2015年6月30日 星期二

【產品試用】Panasonic Head Spa

 

 最近又有新玩具,就是 PANASONIC HEAD SPA啦﹗

其實有時真是好佩服日本人的創意同細心,日本的美容電子產品,真是你想像到同想像不到的都有﹗前一排好流行的洗面機﹑納米離子蒸面機﹑nanoe™納米離子保濕器﹑黑頭清除器,原來連 "洗頭寶" 都有﹗哈哈﹗就等我試用下,睇下佢好唔好用先啦﹗


我大約試用咗 4 -5次,2次濕洗,2次乾用,即是就咁按摩頭皮﹗以按摩 FUNCTION上,乾用是比較有力,按摩起來都幾舒服﹗佢有自動 TIMER,大約是 4分鐘 。濕用的話,我習慣晚上洗頭,用完第 2日下午都 KEEP到,比平時清爽,無出咁多頭油﹗

產品內容都好簡單,按摩機身﹑按摩梳頭﹑差電﹑底座﹑同說明書﹗我起初怕好 "大舊",原來都好輕巧"﹗

睇睇佢的功能啦﹗佢有4環回轉式按摩梳頭,可以幫助清潔頭皮污垢,有助保持頭皮清爽健康﹗佢仲可以 "乾、濕兩用", 深層按摩頭皮,同埋佢是全機防水,可以在沐浴時使用。

佢有3種按摩選擇:快速 / 輕柔 / 節奏模式,我自己比較喜歡節奏模式﹗

乾用就是按摩頭皮,都幾舒服架﹗尤其是我日日都對住 2隻馬騮,唔頭痛先出奇,按兩按都有舒緩的作用﹗

而且我頭髮薄,都希望按摩一下,可以增加血液循環,等頭髮生得好啲﹗

嘩哈哈﹗濕髮洗頭用,因為要影相,所以我無沐浴時用﹗其實沐浴時用是好方便嘅﹗

其實都是好似平時普通洗頭咁﹗佢大約是 4分鐘,平時我自己洗,一定洗唔到 4分鐘,所以用呢部 HEAD SPA 有一個優點,就是一定比平時洗得乾淨,而且按摩的力度都幾舒服嘅﹗依家夏天,用完最明顯的分別是頭髮去到放工,都未算是好油,平時 lunch time 後就已經開始有少少油啦﹗

1小時快速充電,差一次電就可以用 7次,即是如果一個人用就用足一個星期啦﹗如果阿旺仔一齊用,就用 3-4日囉﹗

如果大家有興趣,可以去 PANSONIC BEAUTY 的網頁睇下架﹗
http://www.panasonic.hk/chinese/products/beauty-grooming/facial-body-care/head-massager/eh-he94rp.aspx

產品由 PANASONIC BEAUTY 提供。

大家 LIKE 咗我地的 FACEBOOK PAGE 未呀?﹗未就快啲 LIKE 啦﹗
 
 


2015年6月29日 星期一

快樂星期日@坑口冒險樂園 + 元氣壽司


2015年 6月 21日 (星期日)

今日是父親節,不過大頭小丸年紀仲細,都未識同爸爸慶祝,都是我地同佢地慶祝,為佢地安排節目啦﹗今日的重點節目是去冒險樂園玩碰碰車﹗因為前一日去海洋量子號時,小丸子唔夠高,無得玩爆喊,我已經係 WHATSAPP 群組入面求救,睇下邊度有小朋友碰碰車玩﹗原來坑口冒險樂園就有,上完 BALLET 就可以去玩,真是岩岩好﹗

