2019年4月22日 星期一

大頭小丸小學篇@20190331

依家寫blog好少講學校,因為唔知咩講得咩唔講得😝,其實轉眼大頭妹已經三年班,小丸子都一年級,話咁快今個學年就過咗一半,已經考埋第二次試,派埋卷啦,派埋成績表,寫個上學期小總結。😊

大頭妹今年除咗科數學,其他都考得不錯,今年數學跌得好緊要,由1-2年級,未試過低過85分,到今年上學期第一次考試得65分,差少少唔合格,由二年級下學期95分跌落嚟,足足跌咗30分。今次考試都是得70幾,真是跌得得驚人!平時堂測明明都是80幾分,圖形試過100分,問佢係咪考試緊張,又話唔係。

我話佢好似每年都要比啲野我去處理,可能驚我冷落佢🤔。上年就中文,默書成日都6-70分,考試又是由一年級8-90分,忽然跌到70幾分,今年中文反而狀態大勇,上學期仲神奇到高分過英文,完全匪夷所思,所以我相信我會搞得掂佢科數學既💪🏻。

至於小丸子😅,我真是無佢辦法,其實係咪好差呢?!又唔算,上學期2科70幾,2科80幾。今個學期4科80幾,但⋯⋯呢個成績,係佢地學校嚟講就唔係太理想。不過對於小丸子,其實我總是覺得好抱歉,花係佢身上的資源、時間、心機都比唔上大頭妹,而明明知道佢就是坐唔定,心散,應該要比多啲時間佢,但自己就成日捨難取易。

考完試約埋同學一齊去Superpark!



第一次去Superpark ,感覺新鮮,兩個都話好好玩!




仲有一次大考就完今個學期,有小朋友的日子過得特別快!

2019年4月20日 星期六

傻夫婦暑假京都大阪親子遊 DAY 3【Legoland/ 聖瑪麗亞號/ 海遊館/ 天保山麼天輪/ 溫野菜】


今日的行程是衝著「大阪周遊卡」而來,剛好一整個區域 3-4個景點,用大阪周遊卡都有優惠/ 免費,免費入場的包括:Legoland Discovery Centre Osaka (2300yen),天保山大摩天輪 (800yen),聖瑪麗亞號 (1600yen),另外海遊館都有折扣優惠,不過我地買飛時忘記用,所以以以 1日周逰卡來計,單是去 Legoland 已經值回票價。(詳細資料:https://www.osp.osaka-info.jp/cht/

大阪的Legoland比東京的還要細,不過我地去京都個幾日,天氣實在太熱,好似有成37度以上,所以都將戶外活動,改為室內活動,原本今日是要去嵐山坐小火車,前一日收到朋友通知,佢上嵐山時天氣太熱,連小火車都停駛了。

講返Legoland,同大頭妹睇行程時,佢就是揀了Legoland!














入面有一間小Cafe,都有簡單的咖哩飯、熱狗之類食。

仲有少少街頭小吃。





我地報了一個班,講日文的,不過小朋友跟著砌也不難。





之後去坐聖瑪麗亞號,怎樣說呢⋯⋯好像有點浪費時間,看的風景沒有什麼特別。😅



之後再去海遊館,今次我無入場,我去行商場。












佢地食到大熱狗好興奮!明明係Legoland 時已經食咗!

可以摸魔鬼魚,不過大頭妹就唔敢摸,小丸子摸完話好滑。




最後去坐天保山麼天輪,有透明底的,不過要排1小時,所以我地放棄咗,坐普遍卡等15分鐘,影咗當坐咗啦﹗

Related Posts Plugin for WordPress, Blogger...