傻夫婦東京親子之旅 DAY 6【KIDSZANIA】

2017年 7月 19日 (星期三)

去到行程的最後一日，因為坐 11:00 夜機，所以都仲可以玩足全日，一早上網 book 了 Kidszania 早上的 session，剛好星期三是『英語日』，玩得方便啲，大部分的職業都是用英語，小朋友可以玩得『明白』啲﹗我地今日都玩咗好多個職業，有: 益力多益生菌研究員﹑警察﹑宅急便﹑牙醫﹑整 pizza﹑abc cooking studio ﹗

今日有段小插曲，話說去到時見有個『益力多益生菌研究員』得返一個位，呢個得日文，小丸子又話肚餓想食早餐先，所以就得大頭妹入去玩，我本來都一直企係出面，見仲有大約 10分鐘，我就去餐廳搵阿旺，叫佢過去接力啦﹗點知佢睇一睇又行返過嚟，而呢個時候大頭妹又出咗嚟，唔見咗我地就喊到好淒涼，我事後有問返佢，佢話個日本人一直同佢講日文，佢又唔識聽，又記得我同佢講我地今日返香港，所以佢好驚我地返咗香港唔記得咗佢﹗。

消防員有得玩水，又有得坐車，所以要一早就排隊，起初唔知係點運作，所以今次玩唔到啦﹗到我地想登記時，已經全個 session 額滿啦﹗

睇下大頭妹喊到眼都腫埋﹗

因為每次只可以登記一個職業，我做玩完一樣已經登記唔到消防員啦﹗

宅急便套制服好得意﹗

其實佢地真是好似一個市鎮咁，佢地會坐車去另一個位置的『店舖』派件﹗

每個職業都會影下相，最後可以去買返，我地今次都買咗 2張﹗

牙醫/ 護士

都幾搞笑﹗

入面有好多餐廳，中間可以休息下﹗

整 pizza 呢個有成個 pizza 拎返，其實都幾抵玩，連 lunch 都慳返﹗

排隊影相﹗

2個都好留心聽講喎﹗

餅底係已經整好，不過佢地都要自己碌個粉圈，所以都應該幾好玩﹗

就係我地今日的 lunch﹗

佢地成日話想上 abc cooking studio (太古城開咗)，今次比佢地試下啦﹗

套廚師衫都好靚﹗

睇佢地都好認真﹗

不停偷食的小朋友﹗

大頭妹都整得似模似樣喎﹗

小丸子整個時已經食晒啲紅蘿蔔...

Kidzania Tokyo
http://www.kidzania.jp/tokyo/en/
Tokyo-to, Koto-ku, Toyosu 2-4-9 Urban Dock LaLaport Toyosu, North Port 3F, 33200

奇華工作坊（附蘿蔔糕食譜）

 

今日帶兩個女去參加奇華工作坊嘅新春蘿蔔糕課程，其實我自己都識整蘿蔔糕，完全係比兩個女去玩下學下野，我覺得呢啲中國傳統是要好好保存，一代一代傳落去，當然我自己都向師傅偷下師啦！

有人預備晒材料比我真是好！

全程都係兩個女自己做，除咗將臘腸一開四係我切開比佢用校剪剪，同埋切臘肉，因為有危險性，其餘都係佢哋自己做。

切蘿蔔時，奇華嘅職員行過嚟好多次想幫手😅，不過我話佢地係屋企有切開，平時我煮炒飯，紅蘿蔔切粒都是佢地做，仲有夜晚切芝士做宵夜，今次發現大頭妹刀功進步咗。

搞粉，小朋友最愛！

整完蘿蔔糕，等蒸糕的時候，我哋睇師傅整馬蹄糕。

師傅三兩下手勢就整好，但其實都真係有技巧㗎！

顏色好靚啊！

尋日有另一班，所以我地今日有得食啦！😋

個樣幾得戚！

我地仲有得試食賀年小食！

【蘿蔔糕食譜】

材料:  
紅蔥頭 3粒，爆香油鑊用 
冬菇 5隻，浸軟切粒   
瑤柱  3-5粒，浸軟撕絲   
臘腸 2-4條，用熱水沖沖去衣切粒 (我唔食臘肉，所以用 4條臘腸，否則 1臘肉 2臘腸) 
蝦米 2湯匙，浸軟切粒 
蘿蔔 3斤(即1800g)，刨絲，連水備用  
粘米粉 半斤 (即300g)
*其實以上材料，只有蘿蔔&粘米粉是固定，其他材料都可跟個人喜好﹗ 

