敗家日誌 - 化妝品篇

最近...又想做返個靚媽，買完衫﹑鞋﹑ACCESSORIES...當然唔少得化妝品啦﹗其實本身只是想買生日禮物比大頭契媽，之後自己又心思思，買比自己，LANEIGE 新出的 CUSHION 唇膏，我覺得幾好用，佢啞色唔易甩，岩晒我唔會成日補妝的人，而且價錢平平地，只是 $150，當買個星星熱的韓妝潮流都抵吖﹗

上面 2支都是送比大頭契媽的生日禮物。肉色的一支是 "BASE"，用嚟遮唇色，是配合 CUSHION LIPSTICK做出 "花瓣唇" 效果﹗我知我自己無咁嘅時間，所以都唔洗諗買唔買﹗HEHEH...我自己就買咗 2支 CUSHION唇膏比自己，一支 JOY PINK，一支 RED ORANGE。

買滿 $250 有得入會，送返 1 SET 試用裝﹗

另外...比錢的時候發現呢 SET，$195 有一樽貨裝的 WATER SLEEPING PACK，仲有旅行裝的洗面﹑TONER﹑LOTION﹗好似幾抵咁，又忍唔住買咗，重點係...LANEIGE COUNTER的 BA，個個皮膚都好靚，即時好有 "說服力"﹗之後媽咪話，你又知啲 BA一定用返 LANEIGE?? HOHOHO...唔理架啦﹗

買滿 $480 (當中包括 CUSHION LIPSTICK)，就有呢一SET BB CREAM + WATER BANK MINERAL SKIN MIST﹗未用支 BB CREAM (個人唔係太喜歡用 BB CREAM)，用咗支 MINERAL SKIN MIST，非常好用，一用就愛上咗﹗

另外仲送咗少少 TESTER比我﹗

HEHEH...即時試用﹗

呢日用咗 JOY PINK﹗幾靚架﹗好 SHARP的粉紅色﹗

都講下點用吖﹗

好似我地平時搽唇膏咁﹗不過搽半個唇就OK啦﹗

之後用另一邊個 CUSHION輕輕印開唇膏，就可以做出 "漸變" 的 "花瓣唇" 啦﹗(影出來效果唔明顯啦﹗)

其實花唔花瓣唔重要，最重要是唔易甩，易 HANDLE，岩晒我呢啲又想靚，又無時間嘅人﹗

其實邊個唔想靚吖？﹗不過做了媽媽之後，放晒全部心機比 2個小寶貝，仲要照顧家庭，仲邊有時間 "打理" 自己吖﹗個啲 "世界上無醜的女人，只有懶的女人"，是比啲幸福少奶奶講，每日一早起身返工，一邊化妝，一邊幫個女刷牙洗面著校服，晚夜 2隻豬又叫極都唔瞓，永遠一個循環，永遠唔夠瞓﹗