2011年11月30日 星期三

妹妹請食飯@跑馬地湄公河餐廳

二妹升職加人工,請晒我地去跑馬地食好野﹗湄公河餐廳,一聽就知是食越南菜啦﹗我覺得各方面都幾好﹗食物質素好,份量又唔細,價錢都一般般啦﹗係跑馬地一定唔會平,不過又唔係太貴﹗如果以高級越南菜來講,我覺得好過 RICE PAPER﹗

雞肉串燒 $48/3串


柚子帶子沙律,酸酸辣辣好開胃﹗$88

春卷...only影咗生菜﹗好好味﹗$39/2條


馬拉盞炒雜菜,呢個真是好好味﹗不過真是少少貴...$88﹗炒菜都 $88﹗

咖哩牛腩煲,又係好好味﹗ $108

田雞煲,我無食...因為好似都話田雞多寄生蟲,都係 $108...咁好似個咖哩抵啲﹗

炒粉絲 $88


另外仲叫咗個生牛肉粉比大頭妹,點知個衰妹食得2啖,之後我地大家分咗嚟食,佢就走去食菜﹗佢真係識食呀﹗

2011年11月29日 星期二

第8次PLAYGROUP + 第2次幼稚園面試

不經不覺大頭妹都上了8次PLAYGROUP,其實都睇住佢有進步,現在的大頭妹都開始聽老師的指示,叫佢出去攞玩具/ 放好玩具都會做,又無之前咁怕醜啦﹗好多人話上PLAYGROUP無用﹗其實我又覺得OK喎﹗最少岩岩星期日的面試,好多問題是PLAYGROUP都有玩過。

可惜...大頭妹可能唔想幫我地慳錢﹗想爸爸再努力啲搵錢﹗﹗﹗做完第2題題目,佢竟然自己落地﹗仲要講 "走啦﹗",阿旺捉返佢,抱住佢坐,佢仲掙扎大叫 "街街﹗",HEHEHEHE...看來考學校都真是講緣份...

比下其他家長作參考,以下係我地第2次見試老師叫我地做的事﹗

第一樣考的是蘋果﹑橙﹑香蕉,要比香蕉媽媽﹑比橙爸爸﹗大頭妹都有做。第2條是切積木,只是要切起4塊積木。老師切第1塊,之後大頭妹比第2塊我...同我講唔該...即是叫我切。要佢切第3塊,佢就比爸爸。最後一塊,叫佢要自己切...佢都係比埋我﹗﹗﹗我暈啦﹗﹗﹗點知做完呢條,佢就落地啦叫走啦﹗

第3條是畫畫,大頭妹日日都畫,屋企都有畫簿,床單地磚都比佢畫過晒﹗但你叫佢畫咩?﹗佢就是不肯畫﹗第4條是問眼睛﹗唉...又是一日到黑問我百幾次﹗比佢篤到眼都瞎﹗今次老師比咗好多時間佢架啦﹗佢都係唔做﹗算啦﹗咁細個細路都係無得迫,我同阿旺都放棄啦

當時播BYE BYE歌,大頭妹仲四圍同人BYE BYE﹗我真是無眼睇﹗老師講,佢終於肯同我講BYE BYE啦﹗我叫佢做BYE KISS﹗佢即做﹗﹗﹗我估佢都好想走啦﹗都唔阻老師啦


星期六同姨姨上PLAYGROUP都仲好地地﹗


又拍又跳﹗


老師叫 "停",又識停﹗

其他野都肯玩...之前唔識玩呢樣﹗

用湯匙 "不" 波波﹗

切積木...呢幾塊積木...是佢自己切架﹗﹗﹗點解面試的時候唔切呀﹗

吹波波﹗

個傻妹仲開心到 KISS啲波波...真是可愛到暈...(媽媽個人認為)

呢個就是佢考完試,比爸爸媽媽訓話完個樣﹗﹗﹗無晒心機...


後來可能藥力散咗...之後不知又幾精靈...所以可能是真的...考學校都要講緣份﹗

2011年11月28日 星期一

怪獸家長

其實我都好希望大頭妹有一個開心的童年, 起初都無特別計畫要報名校,主要都是想報區內的幼稚園,希望可以自己帶返學﹗但當大頭妹幾個月的時候,就開始有好多朋友問我會幫大頭妹報什麼學校?﹗報了 PLAYGROUP沒有?﹗話一出世就要交FORM﹗﹗﹗後來自己諗深一層,小朋友不懂得為自己打算,做父母的都不為自己的孩子打算,誰會為他打算?﹗希 望佢細個辛苦啲,大個就可以舒服啲﹗不用憂柴憂米﹗無錯,讀書唔代表一定會成功,不過成功的機會一定會比唔讀書的多﹗我相信無人會反對我呢個講法﹗

