靚媽日記【etude house tint my brows gel】

最近叫朗朗媽幫我係韓國代購咗支 etude house tint my brows gel，其實都唔係咩新野，我呢啲媽媽 blogger，跟唔上 beauty blogger 的步伐，不過用完覺得幾得意，又同大家分享一下﹗

其實都好容易用，佢係 gel 狀既，只要跟返自己眉形，掃上去就可以，搽完真是好似『蠟筆小新』咁，都幾嚇人，不過我通常就訓之前搽，訓醒第一件事撕走佢，唔好比個女見到，驚嚇親佢。

我見 instruction 話 2小時就乾可以撕，我訓醒先撕就大約是 7-8小時，一撕的時候都幾深色，但唔洗驚，洗完個面就會好正常﹗

如果我以 full make up 嚟計，我覺得可以再深少少，不過我覺得佢比起我自己畫眉，更加容易控制，而且出嚟的效果都幾自然﹗

我自己覺得，大約只可以 keep 到 3日，到第 3日都仲可以咩都唔洗做，第 4日我已經會覺得太淺色，要自己再畫少少眉，所以一星期用 2次到就岩岩好，星期五晚用，用完星期六日唔化妝都 ok，都有條眉睇下，搽少少唇膏就出得門口。之後星期一再用，就捱到星期五，星期五個日可能要補幾下眉筆，咁一星期條眉都靚靚啦﹗


大家 like 咗我地個 facebook page未呀？﹗未就快啲 like啦﹗

小王牛肉麵@20160701

2016年 7月 1日 (星期正)

今日帶大頭妹小丸子去九展睇芝麻街音樂劇，睇之前去德福醫肚，之前想試 【小王牛肉麵】好耐，不過通常去九龍灣都是返老爺奶奶屋企食飯，所以無機會試，我自己是非常非常喜歡吃台灣的牛肉麵，每次去台灣都要食最少一次啦﹗呢間小王牛肉麵都算唔錯喎﹗

我點的半筋半腩麵，唔知係唔係咁岩？﹗半筋半腩麵的腩好似比就咁牛腩麵的腩『靚仔』？﹗

阿旺點的牛腩麵，牛腩好似比較瘦？﹗但就有 2條菜喎﹗不過 2碗都好味，湯底有少少藥材味，唔辣，不過因為有藥材味，大頭妹同小丸子都無飲到個湯，食淨麵。

叫比大頭妹同小丸子食，平時食上海野，佢地好鍾意食蔥油餅，點知又唔食呢塊。

阿旺點了早古冬瓜茶，我點了珍珠奶茶，杯冬瓜茶都幾甜。

小王牛肉麵
地址: 九龍灣偉業街33號德福廣場二期4樓410舖
電話: 2997 2281

營業時間: 星期一至日: 11:30-22:30 

OPENRICE: http://www.openrice.com/zh/hongkong/r-%E5%B0%8F%E7%8E%8B%E7%89%9B%E8%82%89%E9%BA%B5-%E4%B9%9D%E9%BE%8D%E7%81%A3-%E5%8F%B0%E7%81%A3%E8%8F%9C-r168267

大家 like 咗我地個 facebook page未呀？﹗未就快啲 like啦﹗

生日晚餐【La Vache﹗】@20160704

2016年 7月 4日 (星期一)

今年生日決定二人世界﹗之前妹妹生日去過中上環的 【La Vache﹗】，見到佢影塊牛扒超級吸引，一早就已經 PLAN 生日要去試試，點知向來主張二人世界的阿旺，竟然話 『金雀』重開，帶埋 2個囡一齊慶祝生日好唔好？﹗哈哈﹗但我今年想 2人世界喎，下次先去金雀啦，岩岩開返都可能好多人﹗

【La Vache﹗】的 menu 好簡單，基本上就只有一款牛扒餐 $288，包餐包﹑沙律﹑薯條 (無限添加)﹑牛扒，所以坐底只是點幾多成熟就可以了﹗

餐包...牛油是最精彩的地方﹗

因為之前打去訂枱，2人無得 book，侍應話最好 6:30前到，放工跑上去餐廳，又唔知做咩全日手震震，所以好想飲可樂，一支 $48，其實我覺得紅酒抵飲啲，一杯 house red wine 都是 $78。

我飲完支可樂話好似真是好返少少，有個男人話頭暈手震望下佢就會好返喎...


