2017年5月31日 星期三

媽媽聚會【蒸蒸日上】

先一排因為有位不小心的爸爸係家長 GROUP『失言』,令好多無小朋友的人疑問問,其實入家長 GROUP做咩呢?﹗有人話跟功課囉,之後就會有人話寫手冊是小朋友的責任,我地細個都無 WS 問功課架啦﹗其實我覺得又唔洗考究,反正都已成習慣,我地媽媽真是可以係家長GROUP入面識到朋友,不過我諗爸爸應該可以唔洗GROUP啦﹗

同大頭妹幼稚園媽媽的聚會,雖然大頭妹 K3轉了校,又雖然大家都升晒小學,不過我地都 KEEP住 2-3個月食一次飯,通常等大家小朋友考完晒試,我地就會出嚟鬆一鬆﹗每次都會去食好野,証明我地平時幾辛苦﹗

今次去【蒸蒸日上】食蒸海鮮﹗我地叫了一個 AROUND $500/ 位的餐,要先預定,因為老舊要預備海鮮﹗同下面呢個差不多,不過我地 UPGRADED咗個蟹做長腳蟹﹗


長腳蟹好大隻呢﹗

蜆好清甜,我覺得食蒸海鮮一定要食蜆,真是好鮮味﹗

扇貝,唔知點解唔連殼蒸,好似無咁甜,平時如果連殼蒸會有啲水,好鬼鮮甜嘛﹗

鮑魚都幾鮮味﹗

乳龍蝦,上枱時仲郁郁下,好殘忍咁,不過食肉就是咁架啦﹗


其實仲有好多野食未影,好似仲有雞﹑牛﹑菜,只是影了海鮮﹗

個粥先係精華所在﹗正到無朋友﹗有 2款粥,一款是柴魚花生粥,一款係菜乾粥﹗


最後仲有甜品﹗

其實有好幾款套餐,由 $330-530不等,想再食豪啲都應該可以問下﹗

蒸蒸日上
網址: https://s.openrice.com/QrbS0zCs3W0
地址: 尖沙咀 彌敦道184號英龍商業大廈11樓

電話: 5596 9382

2017年5月29日 星期一

峰壽司魚屋@20170518

2017年5月18日 (星期四)

今日要出外工作,沒有回 office,中午的時間剛好在銅鑼灣又諗唔到食咩,想行下 GU,所以行咗過皇室堡,就揀咗去【峰壽司】食午餐啦﹗點知...

其實都唔係第一次中伏,上一次是 tea time,以為是下午茶時間出事啦﹗今次午餐時間,一樣出事,壽司飯太酸,飯的口感亦不好,上面的刺身感覺唔新鮮﹗真是超級失望﹗晚餐/ 散叫唔知會唔會好啲?﹗如果唔係以呢個質素,應該都好難係銅鑼灣捱落去?﹗

午餐定食的價錢是平,才$58起,但都唔可以唔理質素架﹗﹗﹗

前菜同麵豉湯反而正正常常﹗


一共 10件壽司,我最後食淨 5舊飯﹗可想而知...味道有幾...
刺身上枱望落已經麻麻地新鮮,食落當然都是唔新鮮,咁都係嘅...$58一個餐,唔應該有太大期望,其實我唔介而意少 2-3件,比返好少少質素我﹗

我應該唔會再比多次機會,以前好喜歡食佢地的蟹棒壽司呢﹗依家都係食返元氣算啦﹗

峰壽司魚屋
地址: 鑼灣告士打道311號皇室堡4樓405號舖 
電話: 3583 3316
https://www.openrice.com/zh/hongkong/r-%E5%B3%B0%E5%A3%BD%E5%8F%B8%E9%AD%9A%E5%B1%8B-%E9%8A%85%E9%91%BC%E7%81%A3-%E6%97%A5%E6%9C%AC%E8%8F%9C-%E5%A3%BD%E5%8F%B8-%E5%88%BA%E8%BA%AB-r47015

2017年5月27日 星期六

南港島線【海洋公園】



2017年 1月8日 (星期日)

南港島線聖誕節假期通車時已經想帶大頭妹和小丸子去試坐一下,試坐就當然要去海洋公園啦,無理由坐完之後原車坐返屋企吧﹗不過當時驚太人多,過了 2個星期,見運作大致順暢,就帶大頭妹小丸子去海洋公園會玩下。有了南港島線之後,去海洋公園真是好方便,我由太古出發,去到海洋公園門口都只是用了 25分鐘,以我當日星期日所見,又不是特別多人﹗

