2010年3月30日 星期二

$10 釀三色 (附青紅蘿蔔合掌瓜蜜棗豬展湯食譜)



最近阿旺忽然想帶飯,佢話想帶沒有骨的食物,經過街市常常看見一檔賣現成魚肉同釀魚肉的小檔﹗今次有機會試下啦﹗買了一盒紅腸﹑豆腐卜同尖椒都只是 $10﹗返屋企煎一煎就可以放入飯盒﹗再加少少菜心,等阿旺食多少少菜﹗

我話煮南乳雞翼比佢帶飯架﹗不過佢想要沒有骨的食物咋 ﹗HEHEE...慳返我不少功夫﹗如果阿旺今次食完話好味,下次我再買嚟做晚餐﹗



前幾日空氣指數去到 500點,眼同喉嚨都變得乾乾涸涸﹗是時候要滋潤一下,煲青紅蘿蔔合掌瓜湯就最適合啦﹗紅蘿蔔就有大量胡蘿蔔素,有明目功效﹗而根據菜檔的姐姐話,青蘿蔔 有除痰潤肺止咳的功效﹗合掌瓜就滋潤解燥潤肺﹗




青紅蘿蔔合掌瓜蜜棗豬展湯

材料: 青蘿蔔 1條/ 紅蘿蔔 1條/ 合掌瓜 1條/ 南北杏 2湯匙/ 蜜棗 2-3粒/ 豬展 $25

做法:

1. 青紅蘿蔔去皮以 "滾刀" 方式切成適當大小,合掌瓜切成適當大小。

2. 豬展飛水。

3. 煲滾3L水,將全部材料加入,大火煲15分鐘,中火煲2小時,加鹽調味。

P.S. 如煲青紅蘿蔔湯,就將合掌瓜 1條轉成紅蘿蔔,即青蘿蔔 1條加紅蘿蔔 2條﹗




最近有好多湯水飲,因為奶奶星期日早上又帶了湯過來﹗是花膠煲雞湯﹗

2010年3月28日 星期日

雞肉炒粉絲 (食譜由阿旺提供)


上星期阿旺回老爺家吃晚餐彼後,回來說要煮雞肉炒粉絲給我吃﹗哦﹗﹗﹗今次是阿旺第一次煮我沒有煮過的食物﹗味道都算不錯﹗不過阿旺覺得不夠味道, 我就叫佢再加少少蠔油再煮,佢先記得原來老爺話要加蠔油炒﹗

加埋蠔油之後就好好味啦﹗不過太多雞肉太少粉絲﹗

雞肉炒粉絲 (食譜由阿旺提供)
材料: 雞肉 1片/ 龍口粉絲 3小包/ 辣椒仔 1條/ 蒜蓉 2瓣/ 雞湯 半碗/ 蠔酒 少少
醃料: 豉油/ 糖/ 薑蓉/ 酒/ 麻油
做法:
1. 雞肉切條,以醃料醃15分鐘。
2. 燒熱油先炒雞肉,盛起備用。
3. 燒熱油加入蒜蓉,再加入粉絲炒,之後加入雞湯煮至適中軟硬度。
4. 加入雞肉與粉絲一起亂炒,最後加少少蠔油調味。(阿旺話嘅)


上星期四上最後一堂日文班 (是初班的GRADE 3啦﹗不過因為"大頭妹"要暫停,到8月再上GRADE 4﹗heheeh...唔知到時仲有冇時間上堂﹗),因為是最後一堂,上完堂同妹妹一齊行CWB﹗丟下阿旺一人沒有晚飯吃﹗HEHEH...我呢個又細心 又體貼的老婆當然不會做出這種事﹗行完街街,我去了SOGO的SUPER買壽司給阿旺﹗阿旺ORDER了兩盒﹗我仲買了阿旺最鍾意的橙JELLY給他做甜 品﹗大家開始明白阿旺的身形為什麼一天一天長大了吧﹗

10點幾仲食兩盒壽司﹗SOGO SUPER壽司8件2盒,TOTAL 16件﹗ (前: $45, 後: $50)

先前日吃了ZOE的CHOCOLATE MUD CAKE ($30)...真是太好味啦﹗

2010年3月27日 星期六

第32週﹗足8個月啦﹗



2010年3月25日 (星期四)
今個星期大頭妹已經32週啦﹗即是足8個月啦﹗不用2個月就可以見到﹑抱到﹑惜到大頭妹啦﹗今日去了健康院,都是普通的CHECK UP﹗今次CHECK UP,我發現一個問題,就是依家個肚越來越大,留小便好似越來越難﹗上次阿旺仲傻到好開心地跟我說留了一個 "藥水樽" 比我留小便﹗真是診所的藥水樽﹗男人用就應該沒有問題﹗女人用...UMM...UMM...應該有一點困難﹗

今個星期又大半寸﹑而家36寸啦﹗

Hehhee...成隻復活蛋咁﹗下個星期就是復活節...真是應節﹗

又看看大頭好的衫衫啦﹗好多人話我買了很多衣服給大頭妹﹗我阿妹話我寵壞大頭妹啦﹗老實講...我又真的不覺得買得太多喎﹗不過由於沒有經驗,是不是真的太多,真是到時才知道﹗因為有朋友話買太多,有時趕不及穿,已經不合身了﹗今個星期又添置了新衣﹗
今次呢一件溫暖牌是新織的﹗是全綿質,質地超SOFT﹗還有最後一件在趕製中﹗
上次是真珠鈕,今次買了水晶鈕﹗HEHHEEH...好高貴架﹗我想問有沒有人知哪兒有鈕扣買?我想買心形的鈕扣呀﹗或者是SANRIO的鈕扣?我有2粒HELLO KITTY,不過已經配唔返啦﹗是97年買架﹗我阿旺話 "你97年買2層樓﹗而家咪係蟹貨?",真係比佢激死﹗

