傻夫婦暑假九州親子遊Day4「別府駅Italian Tomato」@20190718

2019年7月18日

一個旅行，寫足3年，今年暑假繼續無得去旅行，繼續寫咗當去咗！到底我哋的生活，幾時先可以回復正常？！

今次行程的重點項目之一「由布院之森」，九州有好多特色列車，之前就講過，我因為計錯時間，買了3天的火車票，所以由福岡去由布院坐了巴士，好彩坐到「由布院之森」已經差不多值回票價，所以去到由布院當日就即時預訂。

小丸子仍然是小丸子的時候！






原來列車上有B-speak蛋糕賣，不過只有原味，我哋前一日已經食咗，所以沒有買了。

去到別府已經好肚餓，隨便在車站入一間餐廳，竟然都好好味！Italian Tomato 的午市套餐，意粉、蛋糕、飲品才1100yen。


意粉超美味！

Athena便當：泰式牛扒沙律

這個blog其實是上年的草稿！不過覺得好適合夏天，所以就post返個食譜啦！

材料好簡單，除了柚子，其實自己喜歡什麼加什麼，我加了車厘茄、秀珍菇、秋葵。


西冷牛扒




秋葵煮2-3分鐘，放凍切粒。車厘茄開4份。


沙田柚去皮去衣，用手分成一口大小。


我自己的，WFH可以擺盤擺得靚靚地。


材料：

牛扒 1塊

沙田柚

車厘茄

秀珍菇

秋葵

青檸魚露汁：

青檸汁 3個

魚露 2湯匙

糖 1-2湯匙

蒜蓉 半湯匙

指天椒 1-2隻

乾葱 1粒

香茅 1支 （我沒有加，屋企無）

芫荽 （我沒有加，我不吃芫荽）

花生粒（我沒有加，屋企無）

食之前才加汁，浸太耐會好鹹。我見好多食譜青檸汁和魚露是一比一，不過我自己試過有點鹹，其實可以根據自己個人口味調整。

老公帶返公司吃！

午餐@穴

屋企樓下新開了一間日本料理，其實都不新了，剛剛第5波疫情前開的，所以一直都沒有去試，前一排（其實是4月尾）和阿旺去接女放學前就去試下！

水準有點出乎意料之外，刺身新鮮，其他由前菜，到茶碗蒸，什至連麵豉湯都不錯！

阿旺點了刺身，串燒套餐！




我點了壽司定食（10件）


吃這一餐之前剛剛和同事去了千両，價錢差不多，這個好吃多了！




甜品！

穴 (康怡廣場)

網上訂座即賺Rice Dollars    

網址: https://s.openrice.com/QrbS0HJSB00~u_4rQAQ

地址: 太古康山道1號康怡廣場地下G9-G11號舖

電話: 23380313

生日飯@山下

2022年7月4日（星期一）

又大一歲啦！開始唔想記得自己幾多歲⋯⋯今年都沒有什麼特別的生日願望，都是希望一家人開開心心、健健康康！

一早預約了中環的山下，之前同同事來過，覺得唔錯，其實上年拍拖週年都訂過，不過當時訂不到，最後去了勝香園「慶祝」，所以特別記得！

今次我點了$550的和牛套餐，阿旺點了$780的龍蝦和牛套餐，2個餐的前菜有少少分別。

我的前菜。


阿旺的前菜，沙律上有多幾片刺身。


我的前菜，鮑魚茶碗蒸，鮑魚的味道好濃郁，非常美味！


阿旺的餐湯—南瓜湯，好甜好滑。


麵包，連麵包都好好味！


我的和牛套餐還有北海道帆立貝。


北海道帆立貝配牛油汁。


阿旺的加拿大龍蝦，蝦肉好彈牙，用個汁來點麵包，簡直一流！


這是一人份，這份是阿旺的。

蒜香炒飯都好好味，本來已經好飽，但因為太美味，唔想浪費，所以我都盡力吃完！

麵豉湯


漬物


阿旺的橙啫喱


我的生日甜品，本來套餐是包雪糕的，生日可以免費轉生日甜品，雖然免費，但絕不馬虎！賣相已經100分！

最後仲有餐飲，阿旺的咖啡。


我的熱檸茶。




貼心的服務！


生日去打卡！

山下

    

網址: https://s.openrice.com/QrbS0KyK100~u_4rQAQ

地址: 中環士丹利街11號1樓

電話: 34602285