車站有 7-11﹑美心西餅﹑鴻福堂,入園前後可以補給一下﹗

【超時空魔幻匯演】真是好精彩,之前去澳門都有睇過不同的魔術 show,想不到這個樂園門票已包的魔術 show 都一樣精彩﹗﹗﹗成個魔術 show,用故事和舞蹈串連,分開 5大部分﹗大頭妹同小丸子睇到好緊張,不停問我啲野真定假?﹗我話假佢地又話係真,我話係真架,佢地又唔信,都唔知佢地想點﹗

最後仲有得影相﹗


睇完 show 就去兒童皇國玩啦﹗玩玩下...小丸子話要食野,其實食咗 lunch 先入去架喎﹗咁快又要食 tea?﹗

兒童餐 $88,樂園價來講,食物質素都 ok 的﹗

之後去睇海威劇場,講海洋保育,好岩小朋友睇﹗


其實我平時唔比佢地玩呢啲要額外用錢的遊戲,今次破例比佢地玩一次,$50/ 24次,每人有 12個波,最後大頭妹竟然中了 2個細獎,可以換一個中獎﹗


平時多數是暑假/ halloween 的時間去,唔知海洋公園關 7:00pm,依家有地鐵 7:30已經返到太古了﹗呵呵呵﹗以後去海洋公園玩就方便得多啦﹗


2017年5月26日 星期五

Burgeroom@20170316



2017年 3月 16日

好難得約朋友食晚餐,自從大頭妹升小學之後,其實都好少約人,依家好多朋友都有小朋友,大家各自上晒小學,間間小學又唔同時間測考,所以就算約人都只可以約星期五,起碼第日小朋友唔洗返學,唔洗跟功課﹗

今次約了新界區朋友,選了中間點的尖沙咀,其實又可能是因為我地是中學同學,以前中學時期都鍾意行尖沙咀,依家好耐都無試過約人行街街了﹗

大烤菇芝士牛肉漢堡 $105,過 $100食一個漢堡好似有點貴,不過份量是非常之大,我地 2位女仕加埋都差少少食唔晒,而且用料真是十足,大烤菇和牛肉漢堡都好 juicy﹗

又一邪惡之物﹗牛油果醬芝士薯條 $62,非常適合喜歡牛油果的朋友,即是我﹗

薯絲蝦 $42,呢個比較普通,又可能因為我地已經太飽了﹗

價錢牌﹗


哈哈﹗無論幾飽,女士們總有另一個胃食雪糕﹗


Burgeroom
尖沙咀彌敦道132號美麗華商場2樓2012舖 
3702 0361
https://www.openrice.com/zh/hongkong/r-burgeroom-%E5%B0%96%E6%B2%99%E5%92%80-%E7%BE%8E%E5%9C%8B%E8%8F%9C-%E6%BC%A2%E5%A0%A1%E5%8C%85-r495254

大家 like 咗我地的 Facebook page 未呀?未就快啲 like 啦﹗

2017年5月25日 星期四

一個人的晚餐@太古Apita



2017年 5月19日(星期五)
今日去旺角睇脊醫,9:00返到太古,又要諗食咩,其實都好多選擇,不過我就是有選擇困難!

忽然想起之前Apita新開了一間日式定食,就是之前的軟雪糕店的位置,我見有我愛的燒魚定食,就一於試下啦!

唔知係唔係時間關係/ 彩數問題/ 本身就是咁?!我點了「照燒油甘魚定食」$64,油甘魚的位置好似麻麻地,而且偏細份,女士食都唔夠飽!碗白飯就大碗既﹗

前菜的味道反而不錯!

麵豉湯都好夠濃,是我喜歡的味道,但有可能會覺得偏咸!

包一杯飲唔,可揀熱茶/ 凍咖啡!

直接和 AEON 的【Nakayo食堂】相比就真是差少少,雖然 AEON 同一個 SET是 $69,沒有包飲品。

大家 LIKE 咗我地的 FACEBOOK PAGE 未呀?未就快啲 LIKE 啦﹗


2017年5月22日 星期一

奇遇 (下)

繼續講埋我上次個奇遇﹗到底我最後帶唔帶到個婆婆返屋企呢?﹗好似大家關心我返唔返到屋企,多過我帶唔帶到婆婆返屋企?﹗

其實最後我的任務是失敗咗﹗

當我同婆婆離開茶葉鋪的時候,佢繼續拉住我衝紅燈,我繼續叫『婆婆紅燈呀﹗過唔到架啦﹗』,佢繼續衝出去,終於佢去到一個電車站就停啦﹗原來最後婆婆係要坐叮叮先返到屋企,又或者佢根本唔係返屋企,佢繼續佢既『冒險』,當佢上電車之前,佢摸摸我塊面,令我諗返起我嫲嫲,忽然好掛住我嫲嫲﹗

我終於知道點解我會陪婆婆行咗咁耐,其實我以前返學的時候,成日都會好擔心,嫲嫲一個人出街唔知會點呢?﹗好希望有人會幫我拖下佢﹑扶下佢,佢慢的時候,耐心等待佢。

有時老人家上車爭位坐,是因為佢地真是好需要坐,有時巴士後面明明有位,佢都要前面的人讓座,佢地唔係霸道,唔係似老賣老,只是佢地自己好明白,係移動的車箱每行多一步,佢地跌倒的風險都會增加,無照顧過老人家的人,真是未必知道,希望大家都可以對老人家多一份體諒...

