2014年7月25日 星期五

靚媽推介: Braologie a Better Fitted Bra

 

今次的開箱文好特別,我自己都是第一次寫內衣,因為最近經 Beauty Blogger - Babyalpha 的介紹,我認識咗 Braologie 呢個牌字 (最近上網都經常見到佢地的廣告),我先發現原來揀 bra 是咁有學問,我自己戴咗 20幾年,都完全無研究過﹗今次篇 blog有少少長,因為我想講清楚少少成件事的 "來龍去脈",希望都會幫到其他好似我一樣無知的媽媽,以為是餵媽媽奶令身材走樣,其實只是揀岩一個合適的 bra,都可以回復美好身段﹗(今篇 blog 男仕可以 skip 架啦﹗如果原來除咗阿旺以外,仲有其他男性會睇我個 blog的話﹗)

成件事要從我陀大頭妹開始講起,自從我陀大頭妹開始我就轉用無 wire的 bra,最緊要著得舒服﹗即是已經足足用了 4年﹗因為陀 bb 去到 6個月的時候,胸部開始會脹,有 wire 又會頂住個肚,好唔舒服,所以就轉去我老公口中的 "阿婆胸圍" 的懷抱之後要餵媽媽奶,就更加不用說啦﹗

但我最近 (都不是最近,都一段時間) 發現有一個問題,就是我本來已經平坦的胸部,變得更平坦,起初以為是因為餵媽媽奶,有少少下垂都是正常 (仲經常懷疑到底媽媽奶是否由胸部的脂肪而來,全部去晒小丸子身上?﹗),但又見好多媽媽,生完 bb之後,身材比以前更加好,我都以為是 "貧者越貧﹑富者越富"﹗但經過今日同 Braologie 的 Bra Consultant Tallia傾完之後,我先知原來是我戴錯 bra﹗﹗﹗

其實我一向對 bra 沒有特別要求,一直以為好似我這類 "無料" 之人,著什麼 bra 都沒有大分別啦﹗都不一定要用有 wire 的 bra ,什麼 push up 都是多餘,我都無多餘的脂肪去 push up﹗未做媽媽之前,我都有用過 (女仔都貪靚嘛),就算生完大頭妹,過了 6個月的餵媽媽奶期之後,我都有試過重投 wire/ push up 的懷抱,不過我發現有一個問題,就是平胸的我經常會 "離晒罩"如果走光...阿旺話...直頭是 "露點",所以之後我都是轉返 "阿婆胸圍",又舒服又唔怕走光﹗

直至最近,經 Beauty Blogger - Babyalpha 的介紹,我認識咗 Braologie 呢個牌字﹗Braologie 的宗旨是賣合身的胸圍 (better fitted bra),但又唔同 "矯形胸圍"/ "功能內衣",better fitted bra的意思是揀一個適合自己既胸圍,由專業人士去正確 fitting,再按照胸形﹑立體罩杯﹑下擺﹑側比﹑雞心距離和高度,揀一個著得靚同合身既胸圍,佢地堅持客人一定要先 "試身", 之後先會賣出每一個胸圍,確保每一個胸圍都是合身舒適的﹗客人可以透過電話/ whatsapp/ 網上預約,佢地係銅鑼灣同尖沙咀都有試身室,我今次就是用 whatsapp 預約到銅鑼灣的分店試身嘅﹗

Braologie 銅鑼灣分店就是利園的對面,是依家流行的樓上鋪。

我起初以為會有好多 bra bra display,行咗一個圈先見到﹗

店子就是一個試身室﹗每一個時段只招呼一個客人,確保客人的 privacy,對我來說有一個更好的地方,就是我買 bra 的時候,唔洗再細細聲同 sales姐姐講 "唔該我要一個 32A吖﹗"。

講講個流程啦﹗試身一般預 45分鐘,記得千祈唔好遲到呀﹗

 Tallia 好好人又好有耐心,去到就先同我講下佢地的 bra 同市面上一般的 bra嘅分別。原來 Braologie 只有 2款胸圍,因為佢地的 size是由 26AA - 38FF都有,所有暫時只生產 2款,貴精不貴多﹗一款是 The Lacie,另一款是 The Casual,兩款都有黑同肉色,都是 $356,價錢比我想像中平,同我用開的都是差不多,因為佢地都希望每一位女性都有能力 "負擔" 得起一個合身的胸圍﹗