 父親節,阿旺點都要表演下 "爸爸的力的表演",拎住 2個囡一齊行﹗其實我唔知阿旺係唔係太多力?﹗佢係一邊行/跑,2個囡仲要一邊 FLING?﹗

上完芭蕾舞,就去玩碰碰車啦﹗2個囡都好開心呀﹗其實前一日大頭妹都唔夠高無得玩架﹗不過佢無扭計之嘛﹗其實有時我真是覺得大頭妹太乖,應該要扭下計先岩﹗

呢個就太扭計﹗可唔可以 "搓" 返暈?﹗咁就 VERY GOOD 啦﹗

HEHEHEH...小丸子知道自己無得玩真是爆喊架﹗

去到冒險樂園又點會玩一樣就走,一定玩埋 "波波池" 啦﹗
但坑口個個唔係好得,有啲地方爛咗唔開﹗



UM...其實比咗成 $40,先玩得 20分鐘,大頭妹你玩間屋玩咗 10分鐘都唔出嚟,阿媽我覺得好蝕囉﹗

出到嚟就推車﹗

同玩學校都有的車仔﹗(有少少嘔血的感覺)

玩完都成 2:00,去食壽司,最近發覺得同阿旺都真是傻傻地,同囡玩到唔知時間食 LUNCH,2個去到元氣話好肚餓﹗

肚餓到小丸子連 WASABI都唔放過,一坐底話要食 WASABI,阿旺起初點一下比佢食,佢唔肯食話要多啲,阿旺點多一下,佢都唔肯食,話要再多啲﹗連大頭妹都出聲話妹妹呢啲好辣架喎﹗之後點?﹗大家自己睇﹗


小朋友去元氣,最鍾意玩加綠茶粉同加水﹗

睇下小丸子個背景,似唔似 "獅子" 係草原搵 "獵物"﹗佢其實想要 "三文魚子",不過三文魚子好少會係出面轉,又已經過了 LUNCH TIME﹗更加無﹗

叫佢地 2個拎比我地食﹗佢地食的都要點﹗大頭妹永遠食 $14的蟹柳卷,因為佢...我一直以為小朋友好易養,所以生多個,點知...小丸子...

都無野嘅﹗只是要食最貴的三文魚子之嘛﹗食完仲食得落成碗烏東﹗

有三文魚子食...洗唔洗咁開心呀?﹗


嘩﹗個炸軟殼蟹手卷...細咗好多囉﹗不如加價啦﹗得咁少唔好味架﹗

自己一個食晒碗烏東﹗

後記: 依家學校好好,2個囡的學校都有做父親節禮物,大頭妹的是 WORLD'S BEST DAD獎牌,佢送完比爸爸之後,因為小丸子玩水比爸爸鬧,之後佢要脅爸爸話如果佢再鬧妹妹,就唔送個獎牌比佢﹗哈哈﹗可能平時爸爸都無鬧佢,佢唔明點解爸爸要鬧小丸子﹗佢真是好惜個妹﹗


大家 like 咗我地個 page未呀?﹗未就快啲 like啦﹗

2015年6月26日 星期五

2015暑假東京之旅-旅遊保險篇




唔知大家去旅行有冇買旅遊保障的習慣,我自己就次次都有買﹗以前跟旅行團,就通常直接同旅行社買。之後自由行興起,通常都是自己 BOOK 機票 + 酒店,反而就容易唔記得買,試過 LAST MINUTES 係機場即時買﹗

我地嚟梗暑假會一家去東京,今次一早睇定晒啲資料,帶住 2個囡樣樣都要穩陣啲好,費事到時又臨時臨急先係機場買保險啦﹗ 老實講買任何類型的保險,都唔會希望 CLAIM,其實都是買個安心﹗以前我買旅遊保都係揀方便/ 平,好少會睇保險內容,不過近年成日睇報紙睇睇埋埋好多旅遊保險 CLAIM 唔足,係外地旅遊時出咗意外,唔夠錢送返香港醫,又或者原來好多 "活動都唔包,出咗意外都無得賠﹗真是要小心睇清楚先至買﹗﹗﹗

正當我搵梗旅遊保險資料的時候,就收到 ZURICH 的【蘇黎世保險巨惠迎夏夏日】優惠資訊﹗由依家至 2015 8 31 日,投保「樂優遊」旅遊保險計劃單次旅遊,12 人以下有 8 折,12 以上仲有 75 折﹗咁我 4 個人去都有 8 折喎﹗