哈哈...自己都唔知自己講咗去邊...講完﹗多謝大家純文字 BLOG 都睇到尾 ﹗


2017年5月20日 星期六

大頭小丸 X 海洋公園「星學動物探索隊」

 

早前帶大頭妹和小丸子參加了海洋公園推出全新的「春日歷險」教育活動「歷險探索系列」,做個小小的動物保育探險家!

首先要講講,我地今次參加的是試玩版,課程本身是3日,我地是濃縮版一日玩晒!另外,就是課程不是親子班,不設家長陪同,只會在最後一日的畢業禮才會邀請家長參予,分享小朋友既學習成果!我地今次算是「戰地記者」身份參加!呵呵...一個平時零運動的媽媽,要跟佢地上山下海,對我真是好大挑戰﹗

今次全新「歷險探索系列」採用「經驗學習法」「自然遊樂」兩大教育理念,課程之中,透過保育不同動物為主題的活動情境,了可以近距離接觸/ 睇動物,仲有好多不同的團體遊戲,讓小朋友在學習知識的同時,發展個人潛能,提升小朋友的三大個人發展技巧,包括自信心溝通及人際關係

其實有點像我地大人的team building,內容就小朋友版,主要是訓練小朋友的合作性和溝通!

大頭妹大個女啦!依家玩遊戲好投入,仲識鼓勵隊員!

估唔到小丸子都好留心,其實個個小朋友都好乖好留心,相信小朋友都喜歡遊戲中學習。

玩完一個回合的熱身遊戲,我地第一站是睇『北極雪鴞』,原來佢地對聲音好敏感,所以小朋友都要乖乖地﹑靜靜地﹑定定地﹗

第 2站是睇『海象』,大頭妹同小丸子話估唔到原來海象咁大隻,我話梗係啦,唔係點叫『象』,有時就是要親身睇過印象才會深刻。

海象真是有長牙架﹗

又返返活動室玩遊戲啦﹗

今次有『代幣』,好似是有些遊戲要用代幣玩,玩完又會得酊代幣,再玩其他遊戲﹗





 LUNCH TIME前有一個少 ROUND UP,講返小朋友早上的表現,我估正常版應該是每日會做返一次  ROUND UP,有個頒獎儀式,其實導師好好,每個小朋友佢地會搵到佢地的優點,再加以稱讚﹗

大頭妹得到合作精神獎﹗

小丸子都得到『活力獎』?﹗呵呵呵...即是無時停囉﹗

HAHAHAH...幾神氣﹗

之後是 LUNCH TIME,今次去『冰極餐廳』,上次阿旺生日時都去過一次,食物份量好足,味道都不錯﹗

雞翼

這個帶子意粉超推介,每次小丸子都可以吃 2大碟﹗

豬扒飯

企鵝 PIZZA﹗

芝士薯條又是必吃推介,好好味呢,雖然『邪惡』少少﹗


特色飲品﹗

睇下小丸子食得幾開心﹗

食完 LUNCH,就到下午的活動啦﹗今次是小朋友親自整『特製啫喱』,整完仲可以親手去餵魚架﹗


其實都幾腥﹗不過對小朋友來講,真是一個新嘗試,是好好的體驗﹗



小丸子個樣好搞笑,因為佢好心急想整,要佢學習『等待』﹗

開始整啦,其實好似整曲奇餅咁﹗

有得整個樣即刻唔同晒﹗

個個小朋友都好投入﹗

整完就是一個個熊仔餅,攞去餵魚﹗

終於可以去餵魚啦﹗大家都好興奮﹗

餵完魚就是下午最後的活動啦﹗



最後會有個總結,家長可以一齊參與﹗

好鍾意小丸子自信滿滿的樣子﹗

大頭妹得到『友誼小姐』﹗

「歷險探索系列」首批課程「春日歷險」設兩個不同程度 
為四至五歲幼童而設的「星學動物探索隊」
為六至八歲兒童打造的「童遊動物探索隊」 
活動是季節限定,只會在4月開辦,將於三月接受預約,所以想報名就要快啦!
  


Related Posts Plugin for WordPress, Blogger...