是日晚餐：茄汁豬扒 薑蔥鮑魚

今次又睇下我的恆心，可以維持寫幾耐？！

點解最近咁勤力煮飯？因為大頭妹小丸子都開始大，我哋間屋得2房，開始唔夠住，其實有少少想唔用工人，當然都唔會係而家，工人剛剛先續約，完埋今張約，小丸子剛好升中學，所以最快都2年後。我打算多啲做下家務，習慣下唔用工人，好過突然一日唔用，發現原來根本搞唔掂，不過阿旺話用開工人，根本無可能唔用，2個女上中學，功課更加多更加忙，佢地唔做就是我地2個做⋯⋯

今日星期日，帶大頭妹小丸子去學游水，中間就去買餸，見到鮑魚$50/6隻幾抵（其實日日都呢個價），好耐無煮過比小丸子食，簡簡單單煮個薑蔥鮑魚，炒秋葵、紅椒墊底。另外再煮個茄汁豬扒，大頭妹鍾意食。

薑蔥鮑魚


紅蘿蔔粟米花膠湯


我今次好認真，用齊薑蓉、蔥白去醃！


煎起豬扒備用，食之前再加茄汁煮返熱！


第一個步驟漏咗影，其實我先炒秋葵和紅椒，又後爆香薑蔥就可以煎鮑魚。


煎到8成熟就放返啲秋葵落去炒，吃辣的，其實可以加少少 XO醬。


另一邊豬扒回鑊，加入茄汁料煮至杰身就可以！

諗住copy and paste返茄汁豬扒個食譜，先發現原來我無寫過？！咁算啦⋯有人想要先再寫😅，懶。 

是日晚餐：三色椒牛柳粒 青豆炒粒粒

WFH的時間特別好用，而家公司一星期有2日可以WFH，我有時會自己煲湯煮飯，lunch time煲落湯，6:00pm準時行入廚房準備晚餐，7:00pm就有得食！

是日晚餐：舞茸姬松茸腰果素湯、三色椒炒牛柳粒、青豆炒粒粒、荷包蛋飯。

中午lunch time 時間就煲落湯。

今日的晚餐有：

三色椒炒牛柳

青豆炒粒粒

舞茸姬松茸腰果素湯

荷包蛋飯 - 大頭妹小丸子的最愛

我預備晚餐通常都是一肉一菜一湯，然後因為想上枱都是熱，就要預計一次流程，我仲要計埋洗鑊的次數😂，所以今日煮這2個餸的流程： 

炒青豆，加少少鹽、酒（去青味），之後加少少水/ 雞湯焗一焗，盛起備用。（青豆小丸子有份切，佢切時我都行出廚房，想比佢自己試下，點知工人姐姐又行埋去睇到實）

冬菇切粒用少少豉油、糖，麻油醃好（我中午煲湯時就醃），連同菜圃粒一起炒。炒完可以洗鑊啦。

半制成品，仲要加叉燒，等老公入門口先開始煮，上枱就熱辣辣啦！


Aeon逢星期三會做特價$99，平時其實都是$119，平$20，師奶心態逢星期三都會去買。


煮之前用少少鹽、胡椒醃，再切粒。


三色椒切塊，加少少鹽炒起備用。


老公返到可以開始炒牛柳粒，先加入肥的，紅色的是紅蔥頭。


加入其餘的炒至7-8成熟，加入汁料（豉油、糖、清酒），再加入三色椒，最後加入生粉獻。


最後唔洗鑊，直接炒叉燒，再加入青豆粒粒炒勻就可以上碟啦！

點解要出個blog，因為我要讚下我自己，雖然近年少煮，但都keep到好習慣，今餐全部的廚餘。


邊煮邊洗，唔留手尾比其他人，以前是我煮老公洗，最初的時候佢成日投訴我，煮完一餐好似打仗咁！


今日煮完只淨下裝叉燒的膠盒。