Zurich 的樂優遊旅遊保分金﹑銀﹑銅, 3種唔同的保障,最貴的金計劃,我 check 過,當我去日本 5日,包晒一家 4口其實都只是 $355.2 (: $268.8,銅: $179.2),係總共喎﹗唔係每位喎﹗因為如果夫婦一齊投保,同行 17歲以下的子女,係免費嘅﹗旅遊保都算豐儉由人,自己就覺得呢啲錢真係唔好慳﹗(溫馨提示: 依家好流行凌晨機/ 超夜機,有時去 5日,計埋航班時間可能要買足 6日,什至 7日的旅遊保險,所以有咩唔清楚,就最好打去保險公司直接問下啦﹗)  

睇完價錢就當然要睇下內容啦﹗其實 ZURICH的網站有晒,不過寫開 BLOG CROP 晒出嚟,方便我自己睇返﹗ 

我自己覺得最重要當場係睇緊急醫療運送同醫療保障啦﹗行李﹑flight delay 個啲,其實相對好少事﹗睇返 ZURICH 的樂優遊旅遊保險計劃,金計劃的醫療保障高達港幣1,000,000,銀就港幣500,000,銅就港幣250,000。是3個計劃之中,差別最大的部份,所以如果係考慮買邊個 計劃的時候,可以留意返呢點﹗就算揀其他保險公司都一樣架﹗ 

緊急醫療運送是 "實際費用",呢點真是好重要﹗最近成日報紙見到有問題都是呢一PART,保險係有包,但就原來有上限﹗ZURICH 就無論是金銀銅都是 "實際費用" 另外仲有 24小時全球緊急支援服務,同代付入院保證金﹗我見入醫保證金金額是 $39,000,都是算高的﹗

 

仲有金計劃的個人意外保障高達港幣1,500,000元 ﹗亦是 3個計劃之中,差別比教大的地方﹗其實如果個保費只是差一二百,買個大啲保障嘅,就安心啲囉﹗

其餘都是行李之類,我都唔係太擔心﹗ 不過又比我見到有一點好得意,因爆竊而損失家居物品﹗如果咁唔好彩,去旅行時比人爆竊,原來都有得 CLAIM﹗

 
另外我都打去問咗旅程延誤,HEHEHE...今次坐廉航嘛....問定囉﹗唔希望 CLAIM到架﹗根據旅行經驗豐富的大頭姨姨講一般是 DELAY 6-8小時開始有得CLAIM,我問咗 ZURICH,佢地係 6小時開以上就可以CLAIM $300,之後係每 3小時 $300﹗比我之前同銀行買的多﹗不過真是唔想有機會 CLAIM﹗ 同埋另外都有缺席特別活動保障﹗例如是因事故未能出席已預先購買海外主題公園、體育、音樂或表演活動之門票費用。


我打咗 2次去問野,第 1次即時有人聽,第 2次等咗大約1分鐘﹗HAHAH...順便 CHECK 埋 SERVICE LEVEL。

其實我主要是問 "緊急醫療運送" 同 "租車自負額保障",唔知呢度有幾多長期讀者,有睇過我地的 HONEYMOON之旅,無睇過真是要睇返,我自己睇返,睇幾多次都一樣笑到肚痛 (重溫: HONEYMOON 之旅 - DAY 6 白濱 (有驚無險之日) ) ﹗阿旺平時無揸開車,我地去大阪時係佢考完牌第一次正正式式揸車﹗真是成世人未試過咁驚險﹗問個租車自負額保障,ZURICH 的職員話,原來我地旅遊租車時買的保險,好多時都會有個 "墊底費",大約會是 $5000,即是如果你不幸真是要 CLAIM,租車份保險未必包晒﹗咁就可以用自己買的旅遊保險 COVER 返﹗佢仲話 ZURICH 的旅遊保是所有賠償不設自負額或墊底費架﹗

今次我地去東京,應該就唔會自駕,我都係問定,睇下下年會唔會去沖繩/ 北海道啫 (如果啲日YEN KEEP住低的話)﹗不過如果阿旺真是想載我 2個寶貝,佢一定要再去補補鐘﹗
 
