2017年8月26日 星期六

傻夫婦東京親子之旅 Day 1【羽田機場/ 箱根交通介紹】

 

 2017年7月14日 (星期五)

又到一年一度的暑假旅行,今年的目的地是東京,今次去 6日 5夜,會去 2日箱根,住【箱根小涌園酒店】,第 1日會去【箱根小涌園溫泉樂園】玩水,第 2日就四周遊覽,會去元箱根港坐海賊船去桃園台,再坐吊車去大涌谷和早雲山,再坐覽車去強羅,最後本來是會坐小田急浪漫號列車返新宿,可惜我地遲到錯過了早 1個月前上網訂位的『風景列車』﹗另外 4日都是住東京新宿【小田急世紀南悅酒店】,會去明治神宮掛繪馬﹑原宿食西瓜雪糕﹑東京鐡塔﹑淺草著和服﹑晴空塔﹑東京迪士尼海洋﹑KIDZANIA 做童工﹗呵呵呵﹗行程都好豐富,我一向 PLAN 行程都幾進取,所以日日都差不多 10AM- 12AM,真是辛苦過返工﹗阿旺問下次可唔可以去多幾日,但行程唔好咁密?﹗哈哈哈﹗盡量啦﹗

今次都是坐 HK EXPRESS,我無吸取上次的教訓,又是一早上年 11月買了機票,後來又是有一段時間越賣越平,所以買機票真是不用心急,不過其實我依家 2大 2小,連揀位﹑去程 20KG行李,回程 40KG行李,連稅都是 $10000以內,又不算貴,當坐前啲囉﹗仲凌晨機去凌晨機返,玩足 6日,不過其實我是想去 7日,數凌晨日子數錯了,變成 6日﹗

 今次又是 DELAY 了 1小時,上年去福岡又是 DELAY 1小時,不過坐廉航 DELAY 1小時,都可以接受啦﹗

其實大頭妹出機場當日的早上,仍然要返學,放學返到屋企,食完飯就出發去機場,好似早咗少少,去到 CHECK IN 都無咩人﹗我地已經做咗 ONLINE CHECK IN,所以只是寄行李,好快就搞掂﹗
 

 小丸子最近好似又肥咗少少...
 

 細機 2行 3/3 位,我通常都會揀我地 3個一齊坐,唔想佢地嘈影響其他人,不過其實佢地都好乖既,下次就試下 2/2 咁坐,等佢地都有窗口位啦﹗
 

 去到東京是 5:00幾,東京好似早啲日出咁﹗



 第一時間將件大行李寄去第 2日 CHECK IN東京的酒店,都只是大約 1800YEN,唔洗 $130,都幾化算,好過帶住件行李去箱根,搬來搬去,不過就記得事前同酒店講聲,再帶住酒店的地址電話,方便寄件﹗
 

 體力充沛的小丸子,坐完凌晨機還可以跑樓梯﹗
 

 羽田機場的 FOOD COURT,有幾間 24小時營業的餐廳,坐凌晨機都可以食個早餐先出市區,我地會直接去箱根,所以當然要食個早餐啦﹗有 MOS BURGER﹑吉野家,同一間和食屋,有烏東﹑飯團之類﹗

 阿旺吃 MOS BURGER﹗

 會比香港好味嗎?﹗

 我地 3個吃吉野家﹗
 

 兒童餐有細牛肉飯﹑飲品﹑啫哩仔都只是 400YEN 唔洗﹗

 呢個小朋友...無食到,早之唔洗叫 3個餐﹗

 吉野家我就覺得同香港差不多。

 大頭妹食得慢,小丸子又無食到早餐,我同小丸子四圍行下﹗



其實有得玩,不過太早未開,好似開 10AM-10PM﹗

 仲可以行出去睇飛機﹗

 有飛機模型,小丸子認得我地坐的 HK EXPRESS﹗

 其實仲有好多其他餐廳同商店,不過太早未開,回程我地都吃了 SUKIYAKI,好好好好味﹗

食完早餐,就開始出發去箱根啦﹗我地由羽田機場國際線坐『京急空港線快特』去到【品川】,再轉東海道本線 (伊東行) 去【小田原】,轉巴士去箱根﹗
 


 月台都有便利店,可以補給一下﹗

 車程大約1小時20分鐘,又可以訓一陣﹗

 去到小田原啦﹗

 一出地下街就會見到去箱根的巴士。

 我地住小涌園溫泉酒店,3號同 5號巴士都到。

 我地坐3號車,其實邊架開先就坐邊架都OK,車程大約30分鐘﹗

 小丸子未夠 6歲,我無買佢位,所以一齊坐,反正佢地都要同我坐﹗

原來係正酒店門口落車,真是好方便﹗酒店在右手邊,對面就是箱根小涌園溫泉樂園啦﹗

下一篇會講下箱根小涌園酒店同箱根小涌園溫泉樂園﹗大家記得留意啦﹗

大家 LIKE咗我地的 Facebook Page 未呀?﹗未就快啲 like 啦﹗


2017年8月22日 星期二

傻夫婦東京親子之旅 DAY 4 午餐【四季の味 ほり川】(HORIGAWA)


