2017年4月19日 星期三

大頭小丸@迪士尼春日遊園



謝謝迪士尼的邀請!今年大頭妹小丸子第二年參加「迪士尼明星春日嘉年華」!哈哈!剛剛是大頭妹派完第二段考成績表,當作是為大頭妹繁忙的小一生活打打氣,輕鬆一下,現在的小學生真是唔易做!

香港迪士尼樂園今年以迪士尼明星為主題,有超過100位迪士尼朋友將以不同形式和姿態登場!2017316日至528日期間,樂園除了佈滿繽紛的花藝及迪士朋友主題佈置外,一眾迪士尼朋友更會換上春日服裝,又是集郵的好時候
 
 每次等花車巡遊都特別開心,小丸子仲識叫我買爆谷!

今期的花車巡遊「迪士尼明星嘉年華列車」米奇老鼠、米妮老鼠、唐老鴨、高飛、迪士尼小熊DuffyShellieMay等一眾迪士尼明星穿起春日新裝,而打頭陣就有大頭妹小丸子最愛的「優獸大都會」的朱迪和阿力!大頭妹同小丸子見到好興奮呀﹗

「迪士尼明星春日嘉年華」加入不同的特色美食,其中「探險世界」的「碧林餐廳」旁,有部好新奇的汽水機,唔止有有毛利圖案的雕塑,仲有音樂,上面仲會噴水,有時仲會比佢噴濕身,放心只是少少水,唔會成桶水淋你既,小朋友玩得好開心!

另外,「明日世界」仲有港式美食!魚肉碗仔翅、煎釀三寶、串燒!






今年有超過80隻由迪士尼朋友化身成趣緻「花蛋」,藏在園內不同地點,我地只找到20多隻,下次要再努力啲啦!




今期大熱當然是《美女與野獸》電影的周邊商品,有超多款玩具和擺設,唔好講小朋友,連媽媽我見到都心心眼!仲有全新設計的貝兒公主系列服飾,女生的媽媽要注意啦!


當然都有復活節主題商品!

這套扣針好可愛!


最後大頭妹揀咗朱迪的蘿蔔筆。

最後最後,當然唔少得同「美女與野獸」的貝兒公主和野獸合照啦!野獸真是好高大下﹗

「奇妙處處通」會員:「好友同行」優惠
由即日起至714日,「奇妙處處通」會員專享「好友同行」優惠,會員可以每位賓客港幣$389 (折扣多達港幣$200),帶同好友入園一起暢遊樂園,盡情體驗「迪士尼明星春日嘉年華」!

迪士尼好萊塢酒店亦推出全新「米奇廚師親親星期天」自助晚餐連杯子蛋糕親子DIY,每逢星期日晚,享用「米奇廚師餐廳」自助晚餐的小賓客,都可與父母免費參與體驗,製作充滿春日氣息的杯子蛋糕,盡情投入開心親子時刻。樂園商店將推出超過130款迪士尼朋友主題商品,讓賓客盡情選購。樂園兩間主題酒店亦會為賓客打造充滿春日氣息的房間佈置,為賓客的春日旅程締造完美的體驗。
 

2017年4月10日 星期一

大頭妹小一第二張成績表



2017年 4月 1日 (星期六)

今日是小一的第 2次家長日,今次唔係單獨見老師,而是10個家庭一齊睇卷 (卷唔會派返屋企呀﹗),然後再聽老師講下小朋友考試既大路問題,同埋返屋企點樣有效地溫習。

今次考試整體成績都好滿意, 大頭妹比上學期進步咗,主要是中文,今次考得唔錯,比上次進步了很多,英﹑數﹑常都是大約上次的分數,其實今次我幫大頭妹溫少咗一課常識,我都唔知點解我會咁大意,上學期就搞錯咗英文同數學的考試日期溫錯書﹗今次常識最低分,短答要寫字的,機乎全錯,好多字都唔識寫,下學期溫習時,就要留意一下常識的生字。

經過 2次考試,大概掌握到點同大頭妹溫習,我唔期望佢考到級 20名以前,所以暫時都還可以,仍然可以做到 WORK HARD PLAY HARD﹗好鍾意大頭妹的班主任,時常提醒我地 『求學不是求分數』,當然我其實未做到,當中要找一個平衡。

咁我同意初小階段,最重要是享受返學,大頭妹話返學好開心,老師都好好人,考試又好開心,因為可以早放學,星期六返學又好開心,因為有圖書堂可以睇圖書,哈哈,我唔知點解我會生咗個頭腦咁簡單的女﹗不過都好,做人開開心心﹗

大頭妹同小丸子的笑臉,就是我最大的成就﹗佢地有幾開心,就是我有幾成功﹗


2017年4月7日 星期五

團購晚餐【富東海鮮飯店】@20170331

2017年 3月 31 日 (星期五)

今日同幼稚園媽媽晚餐慶祝其中一位成員生日,我地次次都是去『滾得盞』,今次話試下新野,我買咗【富東海鮮飯店】的團購晚餐,$1760/ 6位,再加 $176 加一,為起一個人就是大約 $323。