之後我就開始打聽區內有什麼好的幼稚園,好的PLAYGROUP,上年11月的時候幫大頭妹報了維多利亞的PLAYGROUP(無錯﹗是上年11月,當大頭妹只是6個月的時候),到今日已經一年有多啦,都未排到﹗ 之後有朋友在東區的KID CENTRE工作,建議了幾間幼稚園給我,我就幫大頭妹去報名﹗後來先發現,原來朋友介紹的都是區內有名的學校﹗我又無再報其他學校,而當我發現的時候, 好多學校已經停止收表﹗﹗﹗即時好驚大頭妹會因為我的失誤而無書讀﹗阿旺唔明白,不是每一間幼稚園都有開PN班,所以當依家越來越多家長幫小朋友報PN班 的時候,是真的有機會無書讀﹗佢仲話呢間考唔成就考另一間啦﹗大佬...我都只是報得5間,仲要其中一間是維多利亞,知道自己有細b之後,已經唔會再諗, 如果真是好彩考到,都唔知讀定唔讀好﹗2個一齊讀仲貴過供樓﹗其餘3間都是有學卷的,只會比第一次見的一間更加難考﹑更大競爭﹗

好彩最後第一次面試的學校收大頭妹,是我比較心儀的一間,不過阿旺當然希望大頭妹考到有學卷的,第時2個一齊讀,學費就慳好多﹗哈哈不過星期日已經考了其中一間學卷的,大頭妹似乎唔想讀,除咗老師問的第一題題目有做,其他的都完全無反應,之後仲叫 "走啦﹗",然後真是落地走,阿旺捉返佢,佢就掙扎大叫 "街街﹗"。 我地諗極都唔明點解大頭妹會咁返常,一般情況,佢唔算好乖好乖的一種,不過都好聽我同阿旺話,AT LEAST叫佢SIT,佢都唔會走咗去,之後返去同婆婆講,阿旺就即時諗到...我個朝比咗藥水大頭妹食...當自己比個藉口個囡啦﹗都叫諗到個原因﹗因 為我一直都好由得大頭妹"自由發揮" (即是阿旺口中的 "慈母多敗兒"),我真是擔心我的方法是不是有錯。

2011年11月25日 星期五

第2次產檢@DR LUK

2011年10月8日 (星期六)

雖然今胎都決定在政府醫院生,
不過都同上次一樣,
1-1.5個月去睇1次私家,
有得見下BB之餘,
又買個安心

今次等醫生等了差不多2個鐘﹗比等政府醫生還要耐﹗
約了 1:00,2:00幾差不多 3:00先入到去見醫生
等到阿旺都夠鐘上堂...走了﹗
早之我約平時放工時間啦﹗
通常 15分鐘就有得見醫生﹗

等等下唔對路,我地問護士可唔可以出去食LUNCH?﹗
上次食了勝香園,今次食蛇王芬。
我大肚不可以食蛇啦﹗
當然不是怕BB出世蛇皮啦
其實是因為蛇是爬蟲類,易有寄生蟲﹗
不過其實蛇王芬的燉湯都好正


雖然好近我OFFICE,不過平時好少來食LUNCH﹗加了價呢?﹗




唔係好記得個名...好似是叫蜜瓜螺頭瑤柱湯啦﹗

超級足料,依家粒瑤柱細咗啦﹗以前仲大粒﹗好甜好正﹗

生炒糯米飯,冬天才有的﹗好好味﹗


大家可以睇下,我影咗佢地N年前雜誌的介紹,當年燉湯只是 $46,今日要 $65﹗糯米飯是 $50,今時今日要 $80﹗


HEHEHEH...講返個檢查,
今次上磅...114磅﹗一個字勁﹗
3個星期重了 3磅,1星期1磅,就算是懷孕後期都唔洗重咁多啦﹗
做ULTRA SOUND,BB一切正常,
今次唔係得一個圈,有個人形啦﹗
仲見到心跳 (閃下閃下)﹗

我估我下次會17-18週先才返去睇DR. LUK,中間都會睇2次政府,
唔洗CHECK咁密﹗
咁下次返DR. LUK覆診,
就應該大約知BB的性別啦﹗

2011年11月24日 星期四

悠悠1歲生日會

清返個舊BLOG先﹗UPLOAD產檢啲相的時候,發現漏網之魚﹗
11月頭的時候,帶大頭妹去參加悠悠的生日會﹗
悠悠同媽媽的生日相差幾日,所以一齊慶祝﹗
今次唔記得影食物相﹗
得大頭妹的相咋...其他小朋友的相就唔方便POST啦﹗


 
大頭妹好鍾意呢架玩具車﹗


不過佢係鍾意開關車門ONLY


HEHEHEH...玩啦玩啦﹗媽媽一定唔會買呢架車...架車唔貴...不過要有咁大間屋先玩到﹗

去到人地度都玩KITCHEN SET? 因為呢SET有燈同有聲架﹗﹗﹗都係媽媽唔小心,攞咗SET無燈無聲嘅


HEHEHE...又煮得似模似樣喎﹗

悠悠其中一份生日禮物...麵包超人鞦韆﹗

打鼓﹗

仲有電動車,不過大頭妹有啲驚,一開始的時候唔敢玩﹗

悠悠的生日蛋糕﹗

悠悠媽的生日蛋糕﹗

3個人生日﹗
Related Posts Plugin for WordPress, Blogger...