2014年7月30日 星期三

大頭妹小丸子的新玩具﹗森林家族大屋﹗

上次去完玩具反斗城「夏日樂繽紛派對」之後,我地收到森林家族三層高洋房禮盒裝,大頭妹同小丸子真是好幸福,成日都收到禮物﹗仲要是森林家族﹗連媽媽我自己都好羨慕﹗不過爸爸就好恐慌,佢一向都有 "玩具恐懼症" ,成日都收起大頭妹和小丸子的玩具,因為佢怕佢地整亂屋企,小朋友就是要多玩玩具嘛﹗玩玩具才正常吧﹗玩 ipad/ iphone 就話怕玩得太多啫﹗

收到森林家族大屋,睇佢地幾開心?﹗

森林家族三層高洋房禮盒裝,包括有 2隻公仔﹑床﹑化妝枱﹑書枱,同好多好精緻的小配件﹗依家做 summer sale $699 (原價: $999)﹗如果想入手森林家族,依家真是入市的好時機啦﹗非常合適上車一族﹗(哈哈哈,樓盤廣告﹗)

小丸子同大頭妹一返到屋企已經急不及待開出來玩了﹗


三層高的洋房,真是好有氣派﹗媽媽都好想住入去﹗

今次有床﹑書枱﹑化妝枱,上次就有 sofa,大頭姨姨聖誕節的時候又買了鋼琴樂器套裝,大頭妹問我幾時有廚房同浴室?﹗哈哈哈﹗快架啦﹗媽媽一定會買﹗

霸王丸唔比我幫佢﹗佢係求入櫃桶﹗

終於都入好了﹗

女孩子真是特別喜歡玩 "家庭遊戲" ﹗



另外仲有 squeeze popper﹗小丸子好鍾意玩﹗

我用阿旺的肚腩做了實驗,就算近距離打到,都唔會痛,可以放心比 2個囡玩啦﹗


雖然話射到都唔會痛,不過我當然比個目標佢地發射,可憐的馬騮仔...我對你唔住﹗
睇下大頭妹同小丸子玩得幾開心﹗


大家 like 咗我地個 facebook page未呀?﹗未就快啲 like啦﹗

大頭妹小丸子探堂妹

2014年 7月27日 (星期日)

上星期日去探剛出生的堂妹,2個堂妹都好多頭髮,真是好羨慕﹗點解我 2個囡都無頭髮架?﹗小丸子因為頭髮少,但人又生得高大,又多野講,所有成日都會比人問我佢幾大﹗
 
可憐的大頭妹,坐在 2個 2歲的小朋友身邊,竟然...細粒過佢地,真是 "陰公" 囉﹗最近仲自己戒奶,成日自己唔飲,就靜雞雞叫阿妹幫佢飲埋,我都是最近先知,原來阿妹日日下午都飲 1支半,夜晚又飲 1支半﹗即一日飲 5支奶?﹗但又唔想幫大頭妹戒奶,依家已經咁瘦,再戒埋奶都唔知點算﹗

話佢做姐姐啦﹗小丸子好開心﹗我同爸爸抱 bb,佢都無呷醋﹗

小丸子...點解你大得咁快?﹗已經唔係 baby啦﹗

好耐都無抱過 baby啦﹗真是好可愛呢﹗

因為下午去游水,所以無化妝...唔記得自己要影相...

探完堂妹返去婆婆屋企飲茶﹗

食飽飽就去游水啦﹗小丸子又有新泳衣啦﹗其實本來買比大頭妹,不過...太大...大頭妹唔岩著﹗

sexy baby﹗仲 sexy 過我件泳衣﹗

游完水又去樓下街市食晚飯,開到 8月11日咋﹗以後都無得食啦﹗唉...地產霸權下,小店真是無得生存﹗

大家 like咗我地個 facebook page未呀?未 like的就快啲 like啦﹗多謝支持﹗
https://badge.facebook.com/badge/113329742036313.785.26172045.png

2014年7月29日 星期二

生日飯@新羅寶

今個月我生日,同大學同學慶祝,我選了去新羅寶﹗其實都有一段時候沒有去,因為...無煲韓劇一段時間,最近一口氣煲咗 3套: 主君的太陽﹑聽見你的聲音﹑Doctor異鄉人,所有...又要去食韓燒止下癮﹗

去銅鑼灣利舞台的一間,好似搬細咗?﹗我地一行 8人,竟然有房坐,以前要房好似有 minimum charge﹗不過我地今次埋單都好似 over $2500,下次同同學食飯,要人地夾錢,都是唔好揀太貴的餐廳,雖然好味,但我又覺得如果加埋價錢,好似金羅寶抵食啲﹗今次覺得佢地的份量比以前少好多﹗

前菜有 6款﹗
不過以新羅寶的價位,個份量好似好孤寒,全部都是得少少﹗
仲要因為我地一開始未人齊,只是點了 3個餸,但侍應就上晒 6小碟 2份,之後同我地落單的侍應又再問我地可唔可以落單,我直覺覺得佢地係要根據落單的銀碼,再比幾多前菜客人﹗因為都不是第一次,上一次是只放低幾碟,再點菜就再比多少少前菜,感覺好小家﹗






點了一個 4人餐﹗每次同屋企人來吃都是點 4人餐﹗







另外再點了:

石頭鍋飯

泡菜豬肉薄餅

炆牛肋條

燒烤的就再點了:


蝦  2碟 ( 1碟 4隻)

牛肉


最後有生果 x 2,我估是因為我地的金額達標了,所以有 2碟﹗

大家 like咗我個 facebook page未呀?﹗未就快啲 like啦﹗多謝支持﹗

2014年7月26日 星期六

靚媽週記 (28/06/14- - 04/07/2014)

又是一星期一次的 "靚媽週記"啦﹗(希望 keep到)

今個星期加入大頭妹,因為最近愛上幫大頭妹紮辮仔﹗其實我都幾懶,好少幫大頭妹紮頭髮,通常都會用...佢得幾條毛做藉口﹗不過其實幾條毛都有幾條毛的紮法﹗上次去 bossini 個 event,見佢著見公主 tee,就幫佢紮下三手辮啦﹗

2014-06-28
我唔記得呢款三手辮正確叫咩啦﹗比平常的三手辮難少少,不過就好適合好似大頭妹呢類短頭髮紮的﹗出來的效果都立體得多﹗



2014-06-30
今日大頭妹話要用 Hello Kitty 髮圈,又要 twist cross﹗ok...原來依家的小朋友,咁細個已經咁有主見,但其實佢頭髮唔長,只可以紮啲...好小朋友的款式﹗佢問我: 原來你都識紮 twist cross架?﹗um...其實...媽媽我學過新娘化妝 + set 頭,雖然...set 頭的技巧已經大部份還返比老師,不過紮你呢啲 bb頭,都仲綽綽有餘嘅﹗

佢話其他同學都係咁紮返學架喎...oh...真是即時勁慚愧...

Top: ZARA/ Buttom: Uniqlo


2014-07-04
生日著新衫,ZARA減價只是 $299﹗

生日搽返個紅咀﹗個人都醒神啲﹗

買咗支乾洗髮噴霧...但阿妹話無咩料到,我自己用就覺得都 ok,早上唔夠時間洗頭,返到 office 噴兩噴,再梳兩梳,其實都有分別嘅﹗不過我成日驚會唔會 block毛孔,生暗瘡,最近已經爆咗好多瘡瘡架啦﹗


大家 like 咗我地 facebook page未呀?﹗未就快啲 like啦﹗THANK YOU!




Related Posts Plugin for WordPress, Blogger...