午餐@貓啡

2023年1月15日（星期日）

大頭妹聖誕節假期之後就考試，升上中學之後，一日考一科，考足2個星期，考完試當然要鬆一鬆啦！諗咗好多地方，最後都是去貓cafe。

之前上OpenRice睇，見到旺角有一間新開的貓cafe，comments都唔錯，話食物好味道！！！我地之前去尖沙咀另一間貓cafe，第一次去的時候有提供食物，不過是叫外賣，第二次去的時候只有飲品（可能是牌照問題🤔）。對於我呢啲想一次過食加同貓貓玩的，就一於去試下呢間新野。佢呢度有最低消費，每人$150 ，可以坐90分鐘，價錢都好合理。

呢間貓cafe的貓貓非常熱情，一去到就有一隻貓貓跳上大頭妹膊頭，之後又跳上爸爸膊頭，最後仲坐喺我大腿瞓覺。

可以買貓糧餵貓，我地是第3枱到，當時貓貓都仲會食，晏啲去就唔知。


呢隻白貓全程都坐喺大頭妹旁邊。

坐咗一陣間食物就到，真係唔錯喎！大頭妹自己食咗一碟。如果計埋食物質素，其實我覺得好抵，佢意粉都是$100-120，飲品就$4-50，小食就5-60。


薯角熱辣辣！


雞翼我地encore 咗！好好味！

貓啡

網址: https://s.openrice.com/QrbS0Xi4B00~u_4rQAQ

地址: 旺角彌敦道577號高氏大樓3樓A室

電話: 96646361

大頭妹便當：粟米肉粒飯

這個都是好受大頭妹歡迎，又好易煮的一款便當，Show me your love 粟米肉粒，不過我用的是雞扒，只要用少少鹽和胡椒粉醃一醃，煎之前加少少生粉會脆身啲，但我估帶飯都是差不多！

煎起的時真係好靚架！

嚟緊2月份小丸子都返全日，要煮兩個飯盒，希望時間上趕得切啦！

拍拖21週年紀念@燒肉而今

2022年11月17日（星期一）

拍拖周年撞正小丸子考試，唯有食lunch慶祝。不經不覺一齊咗21年，人生一半的時間都同對方一齊，係值得慶祝嘅！

因為我請了假和小丸子溫習，所以去尖沙咀搵老公食飯！lunch 慶祝都有個好處。就是lunch set抵食好多！我們點了一個日替定食和一個極上定食，價錢比晚市平最少1/3，當然肉可能有分別。

套餐包括沙律、前菜2款，茶碗蒸、海帶湯。

套餐可以加$90追加牛舌，這是2份。


日替A5和牛定食 $290，我覺得質素都已經唔錯，$290來講性價比算高。


極上A5和牛定食$480，一睇個樣都知有分別，最粉紅色個2款，真是有入口即溶的感覺，但如果唔鍾意肥膩的人，就應該唔適合。




最後仲有甜品。

焼肉而今 by 富小路やま岸

網址: https://s.openrice.com/QrbS0GQuA00~u_4rQAQ

地址: 尖沙咀梳士巴利道18號Victoria Dockside K11 Musea6樓603號舖

電話: 28680929

好朋友生日飯@喰樂

中學同學嘅生日飯，由中一開始同班起計，我地認識了30年有多！人老了，份外珍惜學生時期的友情，所以就算平時有多忙，一年兩次的生日飯都一定不會錯過！

這餐生日飯就由11月一路推到1月，中間我中了Covid，然後又到大頭妹考試。

之前在OpenRice 見到推介sukiyaki 介紹這間觀塘工廠大廈入面的隱世sukiyaki 餐廳，一共就4張枱，環境比較靜，適合靜靜地傾計，我又超愛吃sukiyaki ，所以就試試。

前菜十分豐富，有自家製牛肉餃子、醃牛蒡、吞拿魚蓉壽司飯










佢有4個套餐，價錢$398-498，有專人煮，唔洗自己動手，我地揀咗C餐，有澳洲和日本和牛。




仲有一個雜炊，真是飽到上心口。


最後仲有甜品，今日是豆腐雪糕。

喰楽    

網址: https://s.openrice.com/QrbS0nNiA00~u_4rQAQ

地址: 觀塘開源道60-62號駱駝漆大廈3期9樓H號舖

電話: 34279059

結婚15週年紀念晚餐@Sukiyaki Mori

2022年12月13日（星期三）

今日是我同阿旺結婚15週年，11月頭就打電話book定呢間都算全香港最難book餐廳之一，上年都book唔到正日食，今年再接再厲！

原本想帶埋大頭妹同小丸子，點知小丸子忽然腸胃炎，佢之前仲期待咗好耐，最後都係無帶佢去，sukiyaki 比較油膩，都真係唔岩病人食！

呢間餐廳晚餐有2個set，不過通常都係食呢個，$730，有齊前菜、茶碗蒸、sukiyaki、甜品！




阿旺另外點的生蠔🦪


晚餐的牛有4款、包括肉眼、西冷、牛肩肉2款，由味淡的肉眼開始食！

すき焼 森 (荷李活道)

    

網址: https://s.openrice.com/QrbS0I1S800~u_4rQAQ

地址: 中環荷李活道66號地庫

電話: 28336032