2017年9月26日 星期二

美心冰皮月餅

 

收到月餅就知中秋節快到,今次要謝謝美心月餅。呵呵呵﹗我一向都是美心月餅的 Fans! 今年美心月餅好好,賣到斷晒市﹗好甜的我,一向就比較愛傳統月餅,不過近年都會食冰皮,除咗健康啲,仲鍾意佢地有好多唔同口味選擇,做飯後甜品一流﹗

今次收到4款冰皮月餅:仲夏水果冰皮禮盒﹑幻彩粒粒冰禮盒﹑尊貴燕窩 mini 4﹑榴槤飄香 mini 4﹗先講仲夏水果冰皮禮盒,好有驚喜,皇牌芒果,芒果味又濃又香,藍梅味夠晒突出,中間的水果蓉好香,原來是以歐洲進口果溶做冰皮,所以果味特別出﹗

中間的果蓉好似雪冰咗既生果,好香好甜﹗

哈哈﹗小丸子大啖吃﹗佢好叻講得出個皮好有咬口,又講得出晒是咩味﹗果然是食家丸﹗

大頭妹就慢慢品嚐﹗


如果鍾意試多啲唔同口味既,呢款幻彩粒粒冰禮盒就岩晒啦,一次過試齊16款 mini﹗包括芒果脆脆、天使脆脆、藍莓二重奏、魔鬼脆脆、粉紅番石榴杏果、朱古力榛子果仁、曲奇妙趣、抺茶紅豆、芒果栗子、楊枝甘露、皇牌芒果、夏威夷果仁芝麻、士多啤梨脆脆、皇牌綠豆、特濃純朱古力、芝麻花生。﹗


榴槤飄香 mini 4,岩晒愛榴槤既我地,除了大頭妹﹗

仲有分 D24 和 山貓王﹗愛榴槤之人必食之選﹗

買咗月餅孝敬屋企老人家未呀?﹗未就快啲行動啦﹗

美心月餅: https://www.maximsproducts.com.hk/tc/eshop

2017年9月25日 星期一

澳門2017暑假親子之旅【Planet J 冒險王國】@20170823


今次澳門2017暑假親子之旅,除了嘆下酒店,我地仲特別去了 【Planet J 冒險王國】,新開了幾個月,是全球首創真人互動主題樂園,佔地達10萬平方呎,總投資額超過澳門幣10億元,由專業團隊以8年的籌備時間,包辦超過200款精彩遊戲裝置。

簡單啲講就即是真人的 RPG (ROLE PLAY GAME),我地入場之後就可以揀自己的『做型』,再開始遊戲,工作人員會比一部好似 ipad 的電子遊戲裝置我地,我地就跟住指示係場內的不同區域進行不同的任務﹗任務是會根據玩家的年齡層而定,咁我地當然是玩小童版啦﹗