調味料:

鹽 3.5茶匙
糖 2茶匙
胡椒粉 少少
麻油 少少

做法:

1. 先落麻油，用紅蔥頭爆香鑊(拿走)，加入臘腸。 2. 除蘿蔔&粘米粉，加入其餘材料炒香，加入糖 & 贊酒 (少少)。

3. 加入蘿蔔絲，煮熱。加鹽&胡椒粉。 

4. 續少加入粘米粉，邊加邊炒。
5. 快炒至完全混合
6. 錫紙盤內塗油，加入炒好的混合物。蒸30-45分鐘，視乎錫紙盤的大小。

小丸子英文班【Oxford RWI 課程】

最近帶咗小丸子去試 Oxford 的 RWI 課程，之前一直唔知 RWI 同 PHONICS 的分別，只是成日聽其他媽媽講，RWI 課程比 PHONICS 的全面，小丸子都上咗成年 PHONICS，都掌握得唔係幾好，所以自己都想了解 RWI 課程多啲﹗

原來 RWI 課程全名是 Read Write Inc﹗呵呵呵﹗之前真係無了解過，以為是其他 PHONICS 的叫法﹗咁我依家就明點解其他媽媽話 RWI 課程更加全面，因為佢係教 PHONICS 課程的時候，會同時教 reading 同 writing﹗的確有啲小朋友，好似大頭妹，佢自己學完 phonics，識自己做 blending，閱讀英文無問題，但小丸子學完 phonics 之後，係閱讀時唔鍾意自己睇，亦運用唔返學咗的 phonics，所以同佢睇英文故事書，有少少拉牛上樹的感覺，好多時好多字，佢係同一本故事書就認得，即係記得唔係識，去到第二本未睇過既書，佢就唔認得﹗

入學前要先做評估。

我有問過centre，一般由 K2開始上基礎級，K3上初級，小一就可以完成中級，就可以學晒三組原音。

小丸子做完評估之後可以由綠色故事書開始！

一堂的內容會教一個原音，會有串字和認字時間的練習，亦有寫作練習。

仲有閱讀！我覺得課程都好全面！落堂老師都會講返小朋友上堂學習情況。

現在新生報讀可享$300課程折扣優惠及免費評估，優惠期有限，馬上報名: http://bit.ly/2BRHaC2

大頭妹英文班【Oxford Comprehension and Writing 課程】

唔知有幾多媽媽同我一樣，每個學期都會『調整』一下小朋友的補習班同興趣班，岩岩大頭妹小二第一個學期完結派埋成績表，之前都有係 blog 講過，大頭妹的英文一向都唔錯，我一直都好放心，不過小二開始教多咗 grammar，例如開始有 tenses，又多咗 writing，開始要作句，雖然要求唔算高，小三先真是要作文，不過都是時侯『未雨綢繆』﹗又是時候做下功課，睇下坊間有冇相應的課程﹗

最近最多媽媽談論的一定是 Oxford  的 Comprehension and Writing 課程，課程貼近小學的英文課程，原因可能是 Oxford 本身都是出教科書，而Comprehension and Writing 課程總共有12級，剛好就是跟小一至小六上下學期 (12個學期) 而編排，小朋友入學前要做一個評估，可以根據返小朋友的程度去上唔同程度的堂，但同時亦提供一個彈性，好似如果小朋友英文比較弱，可以上低半至一個學期，又或者小朋友英文比較強，可以上高半至一個學期。

暫時大頭妹只是上咗 2堂，所以我當然唔能夠講有咩成效，不過了解咗個課程，的確唔錯。首先是每一課課文會分開 2堂，第一堂是做 comprehension，小朋友可以接觸多啲唔同的文章，再配合工作紙答題，從而熟習唔同的題型，第二堂就是 writing，會教小朋友點樣活用返上一堂學過的生字寫作。另外，就係每5個星期就有一堂評估，對我地 working mom 唔太多時間跟小朋友課外補習來講，的確好有幫助，可以知道自己小朋友的進度，而 centre 亦會跟返評估的分數作出唔同的建議。 

課程其真是根據英國小學課程，用上英國小學的教科書，再配合香港Oxford特別編製的功作紙，更加切合香港課程，有教 Grammar的部分，亦有教寫作。

老師話大頭妹串字都唔錯。

現在新生報讀可享$300課程折扣優惠及免費評估，優惠期有限，馬上報名: http://bit.ly/2BRHaC2