深圳兩天遊「高鐵初體驗+深圳福田香格里拉大酒店」@20190630-2019701

2019年6月30日（星期日）

考完試要大玩特玩 🥳🥳！一早6月頭考試時就約定國皇之家Mandy 同80後媽咪Gill 去坐高速鐵路（唔知點解考試時係最想玩），去邊唔緊要，只是想試下帶小朋友坐高鐵！最後決定近近地去深圳，今次行程主打是「深圳野生動物園」，住就揀咗福田香格里拉大酒店，貪佢地點夠方便，就係福田站10號出口。

買高鐵車票是實名登記，如果去站買，可以以回鄉卡副本買，但如果上網訂，就要以回鄉證正本到站取票。怕長假期人多，所以早兩日去西九龍站買定車飛，買了9:22am 的班次，當日都要早45分鐘到，要預返過關的時間。

今次入住福田香格里拉大酒店，一晚大約$1200，傾向是商務酒店，所以親子既設施唔多，有個室內游泳池、開放時間好長6:00-23:00，我地去完動物園玩，返到去22:00都仲落咗去游水。健身中心的女更衣室入面有桑拿、三溫暖，我地游完水都樣樣試咗🤣！

一早坐地鐵到香港站轉車到九龍站再行去西九龍站，車程仲耐過我地由西九龍站去福田！


人齊出發啦！


過關的時候，順便講下一地兩檢，大頭妹常識考試就考過，但佢地應該都不知什麼是一地兩檢，今次應該清楚晒！


今日人流不多！我地坐9:22班車，總站就是福田。


指定動作，今次坐的是「動感號」。


椅子是可以自行轉方向


有放行李的地方。

有飲水機。

仲有洗手間，不過我地去福田只是15分鐘車！

好準時9:34am就到福田了。

做埋安檢，出閘都只是9:40am。




之前睇酒店網站是福田站10號出口，車站好大，都要行一段路，大約8-10分鐘。


10號出口一出就是酒店，都真是幾方便！


14:00先可以check-in，我地先放低行李，再出發去動物園。


酒店大堂。


房間好大，雙床房2張床可以拍埋。

浴室有浴缸同企缸。


有生果。


房間望出去都幾靚。


下篇再講下深圳野生動物園有咩玩！