我地玩了一個小時,我問過工作人員,由於有成 200幾個唔同任務,其實係唔會一日玩完,但佢地會 SAVE 咗個紀錄,下次可以繼續玩落去,玩到『爆機』為止﹗

其實真是好似『進入』一個遊戲世界,我見好多小朋友都玩得好投入﹗

睇下佢地 3個玩得幾認真﹗

佔地達10萬平方呎,入面唔止地方大,場景仲做得好仔細﹗

場景真是做得好靚,所以小朋友都玩得好投入﹗

其實我覺得有啲似我地去東京鐵塔的 ONE PIECE口館,不過呢度玩的成份就更加高﹗



例如要去摘草藥,再去救護站救人﹗

我地都玩咗起碼 20個 GAMES,有考反應的,有要亙相合作既﹗

有啲 GAME 都要考下小朋友智慧同反應架﹗

最搞笑係玩到某啲關,有得再換衫,UPGRADE裝備﹗

睇下小丸子個樣幾入戲﹗

其實連爸爸都玩得好開心﹗

呢邊唔夠時間入去玩啦﹗下次再嚟玩過啦﹗



最後小丸子仲玩到唔捨得走﹗返到香港已經問我幾時再去啦﹗

我覺得個概念好特別,場景真實亦都令小朋友玩得好投入,我見都有好多大齡小朋友,自己係入面玩,玩得好開心﹗


【Planet J 冒險王國】
網址: http://www.planetj.com/
地址: 澳門路氹金沙城中心金沙廣場 3樓3009號鋪(鄰近美食廣場)
營業時間:
星期一至五︰10:00 至 19:00
(最後入場時間︰18:00)
星期六、日及公眾假期︰10:00 至 20:00
(最後入場時間︰19:00)

2017年9月22日 星期五

朋友聚會@丼吉日式吉列專門店


今日大頭妹家長日,中文老師話今年小二作文會要求寫短段,所以可以鼓勵小朋友每日寫50字日記,我同大頭妹講完,佢當然彩我都傻,所以我就比佢睇下我個blog啦!我同佢講媽媽都有寫網上日記架!仲好多人睇(陳經)!哈哈!

自己睇返都覺得自己近年越來越少寫Blog,由以前一年200幾編都今年9月都是得6-70篇,連100篇都未到,真是要勤力返少少先得!

寫返篇7-8月既blog,其實7定8月我都已經唔記得!約了大學同學,近年已經十分難約,連大家生日飯都維持唔到,只是幾個月先食一次,希望都仲可以keep到啦!

今次我地去The One的丼吉日式吉列專門店,可能我當時岩岩日本返嚟,覺得價錢真是好貴!日本食吉列太平了,質素又好,不過沒有辦法,香港地租貴,食材又貴,好難直接比較!

醃蕃茄,超級好味,我本來就已經愛吃蕃茄,加埋個汁,真是好好味!

點了炸豬排、炸厚切豬扒、炸蝦、炸蟹餅!

鹿兒島厚切豬扒果然好味,但同學覺得有點兒生,我食開阿旺煎的豬扒,所以接受到!

普通豬就是硬身少少,不過其實都好味啦!

味噌湯很濃!

最後仲有生果!完美的一餐!

2017年9月2日 星期六

傻夫婦東京親子之旅 Day 1【箱根小涌園溫泉樂園/ 箱根小涌園酒店】




2017年 7月 14日 (星期五)

繼續第一日的行程,今次東京之旅的重點行程之一,之前其實有考慮過住【東京迪士尼樂園酒店】,問過阿旺同大頭妹,佢地都話想浸溫泉多啲﹗小丸子就話想住 CINDERELLA房,但要成 7萬幾 8萬YEN一晚,實在太貴啦﹗﹗﹗又其實考慮過去睇【富士山】,但覺得帶住 2個小朋友,好似遠咗少少,所以最終就揀了去箱根浸溫泉﹗﹗﹗今次去完覺得箱根是好值得去的地方,真是要玩 3日 2夜,我地玩 2日 1夜,好多野都未玩到,仲玩到 miss 咗班火車﹗嗚嗚嗚﹗

今次經 AGODA訂房,其實都好有多唔同的房種,同唔同的 PACKAGE,我就揀了入門的套房 (無私人風呂),包早﹑晚餐,再包溫泉樂園的門票,計返都要大約 $4000/晚,訂 2大 1小就是大約 4萬幾 YEN,小丸子未夠 6歲,EMAIL去酒店加多一個小朋友,住加大約 2000 YEN,之後再要加早餐 615YEN﹑晚餐 1544YEN,溫泉樂園 1500YEN,總共加多 5-6000 YEN,所以小朋友入住溫泉酒店是好抵,襯小朋友細個,真是要住多幾次,大頭妹滿 6歲,已經是另一個價啦﹗見有人話上日文酒店網站訂會平少少,但因為太多房種/ PACKAGE,自己日文又唔係叻,所以都唔敢係日文網站訂啦﹗

另外,如果想房有私人風呂,就又要再多 $800-1000/晚啦,不過我見我地都無咩時間係房浸溫泉,另外酒店都有個『大浴場』,想帶 2個女去見識下...點知...哈哈哈...之後再講﹗

