...

見阿姨影佢即笑﹗

小丸子: 唉吔﹗比人悉穿咗...

 

玩車﹗

竟然識 "配音" ，係度整啲 FU FU聲﹗

不停將架車丟落地﹗

先一排買咗個 POOL，不過未買夠波波，但 2個囡已經玩得好開心﹗


之前佢兩個不停病，所以都無開出嚟玩﹗依家終於可以玩啦﹗希望以後個個WEEKEND都可以開出嚟玩，咁即是佢兩個都無病病豬啦﹗

小丸子的溫暖牌

由細到大可能受嫲嫲的影響，我認為做女人應該要識煮飯﹑做家務 (做唔做又另一回事啦﹗)﹑ 織冷衫﹑補衫﹗不過好奇怪，我嫲嫲又一直唔肯教我織冷衫 (只肯教我織頸巾)，連飯都唔洗我煮﹗我嫲嫲好叻架，佢瞓住覺都織到衫，佢話手指頭會摸得出個pattern喎﹗年青的時候又賣過菜飯﹗可能因為佢越唔肯 教，我就越想學﹗omg...點解我嫲嫲細細個唔教我做 "少奶奶"﹗咁我依家就可能做了少奶奶啦 (發夢ing)﹗之後因為前男友話自己細個無溫暖牌著，我地分手之後，我就走去學織冷衫 (分手之後得閒嘛﹗)。之後另一個前男友話阿媽煮野難食，我又走去學烹飪﹗終於...受益人是阿旺﹗

不 過學織冷衫，我大大話話都學了超過20年，總之我就是唔識 "上袖" 同 "收尾" (縫合) 啦﹗結果每次織冷衫都要去學一次﹗最近比我搵到一間好岩我的，每小時收 $80，可以自己帶冷去學，好彈性﹗唔洗一報上幾堂又限時，又唔一定要買冷。我可以一次過織晒成件衫先上去埋尾同上袖﹗所以我決定今次一定要學到識為止 ﹗﹗﹗

其實本身今次都唔打算織，不過我覺得做細的好蝕抵，我今次都未買衫比小丸子，大頭妹都是31週的時候，已經有好多衫仔架啦﹗今次 都是打算比小丸子著大頭妹的舊衫，是初生的要買，因為之前已經比晒人﹗如果連 "溫暖牌" 都要執大頭妹的，好似太唔公平啦﹗而且上次織比大頭妹的新衫，大頭妹好好好鍾意 (媽咪好好好開心 * 10000)，次次著出街，佢都會叫人睇佢粒 "士多啤梨" 鈕﹗佢叫 strawberry做 "傻爸" (soba)﹗人地 "禮貌地" 讚返佢靚，佢又會好開心咁拍拍心口笑笑﹗做人媽媽的有什麼開心/滿足過自己的子女喜歡自己為佢預備的事物吖？﹗所以今次最後都決定要織﹗

ehhehe...因為今次太遲先開始，後幅同袖都唔會有花 (其實平時唔趕都冇架啦﹗懶吖嘛﹗)﹗
不過前面一定會好靚﹗我今次決定織 "波波" ﹗


因為織比初生，今次用 cotton﹗最後又買了粉紅色﹗

下次我一定要織其他顏色﹗其實今次都有考慮粉紫 (怕織出嚟好似好舊)，又考慮過紫色 (又好似太大人feel)，大家有冇咩好提議呢？﹗紅色？粉綠？黃？﹗heheheh...今次呢件都未織好，就諗下一件...我真係太心急啦﹗

我返嚟啦﹗

我返嚟啦﹗其實噚日就同大頭妹返咗屋企，不過實在太累，所以出BLOG的責任仍然交比阿旺負責﹗今日好好多啦﹗可以自己出一個短 BLOG，因為想比多少少時間阿旺陪下大頭妹 (他出一個BLOG要花2-3小時...)﹗在醫院我就陪足大 頭妹3日2夜，阿旺只可以見大頭妹2小時﹗

大頭妹: 我返屋企啦﹗大家覺唔覺我有啲黃呀？媽咪話自己好肉酸不上鏡啦﹗(實情是阿爺冇影媽咪﹗)
阿旺一直都唔敢抱大頭妹﹗不是有人"過手"比佢，佢不敢自己去抱大頭妹，見餵完奶奶，比阿旺抱一抱啦﹗其實沒有幾多時間比阿旺抱，大頭妹依家食媽媽 奶，一日24小時要餵8-12次﹗即是最少3小時一次，每次30分鐘﹗仲要最初最初的時候餵得越密越好，即是要餵足12次﹗每2小時一次﹗中間仲要換片 片...所以留到比阿旺的時候少之有少﹗

一開始抱的時候...完全硬晒﹗仲好似好驚 "大頭妹" 咁﹗

之後起碼識笑啦﹗

仲夠膽 "惜惜"﹗(因為大頭妹食飽奶熟睡中嘛﹗)
哈哈...我的4日3夜生產之旅要整理下﹗阿旺又叫我唔好出我的舊BLOG...(已經寫好架啦﹗不過阿旺想個BLOG UPDATE啲喎﹗)，佢好似唔記得咗個BLOG是我的﹗我用咗傻夫婦個名咋﹗佢之前...寫過一篇BLOG咁大把...依家竟然想影響我個BLOG的編 輯主權﹗不過見大家都咁鍾意阿旺的幾篇BLOG...今次就聽佢講一次啦﹗