The Lacie $356

The Causal $356

The Bracie $322 (bra 外面的一件背心)

之後就先入試身室脫去上衣,Tallia 先睇下我現時的胸圍,我本身的 bra 背帶得 2扣 (hehehe...其實另外 2款得 1扣添咋﹗),而且背帶太鬆,太鬆的意思是好輕易就可以向後拉到 1 - 2寸,所以 bra都好易走位,條邊會壓返住個胸﹗

Tallia 話我其實都唔算完全無肉,只是因為太耐沒有好好戴 bra,所以 "脂肪" 走散咗。原來我呢啲叫 "migrated breast tissue​ 乳房組織移位", 即胸肉移到腋下、背部兩旁、手臂等部位其實都係因為長時間穿著不貼身的胸圍,令到乳房組織無法維持在固定的部位,所以 "走失" 咗﹗噢﹗你地快啲返嚟啦﹗我知錯架啦﹗我以後都唔會再戴個啲無 wire 無承托力的 bra架啦﹗等我仲一直以為是餵媽媽奶的原故,仲以為自己好偉大,原來是自己無知﹗不過 Tallia 都有講餵母乳會身材一定有影響架啦﹗就好似一個氣球,你不停 pump大 (谷奶的時候),又不停縮返細 (餵完奶之後),所以餵母乳的媽媽就更加要戴一個合身有承托力的 bra﹗我依家真是後悔莫及﹗所以真是希望大家睇完我個 blog,可以幫到大家﹗

另外,佢話好似我平胸的,要戴 bra邊唔好太厚的 bra,而且個 curve唔好太大,如果唔係就好易 "離罩",所以我只可以用佢地的 The Lacie,The Casual 會舒服啲,不過個 curve會大啲,邊位會厚過 The Lacie,所以唔岩我﹗同我一樣有 "離罩" 煩惱的朋友,要注意啦﹗呢個 theory 係可以套用係仕何 bra 之上架﹗

最後就教我正確的戴 bra方法,其實我估大家都識,只是未必會做。以我為例,我戴無 wire + 背帶鬆的 bra,其實推不推腋下的脂肪去前面都不大分別, 承托力不夠,推完一下子就打回原形啦﹗所以買一個有足夠承托力的 bra真是好重要﹗

另外,Tallia 話我太耐無戴有 wire 的 bra,轉戴 Braologie 的 bra 頭一星期會有少少唔舒服的感覺,是正常的,我依家著了大約 1星期,真是有少少唔舒服,不過我覺得程度是可以接受,而且見到真是有效果,唔舒服都要堅持﹗希望我救得返我已經下垂的咪咪啦﹗Tallia話一般都要戴 4-5個月先會有 "真正" 的效果,所以佢一般會建議客人,每 6個月才上去試身一次﹗看看有沒有需要更換 size,或者之前戴的已經舊了,要換一個新的﹗

 試完之後因為我個身比較細,合身的 bra要扣到最入的一格,所以 Tallia話會幫我改短背帶,一般買的時候應該是扣最出的,到之後可以布鬆了,就再扣入一格,到扣到最入一格都鬆,就要換一個新的啦﹗真是好感動,一個 $3xx 的 bra,可以有咁貼心的服務,我點可以唔推介比大家﹗﹗﹗

等了大約一星期,我終於收到貨啦﹗真是好緊張呀﹗


以下就是 everyday set,包括3件胸圍及1件Bracie,另外仲有一set "jelly",同背帶 extension,肥咗就可以加長﹗點解 everyday set是 3個 bra?﹗因為一個著﹑一個洗﹑一個要係櫃桶休息一下,回復形狀嘛﹗當然單買一個都是可以的﹗

試上身比大家睇下﹗哈哈﹗當然有著 tee,不然阿旺會殺咗我﹗不過因為我本身真是太平平無奇,所以是唔會出現大家幻想的 gap的﹗因為我除咗個肚,個身都真係無咩肉,如果有肉的人,效果一定會好好多﹗