今日由羽田機場去到箱根大約是 11:00幾 12點,先去酒店 CHECK IN,但當然未有房,要 3:00 先有房,我地放低行李,拿了樂園的票就去浸溫泉啦﹗整體都算幾好玩,原來酒店包 2日的入場,不過我地第 2日去遊覽箱根,所以無再去浸啦﹗大頭妹同小丸子都話好好玩,阿旺就話...如果帶小朋友去可以玩半日,如果自己一個去呢,就應該可以玩『全日』喎﹗

酒店行過對面,大約 5分鐘就到,仲要有 shuttle bus﹗
 

完全唔似坐完凌晨機﹗

其實我地只是玩咗樂園的部份,比較似『溫水泳池』咁﹗
 

影返個合照先﹗

咖啡池,有好香的咖啡味,阿旺自己浸的時候,佢話有職員真是會去倒咖啡粉入去,池邊有個牌會寫時間﹗

清酒池,小丸子話好臭,佢唔慣酒味﹗

呢度都有個啲魚仔池,要另外再比 100 yen/ 位,不過 2個小朋友都話唔敢,所以我地就無浸啦﹗

紅酒池,又是會有職員入去倒紅酒,旁邊都有時間表可以留意返﹗

仲有個『凍房』,係唔係比人COOL DOWN?﹗但其實呢度啲池都唔熱﹗

場入面就有個餐廳,浸飽都可以醫肚,好方便﹗

價錢都唔算太貴,日本的樂園價無香港咁貴,而且通常味道都唔錯﹗


成日食炸野的小朋友﹗

個薯條都真是唔錯架﹗

呢個係炸魚肉腸仔,外面有層好似麵包的,我覺得麻麻地﹗

我覺得凍...明明浸溫泉,但都覺得凍...所以叫咗個拉麵食﹗

一個人霸晒啲野食﹗

凍凍地都係出去晒下太陽﹗




展望露天風呂是新開的,是真的風呂,起碼啲水是 40度以上﹗

仲望住個靚景浸,真是好寫意﹗(見唔見到個山有個大字?﹗大頭小丸叫佢做『大字山』﹗)

入面都有飲品賣﹗
 

浸完仲可以買支裝的牛奶/ 乳酪飲料/ 牛奶咖啡﹗

爸爸話有機會會再嚟喎﹗

浸完就返酒店啦,酒店的旁邊就有一間 FAMILY MART,方便補給,不過就唔係開 24小時的,只是 7AM - 11PM。
 

都好齊好多野買,不過我地已經一早訂晒自助早﹑晚餐,所以唔洗買杯麵啦﹗

零食就一定要食啲啦﹗

日本的便利店真是好邪惡﹗

講下【箱根小涌園酒店酒店】,我覺得酒店比較老化,CHECK IN SYSTEM 應該唔係太電腦化,用的時間比較耐,但其實入住率都幾高,照計應該有錢翻新?﹗我地入房時,仲竟然發現洗手間有一袋垃圾?﹗浴室的清潔度都一般,我洗浴缸洗到手軟﹗另外,酒店有小朋友浴衣提供,但 CHECK IN時又唔會主動問你要唔要?﹗入面有小朋友牙刷套裝,我地 2 SET 浴衣入面,竟然一份有一份無?﹗比起平時去日本的酒店,服務好似有少少不足,但價錢其實唔算平架喎﹗
酒店夏天仲有游泳池,不過唔夠時間玩啦﹗

酒店正門。

大家覺唔覺得日本個天真是特別藍﹗

今次訂的房有個細廳仔,比佢地多啲活動空間﹗








好啦﹗講住咁多先,下篇會介紹一下酒店的晚餐 BUFFET﹗

大家 LIKE咗我哋的 Facebook Page 未呀?﹗未就快啲 like 啦﹗


Related Posts Plugin for WordPress, Blogger...