今日的行程比較簡單,只是下午去淺草著和服,再去晴空塔逛逛﹗因為和服約了 2:00,早上有少少時間,一早起身去7 -11買了早餐比 3隻懶訓豬,我就自己出去行街啦﹗阿旺﹑大頭妹﹑小丸子就留係酒店食早餐,休息一下,再出去食午餐,唔想佢地走來走去,就係酒店 19/F 的日本餐廳食壽司,之前有朋友食過,話都唔錯。

餐廳原來分 3個區,有壽司區﹑和食區﹑鐵板燒區,我起初仲以為可以自由選擇,原來入坐前就要選定啦﹗我地就大頭妹揀了壽司﹗午餐都有好幾款套餐可以選擇,價錢大約是 1800 - 5000 YEN,亦可以散叫 158 - 630YEN/ 件﹗

中午時候已經滿座,我地要坐吧枱啦﹗不過都好,可以睇師傅整壽司﹗我地點了餐廳經理推介的套餐,是一個壽司拼魚生飯的套餐,可能佢見我地有 2個小朋友,推介個多飯的套餐,仲有蒸蛋﹑麵豉湯﹑雪糕,都是 2160YEN,大約港幣 $150。

先來蒸蛋﹗好滑,仲有陣陣柚子味﹗好好味呢﹗

魚生飯都好足料,其實基本上我食完個魚生飯都飽晒﹗


麵豉湯﹗

壽司的飯是偏酸,同埋好夠味,基本上是唔需要點豉油﹗刺身亦好新鮮﹗

另外點了烏東比大頭妹同小丸子食,點知佢地都冇食到,最後要阿旺清咗佢﹗

食埋個雪糕為呢一餐畫上完美句號﹗

食飽飽我地就出發去淺草著和服啦﹗

四季の味 ほり川
http://www.southerntower.co.jp/restaurant/

2017年8月21日 星期一

傻夫婦東京親子之旅 Day 1【箱根小涌園酒店- 自助晚餐篇】


之前都有提過,入住【箱根小涌園酒店】都有好多唔同的 package,淨房/ 包早餐/ 包早晚餐/ 包早晚餐,連箱根小涌園溫泉樂園入場卷﹗我在agoda 訂全包的 package,晚餐就是自助晚餐,大約是 $3300 (2大 1小),小丸子未夠 6歲,我是另外再 email 酒店加 1個小朋友,大約是 5700yen (住: 2057yen,早: 615yen,晚: 1544yen,樂園: 1500yen),即是 $400,總數就 $3700。如果上官網/ 日本的旅遊 website 訂,連晚餐都有好多選擇,唔一定是自助晚餐,之前上網都望過,如果揀和式/ 鐵板燒,份量有點少,我怕阿旺食唔飽,所以都是自助晚餐最穩陣,而且係日本食自助餐是幾 kids friendly,小朋友 6歲以下都好平﹗

自助餐在 3/F (LOBBY 的一層),自助晚餐的賣點是長腳蟹﹑烤牛肉﹑帕瑪森起士義大利麵﹗

長腳蟹真是好好味﹗阿旺話係香港食唔到呢個水準,我諗如果去北海道食會更加美味﹗

小丸子愛白汁義粉,我當然第一時間拎比佢,等佢可以乖乖坐定定食﹗

食得幾滋味,見佢食得咁滋味,我自己後來都有食一碟﹗

大頭妹的『兒童餐』,哈哈,係我幫佢拎,再放靚靚,不過佢連呢一份都食唔晒﹗同佢食 buffet 真是唔抵﹗


我同小丸子都最愛麵豉湯﹗

食咗 2轉長腳蟹之後,開始食其他食物啦﹗

牛肉好腍好好味﹗

沙律材料豐富﹗

去到日本當然要食生果啦﹗

試試甜品都唔錯﹗


都有中式食物﹗

生果盤﹗

密密食的小丸子﹗

唔多食的大頭妹﹗

大頭妹正經野唔食...係食呢啲﹗

最後原來仲有軟雪糕﹗


食飽飽...睇下小丸子個肚腩仔﹗

唔知大家有冇興趣,都出去影咗一個圈﹗







有免費的咖啡﹑茶,另外仲有果汁﹑汽水﹑啤酒,不過當然要加錢啦﹗



食完飯行下酒店,得一間好細的商店﹗


食完自助餐走咗出去行便利店,最近竟然唔記得去睇星星﹗

http://www.hakoneho-kowakien.com/restaurant/grandvert.html
Related Posts Plugin for WordPress, Blogger...