單著個 bra,已經有好好的承托力,如果加埋 bracie,效果會更加明顯﹗對我無肉的人來講,個 bracie 有另一個好好的用途,就是改善我的小陀背啦,我呢啲少做運動,長期坐 office 對住電腦的人,唔多唔少都有少少陀背,著咗件 bracie,真是感覺到佢會拉住個人,想陀背都難﹗

 背帶應該係肩同手肘的中間,而且要直,唔應該係向上/ 下,大家返去自己照下啦﹗我當日戴自己的一個時,背帶就是向下,所以胸線就低咗,戴 Braologie 就無呢個問題啦﹗因為 Braologie 有好多唔同的 size,以往我真是著 32A 都有鬆,唔係個 cup唔岩,係背帶太鬆,所以今次 Braologie 有得免費改背帶,我真是好感動﹗

再講下我平時用開的 bra bra先啦﹗

1 號佳麗:
一睇就知佢平平無奇啦﹗戴完一樣平平無奇,不過我貪佢肉色,同可以 "拆帶",得一扣...完全無承托力﹗

 2號佳麗:
 已經是我衣櫃入面最有款架啦﹗ hehehe...當日去試身我就是用呢個 bra啦﹗佢個 pat是整塊都一樣厚的,有少少厚度,出來的效果都ok架﹗不過我本身太細粒,戴 70B,背帶都好鬆,所以會成日走位﹗

3號佳麗:
呀...我最常用的...阿婆胸圍...連大頭姨姨同大頭婆婆都問我點解用咁嘅 bra...2個字 "舒服" 囉﹗戴完好似無戴咁﹗所以...真係唔夠承托力囉﹗瞓覺著...應該都ok呱﹗

好啦﹗睇返 Braologie 的 The Lacie,其實外表同平時街 lacie 款不大分別﹗
但是佢肩帶會粗身少少﹗2邊的包布位會寛好多,作用是用來包實腋下的脂肪﹗﹗﹗
而且佢是 4扣設計,基本上一般活動來講,個 bra都唔會走位﹗不過 Bra Consultant都建議,每次去洗手間的時候,都可以再推一推背部的脂肪﹗
我想話我真是從來未試過著過咁貼身的胸圍﹗ 其實我以前唔係唔捨得花錢買 bra,只是次次買完都唔岩戴﹗真是好沮喪﹗今次我終於都搵到啦﹗﹗﹗

由左至右分別就用上 1號,2號,Braolgoie﹗

左: 1 號就是平囉...無咩 shape可言。
中: 2號因為 pat厚,個 shape是可以的,不過見到的是個 bra的 shape,而唔是我自己的 shape,同埋因為背帶鬆,所以個胸位是低咗。
右: Braologie 可以幫我推返腋下同上胸的脂肪集中返,我都是第一次戴到一個可以包得咁貼的 bra﹗我試過好多唔同前前後後的角度,是一定唔會走光嘅﹗﹗﹗

我盡量都企返同一個位置,較到同一個大小高低﹗都睇到中間即 2號個胸位是低一點的﹗

哈哈﹗怕我著住 tee,大家睇得唔清楚,以下是 Braologie 網站的對比圖啦﹗



如果大家有興趣想知多啲,就直接入去 Braologie 的網頁睇下啦﹗


如果想預約,可以用以下方法:
  1. 電話/ whatsapp/ sms: 5500 3094
  2. Email: cs@braologie.com
  3. Live Chat: 網站 http://braologie.hk 的右下角
  4. 網上預約系統: http://braologie.hk/?page_id=1756

最後 Braologie 仲有一個讀者優惠,只要話是我的 blog的 讀者,購買 Everyday Improving Set ,除享有5%折扣外,更可獲贈能撫平腋下贅肉的 “BRACIE” 一件或購買 Full Week Set ,除享有5%折扣外,更可獲贈”CAMISOLE” 一件。

*EVERYDAY SET 包括3件胸圍及1件Bracie.  (折實後 HKD $1320.5  + 免費 Bracie)
*FULL WEEK SET 包括5件胸圍及1件Bracie.  (折實後 HKD $1997 + 免費 Camisole)
(必需預約,恕不接受未有預約者到訪。)



沒有留言:

張貼留言

Related Posts Plugin for WordPress, Blogger...