上年一家4口去台灣,小丸子仲係 2歲以下,買 BB 機票咋﹗呵呵呵﹗今年有自己位坐啦﹗好想快啲 7月,好想快啲出發﹗不過我頭威頭勢 4月就 PLAN 行程,同依家都未 PLAN 完囉﹗
 
另外,「樂優遊」保障一般旅遊熱門活動,甚至是業餘危險運動及活動,包括冬季運動、水肺潛水、滑水、急筏、帆船運動、跳傘、攀 石、吊索跳及騎馬等。但賽車或自駕飛行活動及職業性危險運動,以及任何在海拔5,000米以上進行的高山遠足,或在40米水深以下潛水、則不在受保之列。呵呵呵﹗我今次去東京,最危險的活動應該是 SHOPPING,可能會導致 "荷包乾硬化"﹗

我就去日本啦﹗唔知今年暑假仲多唔多人去韓國呢?﹗
因應MERS爆發之情況,蘇黎世為前往南韓的旅客提供以下新增保障,有效期至2015年8月31日(以離開香港出發日期計算而旅遊目的地為南韓):如受保人於受保旅程中因被懷疑或確診感染MERS,而於受保旅程期間被南韓政府強制隔離,或於受保旅程完結後返回香港三日內被香港政府強制隔離,受保人可於被強制隔離期間獲得隔離現金津貼,每日500港元,最長十日至合共港幣5,000港元。

 

蘇黎世保險巨惠迎夏日
今個夏日,想與摯愛家人到海外感受陽光氣息,您不僅需要一份妥善的旅遊保障,出行期間,您還要為颱風及暴雨季節可能對家居造成的影響作好準備。蘇黎世早就明白您的需要。
優惠詳情:
保險計劃
旅遊保險
「樂優遊」旅遊保險計劃—單次旅遊
Ø       12人以下:20%保費折扣
Ø       12人以上:25%保費折扣
「樂優遊」旅遊保險計劃—全年旅遊計劃
Ø       100港元超市現金禮券


蘇黎世「樂優遊」旅遊保險計劃詳情:

帶大頭妹小丸子參觀皇家加勒比國際遊輪『海洋量子號』


2015年 6月 20日 (星期六)

今日有幸參加皇家加勒比國際遊輪『海洋量子號』首次訪港的 MEDIA TOUR﹗HEHEHE...端午節唔上龍舟,上郵輪,都算應了節呀﹗

我自己都是第一次去啟德郵輪碼頭,一去到見到海洋量子號』,真是好震撼﹗本身都知道佢是世界第四大的郵輪,更加是香港歷史上最大嘅訪港郵輪,不過見到真身都好震撼,完全唔似一架船 (當然啦﹗是郵輪,不是船嘛﹗),但是佢完全就好似一座 "大廈",所以小丸子上船之後,仲不停問我幾時上船,我同佢講我地已經上咗船啦﹗佢又好似明,又好似唔明﹗

今次 4小時的 MEDIA TOUR,花了 2小時食 LUNCH,另外 2小時參觀,其實都未真是參觀晒郵輪上所有的設施﹗真是大得好誇張﹗船上仲有好多特別的玩樂設施,好似: 北極星觀景台、模擬甲板跳傘、模擬衝浪器,不過我地今日就無得試玩﹗只是參觀都不夠時間,如果要玩晒船上的設施,應該真是要上船來個 5日4夜之旅啦﹗

