2012年9月29日 星期六

做節

今日真是超級HAPPY FRIDAY﹗返埋今日就有4日假﹗
不過因為阿旺調職,依家要返SHIFT,成個10月都要返星期六,之後放返星期一。
呢4日假都好忙...星期六要返老爺奶奶家做節,加慶祝老爺生日。
星期日去我姑媽屋企做節,加慶祝我姑媽加大頭姨姨生日。
星期一返媽咪屋企慶祝大頭姨姨生日。
其實...仲忙過返工﹗

呢餐是上星期日返媽咪屋企提早做節的﹗

雞一定唔少得啦﹗

菜心


炆花膠冬菇


蒸魚

下午食炸芋頭,我媽咪的炸芋頭是 "全宇宙" 最好味的﹗


當日返到屋企,大頭妹竟然自己第一時間走去拜公公﹗

之後...屋企發生歷年最大的家居意外,
大頭妹去婆婆房開晒個5層櫃,結果成個櫃向前傾側,啲櫃桶飛晒出嚟﹗
好彩婆婆係度,推住個櫃,不過婆婆就比櫃桶撞花咗塊面。
我地係廳聽到婆婆尖叫一聲,入到去...真係嚇死﹗
大頭妹應該都比櫃桶撞到塊面,不過佢知係自己NAUGHTY,所以唔敢出聲﹗
過咗一陣先識喊﹗

我話一定係公公 "保護" 婆婆同大頭妹﹗

之後...星期二我送大頭妹坐校車返學的時候,又差啲有意外﹗
商場的門唔知點解突破爛咗...我睇住佢散落的...
而個一朝...大頭妹唔知點解出門口前 "賴尿",所以要換過校服﹗
我地平時都係用呢度門...出去之後就係呢度門前少少等校車﹗
真係好好彩﹗
EHHEHE...好彩個日我冇鬧大頭妹賴尿 (好少有)﹗


2012年9月27日 星期四

小丸子5個月啦﹗



小丸子5個月啦﹗
呀﹗上年就是呢啲時候知道自己有咗小丸子,
我仲記得是中秋節前一日

三個星期前同小丸子去飲輪狀,磅重已經有 8.46kg啦﹗

小丸子的發展(除了體重),好似慢過大頭妹... 到依家仲未識坐,又唔識企...
大頭妹100日就已經可能係我地扶住的情況下,企得好直﹗
媽咪都話照計小丸子咁肥...應該好快識坐...
但奶奶話佢太重,好難支撐自己,是正常的...

不過小丸子是一個多野講的小bb,依家夜晚扭瞓的時候,
已經識得發出 "媽媽" 聲啦﹗
之前有blog友話小朋友識叫父母邊一方先,邊一個就 "牛命",
睇嚟都係我牛命架啦﹗


第一次同小丸子去鰂魚涌公園,佢未識玩,睇家姐姐玩都睇得好入神﹗


好肥美的豬腳仔﹗



上星期日返媽咪屋企做節,幫小丸子扮靚靚﹗


古靈精怪樣﹗



正經樣﹗

買咗套姊妹裝比佢地,即刻影下相先﹗


呢日影得小丸子特別肥﹗



米芝蓮妹妹﹗

2012年9月26日 星期三

$180 DINNER BUFFET@皇悅

唔想連續2日甩blog,快快手寫個唔洗花太多時間的﹗
上星期四,我同阿旺賣甩 2個囡,出去同阿旺的 "舊同事" 食dinner buffet﹗
因為阿旺公司裁員,轉眼間十幾個同事...變晒舊同事...
阿旺是幸存者,不過都要轉department,
小丸子出世之後...真係好大動盪...希望所有的改變都是向好的﹗

講返餐飯,我之前係頭條見到有皇悅的 "買一送一" coupon,見咁近就剪低佢。
之後阿旺話佢department食飯,我就問佢有冇興趣啦﹗
原價 $298,依家連加一都是 $180﹗
老實講...食物選擇真係唔多,不過 $180...dinner buffet...真係唔好太多要求啦﹗

刺身得三文魚一款﹗



有中華沙律,I like it ﹗

哈哈...平時出去食buffet,好少食熱盤,呢度的熱盤都ok﹗
阿旺話乳豬好好味﹗


有潮式鹵水拼盤,都幾特別﹗



我地大約食了 2碟熱盤,就開始食下生果啦﹗

糖水....竟然是全晚最最最好味﹗真是堅好味﹗
西米露好香椰味﹗


蕃薯糖水又夠薑又夠甜﹗我食咗 2碗﹗

2012年9月24日 星期一

掃街

上星期六...阿旺去掃街﹗真的﹑假的掃街都做齊

因為佢公司有義工活動,要去赤柱海灘做清潔,
回程的時候...比我點咗去西灣河 "掃街"

住了太古區2年多了...成日都話食野好貴﹗
原來坐一個站 "丁丁" 去西灣河,
就有我最愛的 "掃街" 啦﹗


蛋記,阿妹話好出名,門口有好大張 "阿蘇"。


牛雜,好好味﹗最好味同特別是個 "柚皮" ﹗



魚蛋拼燒賣﹗


三寶,呢檔好味過北角的一檔﹗



仲有魚肉碗仔翅,都好好味﹗不過無影相...



2012年9月23日 星期日

星期六鰂魚涌公園﹗



上星期六去太古城的鍾菜飲茶,
次次去飲下午茶都要等勁耐位,
不過無辦法啦...平吖嘛...
間中飲下茶又幾開心嘅﹗

不過其實我地飲茶都幾悶,
次次都是點個幾款點心...

灌湯餃下午茶優惠 $23



鳳爪排骨下午茶優惠 $18


牛肉球下午茱優惠 $15

燒賣正價 $9@


咸水角拼煎堆仔下午茶優惠 $18


呢個家鄉薄餅是我和阿妹的至愛﹗正價 $28


蝦餃 $9@



黑椒牛柳絲烏東 $78



叉燒包下午茶優惠價$18

ORDER比大頭妹的...佢食咗成條...不過其實都係好少﹗


芝麻手撕雞 $28



飲完茶同大頭妹去鰂魚涌公園玩﹗
真是好耐好耐無同大頭妹去大公園啦﹗
上一年...竟然是一年前...
個傻妹竟然...行來行去...行了 30次以上﹗﹗﹗


跑住咁行...



仲要一邊行一邊話好好玩﹗好開心﹗小朋友的世界真是簡單﹗
最近心情麻麻...好想自己有小朋友的天真同簡單﹗


之後去睇人玩BUBBLES﹗BUBBLES係公園永遠都咁受小朋友歡迎﹗


幾開心﹗



人地姨姨好好人,叫佢一齊吹BUBBLES,佢又唔敢呀﹗

好肉緊...佢有時對住小丸子都是呢個樣...我會好驚...



玩到唔捨得走...都是怪平時我地少同佢去公園﹗

到走都是唔敢吹波波﹗不過企係遠處扮吹﹗




大家LIKE咗我地個PAGE未呀?
Related Posts Plugin for WordPress, Blogger...