SMALL PAUL OVERALLS (9 MONTHS),好似比一般牌子細﹗同我在 UNIQLO買的 60 SIZE (3 MONTHS)是一樣大的﹗

HEHEHE...是LITTLE PRINCESS來的﹗

就是因為呢條裙仔,所以買的﹗

來自泰國的禮物﹗阿旺的泰國同事送的﹗泰國的童裝好靚﹗襯埋褲仔同SOCKS的﹗

2010年3月24日 星期三

阿旺與傻老婆的真面目﹗

哈哈哈﹗昨日在BLOG才裝作慳家﹗今日就比大家看看我的敗家本色﹗事緣我要買洗面奶,我想確定我家中沒有"存貨",就叫阿旺將我放在衣櫃的化妝品 和護膚品通通拿出來﹗本來還想做一張清單記下存貨,一看之下就打消念頭﹗天呀﹗原來我買了這麼多化妝品和護膚品嗎?﹗

平常用的化妝品和護膚品放滿一個無印膠櫃﹗

加上化妝品和護膚品的"存貨"可以放滿一整張餐枱﹗

全部都是新的,連盒都還未開﹗

ORIGINS的DRINKS UP都有3支﹗

PAPER MASKS多到多一張臉﹑日日用都要用足2個月﹗
誰不知...我真的沒有洗面奶...哈哈哈...是天意﹗連個天都叫我繼續買﹗


而阿旺的真面目...其實...仍然是阿旺﹗上星期我們上產前運動班,阿旺先到中環跟我吃午餐,看錶的時間以為已經遲到﹗後來發現原來手錶已經停了 2-3天﹗但阿旺其實連日來都是戴著這一隻手錶,不過完全沒有發覺手錶已經停了﹗

我們要2:30到贊育上產前運動...一看錶已經3:00﹗

發現我拿起手機影他的時候...哈哈哈...個樣幾尷尬﹗

給想置業的年輕人的信

學生破產三年600宗創新高
星島日報 報道)不少大專學生甫畢業便負債纍纍,部分學生更因無力償還貸款而申請破產... (全文: http://hk.news.yahoo.com/article/100322/3/h52o.html)

今日看了這個報道有感而發,其實先幾日跟阿旺都討論過年輕人買樓同儲蓄的問題,現在的人常常埋怨樓價高,買不起樓﹗老實講,除非父母出首期﹑又或者你中了昨晚開的 $6800萬六合彩﹗否則要買樓一定要儲首期﹗多得9成按揭,買一層200萬留下的樓,首期都只是 $20萬以內,連雜費都不過大概 $25萬﹗不過以現在年青人對儲蓄與消費的觀念,他們買不起樓似乎是合情合理﹗

現在的樓價是高,今時今日我同阿旺有錢換樓都是因為當日在樓價底的時候入了市,現在樓換樓看似輕鬆,外人看來什至可能覺得是我們幸運。不過想當年我們買樓的時候,何嘗不是死慳死抵﹗當年月薪不過大概一萬多﹗買樓的十幾萬首期完完全全是我倆的儲蓄﹗我倆慳的程度,令我到而家對貧窮都有一份恐懼感﹗如果你很早期已有看我的blog,大概記得一篇 "不脫色唇膏的故事",我真是可以一同人講第一句就開始喊﹗我兩個妹都大力推介 "歲月神偷",不過都叫我生完寶寶先好去看﹗

試想想唱一次KARAOKE要多少錢?出街食一餐好少少的晚餐要多少錢?買一盒CHANEL眼影要多少錢?買一個 LV/ GUCCI都多少錢?當你拿著 IPHONE,挽著LV的時候,不要跟人說樓價太高買不起樓,買不起樓只是你買樓的決心不夠﹗

2010年3月23日 星期二

黑黑的雞翼

上星期日一早到TASTE陪奶奶買餸,因為奶奶最近接了一份陪月的工作,佢老闆忽然想食西餐,奶奶對西餐又沒有概念,所以我就去幫一幫佢 ﹗heheh...我奶奶之所以會去做陪月員,其實是因為知道我有寶寶之後去上陪月班,所以我都要負小小責任﹗我揀了一塊 $100的美國西冷,一塊 $20的澳洲有機豬扒,一包$38.9的荷蘭車厘茄,一棵$19.9的澳洲西蘭花...我奶奶不斷問我係唔係一定要買咁貴﹗阿旺不斷同佢講...我地都係 食呢啲架,何況你老闆是住半山的有錢人 (其實我地OF COURSE 唔係日日食呢啲啦,大時大節先有得食架咋)﹗之後奶奶放工打返比我話好成功,下次請我飲茶﹗
因為太早起床,所以到夜晚我洗完菜坐在沙發睡著了,濛濛瀧瀧好像叫阿旺自己煎雞翼。到清醒的時候,阿旺已經正在煎雞翼,好香魚露的味道﹗不過... 外表黑黑的...阿旺話這樣才夠香口﹗

魚露雞翼,黑蚊蚊嘅?﹗非洲來的嗎?﹗

炒菜心苗,咸咗少少,都ok嘅。

枸杞咸蛋瘦肉湯,因為我瞓咗,沒有人提阿旺,阿旺就忘記落杞子啦﹗好彩都有落咸蛋﹗個咸蛋黃好好食﹗
Related Posts Plugin for WordPress, Blogger...