今日天氣好好﹗個維港景好靚﹗

海洋量子號』全長逾三百米、較三個標準足球場還要長﹗高 16層﹗最多可以載 4905人﹗有成 2000幾間客房架﹗

我地登船啦﹗

這個角度見不到海,是不是真的好似一座大廈呢?﹗

一入去好似去了一個大的 SHOPPING MALL﹗

第 1站是到 『奇客餐廳』(CHIC) 食 LUNCH﹗船上有大約 20間餐廳,套票的價錢已經包了指定餐廳的一日三餐,另外有一部份餐廳是要額外付錢的﹗


CHIC 是其中一間免費的餐廳﹗大家可以睇下食物質素啦﹗不過聽 "何師奶" 講,另外仲有自助餐餐廳,食物質素非常好,而且早﹑午﹑晚的食物都唔同,好有新鮮感﹗

今日有 CELINE 妹妹,原來佢 4月時已經上過另一首 ROYAL CARIBBEAN郵輪,佢介紹下有咩特別好玩,原來佢鍾意玩 "碰碰車" 呢﹗

小丸子同大頭妹已經急不及待食麵包啦﹗



我的頭盤: 煙三文魚片

阿旺的頭盤: 蟹餅

大頭妹﹑小丸子的頭盤: 海鮮湯

阿旺的主菜: 烤羊肉架,阿旺話好好味﹗我見都好厚身,不過因為我唔食羊,我就無試﹗

大頭妹的主菜: 胞皮三文魚

小丸子的主菜: 韓式烤排骨 (主要是要個白飯)

我的主菜: 烤龍蝦尾,肉質都好彈牙呢﹗

同枱另外 2位 BLOGGERS 的主菜﹗


之後仲有甜品﹗我的芒果奶凍﹗

大頭妹的 CHEESE CAKE,不過都是我食﹗

阿旺的 NAPOLEON﹗

食飽飽就開始參觀啦﹗

先睇睇唔同的餐廳﹑酒吧,以下的都是要付費的﹗

BLONIC BAR...真是大開眼界,竟然是 "機械人酒吧",由機械手臂 "調酒",我真是第一次見﹗


WONDERLAND 餐廳,餐牌要 "加水" 先睇到﹗夠晒 WONDER架呱﹗





這個就是 "加水" 餐牌啦﹗好特別呢﹗

仲有日本壽司餐廳 IZUMI﹗



這間 CHOPS GRILLE 是專食扒類的﹗


試食的時候,聽到好多人讚好味﹗

我試了豬和牛呢﹗2樣都好好味﹗

小丸子自己都食得到一件﹗



之後去參觀一下船上的其他設施﹗大部份都是免費使用的﹗


三個小朋友一齊曬太陽﹗都太嘆了吧﹗

自己是香港人,都覺得個 "維港" 景好靚﹗希望來訪的遊客一樣喜歡﹗


估唔到連 STUDIO 都有﹗

FITNESS CENTRE

北極星 North Star,在300英尺的高空 360度旋轉,俯瞰遊輪、大海和目的地﹗


郵輪都有 "慌失失奇兵" 的主題﹗

GAME CENTRE﹗

終於去到碰碰車,可惜 2個囡都唔夠高玩,所以我地都無玩﹗小丸子又再次喊得好可憐﹗


無得玩真的,假的都玩下啦﹗

呢時...小丸子仲未知自己無我玩﹗

係 16層樓的夾板上攀石...heheheh...我覺得好得人驚,因為都幾大風架﹗


模擬衝浪器 Flow Rider

hahah...教練好有型呢﹗

模擬高空跳傘 RipCord by iFLY

大頭妹同小丸子睇都睇得好開心﹗

大頭妹最近...中了 "小孔雀" 毒,因為畢業禮表演,依家日日都要留多 1個小時係學校排舞,返屋企又跳,每次見到唔同的人,都要跳一次﹗






最後去參觀 spa 的地方﹗



最最最後...CELINE妹妹話要帶我地去食免費雪糕﹗

HAHAH...終於都問咗 CELINE媽媽,等大頭妹同小丸子同 CELINE妹妹影返幅相,不過小丸子就掛住食雪糕,唔望鏡頭﹗

嚟梗暑假,ROYAL CARIBBEAN 都有其他郵輪會由香港出發去其他唔同的東南亞地方架﹗有興趣的可以去睇下﹗

大家 LIKE咗我地的 FACEBOOK PAGE 未呀?未就快啲 LIKE 啦﹗




Related Posts Plugin for WordPress, Blogger...