沙律個汁好好味﹗

主角出場啦﹗真是好好味﹗我地點 medium rare，我覺得可以再生少少，不過都仍然好好味﹗

岩晒我呢個牛魔王﹗


薯條可以無限添加，但食晒呢碟都已經好叻﹗

返到屋企仲有蛋糕，不過...我真是嚇一嚇...每次我老公的驚喜都係驚多過喜...薰衣草蛋糕，食落有少少 handcream味...因為我用開薰衣草味 handcream...其實唔關佢事....

佢唔係諗住咁樣當送埋花比我嘛...

大家 like 咗我地的 facebook page 未呀？﹗未就快啲 like啦﹗

有了你同行同成長

作為一個雙職媽媽，朝9晚6返工，放工返到屋企都盡量想自己湊返2個囡，真是好忙好辛苦！有時都想放棄寫blog，但每次當我睇返佢地小時候的片段，尤其是一啲special moments，真是每次睇返都由個心度笑出嚟，所有辛苦都唔記得晒！

咁啱喺網上睇到Philips AVENT 嘅一啲小 bb 成長片段，又會諗返起 2個囡細細個時，回望睇返真是好開心﹗有佢地係身邊，我地嘅二人世界變得更幸福﹗依家湊佢 2個，尤其是小丸子，有時真是好激心，不過我相信，到佢地大個，離開我同阿旺身邊，有自己生活的時候，一定又會好懷念佢地依家日日痴住我地的日子﹗

【片1】https://youtu.be/mzgBPHM77CI

【片2】https://youtu.be/0J3HlRrinoA

【片3】https://youtu.be/EoKicNoNuuQ

【片4】https://youtu.be/4YofCJc8-4A

生日晚餐【Mr. Steak】@20160703

2016年7月3日

最近好懶寫 blog，個人好似無咩 energy 咁，都唔知點解？﹗可能真是 2個囡都大，湊佢地花好多心血，其實我真是花好多時間比佢地，多到忘記自己的生活﹗我幾時可以學識放鬆一下自己呢？﹗哈哈哈...就由今年生日學起，所以今年正日生日，我最後決定同阿旺 2人世界﹗明明阿旺都預會同埋 2個囡一齊慶祝，我覺得我真是要有返啲私人時間﹗

正日生日的前一日是星期日，下午係大頭妹幼稚園的畢業聚餐，玩咗成個下午，夜晚唔想煮飯，決定出街食，試下屋企樓下新開的 Mr. Steak (其實都新開咗幾個月)﹗

見佢都有個幾抵食既套餐﹗$498再加一，二人份﹗有齊頭盤﹑沙律﹑餐湯﹑主菜﹑甜品，仲有每人 2杯飲品﹗
 

麵包是芝士蕃茄麵包，都幾軟熟好味﹗

凍海鮮盤: 香檳蟹腳﹑翡翠螺﹑海蝦﹑藍貝﹗

另外，加 $18有生蠔一隻，我地加咗 2隻，size唔算大，但阿旺話都鮮甜﹗$18...唔會太高要求啦﹗


煙三文魚沙律，啲沙律菜好新鮮﹗

龍蝦湯...我估...應該是 "濃" 蝦湯...飲時有蝦係入面，唔算濃，不過都不過不失啦﹗

主菜啦﹗超細小龍蝦加半份牛扒，男士可能唔夠飽啦﹗

點了一份兒童餐比大頭妹同小丸子，唔知係唔係漏單，我地主菜都上埋，佢地個餐都未到，要催咗 2-3次，等到大頭妹都唔想食。好彩個餐賣相好靚，2個一見到又好開心﹗小丸子個樣分明就是心諗: 成日影相？﹗快啲比我食啦﹗

Mr. Steak 個兒童餐都幾有 heart﹗$78都算抵食，比起上次與圖片不符的 pizza hut，真是差得遠﹗最後...2個囡都食唔晒...小丸子...其實只是個人吸收...佢食唔多﹗

兒童餐的甜品﹗

我地的甜品﹗

大家 like 咗我地個 facebook page未呀？﹗未就快啲 like啦﹗