套餐包括: 松茸螺頭燉豬展湯﹑45頭中東鮑魚鵝掌﹑黑松露海棠蝦球﹑頭抽煎龍躉班塊﹑上湯杞子浸菜苗﹑富東炒飯﹑生磨杏仁燉燕窩﹑時果,我覺得都算好豐富啦﹗

松茸螺頭燉豬展湯,味道好濃,而且份量很大,一人可以分到 2-3碗﹗

好足料呀﹗

45頭中東鮑魚鵝掌,炆得好入味﹗

黑松露海棠蝦球,蝦比較細,蛋白蒸得很滑,唔算太濃的黑松露味道,黑松露都只是一個賣點啫﹗

頭抽煎龍躉班塊,睇相時先得一塊,上枱時的份量都幾足,一人都有 3-4塊﹗魚質新鮮彈牙,味道不錯﹗

上湯杞子浸菜苗

富東炒飯,果然名不虛傳,雖然已經好飽,我都吃了 2碗。

生磨杏仁燉燕窩,杏仁味好香,燕窩的份量不多,不過以團購價來講,有燕窩點綴下,已經好開心。

仲有個甜品同橙,我唔記得影個橙﹗

富東海鮮飯店
地址: 北角電氣道92-94號地下B-C舖 
電話: 2566 8689OPENRICE: https://www.openrice.com/zh/hongkong/r-%E5%AF%8C%E6%9D%B1%E6%B5%B7%E9%AE%AE%E9%A3%AF%E5%BA%97-%E5%8C%97%E8%A7%92-%E6%B8%AF%E5%BC%8F-%E9%BB%9E%E5%BF%83-r13927/reviews

2017年4月3日 星期一

FOODWISE特約【清酒忌廉煮青口】 (附有圖食譜)



謝謝 FoodWise 的邀請,等我有機會『重出江湖』寫食譜,今次會示範煮【清酒忌廉煮青口】,另外,仲有阿旺出馬的煎『急凍澳洲 Natural 法式羊架 850g』和『急凍澳洲 和牛(M5)西冷牛扒 8oz』!

呵呵呵﹗首先當然是要『賣花讚花香』先,FoodWise 是一間受歡迎的本地優質健康營養超市,產品種類繁多,提供健康﹑優質﹑實惠及便利的食材選擇,網上購物滿 $500就可以免費送貨,非常適合我地呢啲咁繁忙的香港人,佢地有 11間分店,遍佈全香港九龍新界。

FoodWise 的網上平台非常容易使用,我星期三落單,星期六就收到貨啦﹗佢地仲會用 whatsapp 去確認送貨時間,送貨之前亦會再致電比客人。



大家唔知有冇係餐廳點過『白酒忌廉煮青口』?﹗大約都要 $100以上,大家又估下呢盒急凍青口幾多錢?﹗答案是 $19.9﹗自己識煮,其實真是可以慳好多﹗
http://foodwise.hk/hk/catalogsearch/result/?q=premium%E9%9D%92%E5%8F%A3

啲肉都幾肥美,仲有淡淡的海水味,雖然是急凍,但都保持到鮮味﹗


阿旺就選了急凍澳洲 Natural 法式羊架 850g﹗
http://foodwise.hk/hk/australian-natural-french-cut-lamb-rack-850g.html


我叫佢影下啲羊,有人『12道鋒味』上身﹗影完我笑到收唔到聲﹗


扮得謝霆鋒,今期梗係要『磨刀』啦﹗


其實買到一塊靚扒,就已經成功了一半,初學者煮西冷會比較易,肉眼的肉質是腍啲,但其實都難揀啲,有機會影下比大家睇,點揀一塊靚牛扒﹗煎西冷的技巧就簡單點,最緊要記得切開啲筋,煎完就唔會卷起架啦﹗

登登﹗完成啦﹗




清酒忌廉煮青口 


材料: 急凍青口 1包/ 蒜頭 2瓣/ 清酒 (白酒亦可)/ 忌廉/ 雞湯(optional )
調味: 鹽/ 白胡椒

做法:
1. 平底鑊中加入適量橄欖油,油未熱就加入蒜蓉,到聞到蒜香的時候就加入青口,
2. 加入清酒,煮青口至熱 (本身已經熟),加鹽同胡椒調味﹗
(因為青口本身都有少少咸味,所以唔好加太多鹽呀﹗)
3. 最後加入忌廉混合就可以,如果會拌意粉食,可以再加少少雞湯,就會有多啲汁配意粉食。

先倒出來清洗一下青口的殼。

記得是落油時,同時加入蒜蓉,咁先會有蒜香,但又唔會燶﹗

加入青口和清酒﹗

最後加入忌廉,混合好就完成,係唔係出奇地易煮呢﹗

依家我地的 Fans只需於FoodWise網站購物滿 $200並輸入優惠代碼 KOLFFG1703311G,即可獲得紅酒乙支,數量有限,換完即止,恕不另行通知 (所贈送之紅酒會連同網上訂購之貨品一併送到送貨地址,購物滿$500即可免費送貨,若金額不足$500,Fans亦可於 FoodWise分店取貨時一併收到)。

Website: www.foodwise.hk

大家 LIKE 咗我地 FACEBOOK PAGE 未呀?﹗未就快啲 LIKE 啦﹗ 

Related Posts Plugin for WordPress, Blogger...