20171122@School Food + 溜冰

2017年11月22日 （星期三）

最近甩Blog 甩得好嚴重，好似無咗寫blog的動力，生活上實在太忙太忙，每日放工返到屋企都好似打仗咁，希望可以勤力返，寫返多啲Blog!

講下近況，大頭妹岩岩考完試（所以先有時間寫Blog😂) ，升咗二年級 3個月，覺得比小一辛苦好多，小一時好似都仲有中場休息時間，今年真是好似未停過，每個星期不是英默就中默，再唔係就小測，而且默書範圍明顯比其他學校大，所以有時溫一次默書，都真是要溫足一星期，尤其是中文。中英默今年都有unseen dictation，所以就算努力溫完，都唔代表一定會有好成績，真是好講小朋友的功力和底子！哈！講住咁多先！

講返我餐飯，考完試就梗係要鬆一鬆，大頭妹揀去溜冰，其實唔知點解佢咁鍾意去溜冰，佢根本就唔識溜😅！溜冰前食少少，揀咗正正溜冰場旁邊的School Food！第一次食，感覺麻麻地，食完成晚都好口渴！壽司飯好乾，好似是切好放好耐個種乾！咁價錢又唔貴，一家4口埋單先 $300，但太古城中心有咁多選擇，短期都唔會再去！

滑啫啫暖鍋 $48，其實即是辣豆腐湯，有豆腐﹑蜆肉同年糕，都真是幾辣，飲完好口渴﹗

花郎卷 $68，飯有點乾，感覺好似切好一段時間，連 K-ROLL 都比唔上﹗


牛骨清潭麵 $88，比較淡味，牛的肉質一般﹗


CARBONARA 年糕 $68，只能說期望越大失望越大，又唔係唔好食，小丸子一個人都吃了半碟﹗

School Food: http://www.miradining.com/zh-hant/school-food/

小丸子第2、3﹑4﹑5堂溜冰堂

眨下眼小丸子就已經上咗 5堂溜冰啦﹗已經上完第 1 ROUND 的 5堂啦﹗其實真是估唔到，原來小朋友學溜冰又真是幾快﹗咁又係我想當年小六去學溜冰，應該1-2堂就學識，之後係學後溜，唔同的步法，不過依家已經唔記得晒，唔係就唔洗帶小丸子去上堂啦﹗

上完第 4堂的時候，教練都有問下我地仲學唔學，其實上完 5堂，真是連 3歲的小朋友都可以自己溜到幾步，教練就 RECOMMENDED 我地上多 2 期，即是 10堂，小朋友就應該可以自己溜架啦﹗同埋都要練習下﹗教練建議我地上堂前半小時比小朋友練習，咁上堂的時候就已經 WARM UP咗，一上堂就 "醒目" 啲，習慣咗係冰面行﹗所以我地由第 6堂開始，就會早少少入去練，HEHEHEH...到時再講下有冇 IMPROVEMENT先﹗

睇下佢幾開心？﹗

第 3堂﹗原來已經可以自己溜一小段﹗

第 4堂...睇下小丸子幾百厭...拎起張櫈嚟行﹗

上第 5堂之前，係屋企發生意外，小丸子著完襪，係屋企跑，成個撻低咗 (對襪無防跣)，之後上溜冰，佢非常小心，好似食咗幾啖豬油膏咁﹗唉...又要由頭嚟過，希望過多 2堂就無事啦﹗快啲回復正常啦﹗

大家 LIKE 咗我地 FACEBOOK PAGE 未呀？未就快啲 LIKE 啦﹗

大頭妹小丸子暢遊太古城中心家庭及生活專區

上星期收到太古城中心PR姐姐的電話，話有一個家庭及生活專區的參觀活動，哈哈哈，作為太古區的居民，其實我成日都去太古城中心行街﹑ SHOPPING﹑食飯﹑同玩架啦，作為街坊當然好樂意參與啦﹗好啦﹗今日就由太古區居民大頭妹同小丸子帶大家暢遊太古城中心啦﹗

最近太古城中心全面翻新，多咗好多新野，繼早前 BEAUTY ZONE 開幕，今次是家庭及生活專區，最最最開心當然是多咗 LOG ON，仲有全港首間 LOG ON CAFE﹗ MARKS & SPENSER 都搬去近溜冰場個邊，是全香港最大架﹗仲有多個兒童服裝品牌，岩晒我呢個敗家媽媽﹗ (其實另外都好期待 FRANC FRANC，要9月尾先開。)

第一站行 LOG ON﹗ 每次行LOG ON都好開心，覺得自己好似去咗日本咁﹗

一入去就是玩具精品部同化妝品護膚品部。

麵包超人 

有好多ONE PIECE 的產品，影比阿旺睇的﹗

仲有一個 TOMICA CORNER﹗

沙律BB

行入少少有攝影 AREA﹗

有依家好流行的手提式即影即印 PRINTER﹗

 

仲有即影即有相機，勁多即影即有相紙揀﹗ 真是超級齊款呀﹗

女孩子就最鍾意公仔相紙啦﹗

之後有文具部﹗ 大頭妹同小丸子對呢個 3D MICKEY MOUSE 筆袋愛不釋手﹗

有大量文具﹗

戶外用品專區，有好多背嚢﹗

仲有旅行用品﹗

日本襪

同絲襪都有齊

化妝品部有一個化妝枱 CORNER，方便客人試用產品，真是細心﹗

有好多日本指甲貼，方便同指甲扮靚靚﹗

行完 LOG ON，我地就去LOG ON CAFE 食TEA，休息一下啦﹗ 呢間 LOG ON CAFE 是全港第一間，有一系列全日早餐﹑日式意粉﹑LITTLE MERMAID三文治﹑博多屋豆奶﹑日式甜品套餐﹗

大頭妹幫我影架﹗

我點了一個全日早餐，煙三文魚炒蛋配多士 $88﹗ 煙三文魚份量超多，炒蛋夠滑，仲有少少蔬菜，同生果﹗ 真是好豐富﹗

松葉蟹肉闊麵配白酒忌廉汁 $98

個忌廉汁好 RICH，好好味﹗

食TEA的時候，PR姐姐安排我地試用 FUJIFILM 的INSTAX 即印 PRINTER，可以用返 FUJIFILM 即影即有相機的相紙﹗ 有咗佢係手機影的相，就可以即時用即影即有相紙 PRINT 返出嚟﹗

最後仲有日式甜品﹗

經典奶油班戟 $58

尊上抹茶卷蛋 $45

呢個抹茶芝士蛋糕 $45，有好濃的抹茶味﹗

哈哈...大頭妹偷食唔抹咀﹗

都是大頭妹幫得影架﹗

小丸子都話好味﹗

食飽飽又休息完，我地都出去行下兒童服裝區啦﹗ 有 BURBERRY CHILDRENSWEAR﹑ CHICKEEDUCK﹑ KINGCOW﹑ NICHOLAS & BEARS﹑ CHICCO，同新進駐的 BAROCCO, 

同 TOBIA﹑ ARTEMIS影返張合照先﹗ 

就快是幼稚園的INTERVIEW季節，大家預備好戰衣仲呀？﹗ 呢度咁多間童裝，一定幫你搵到心水﹗

行程的最後一站，去溜冰﹗ 大頭妹同小丸子都仲細，我未帶佢地去學溜冰，不過就成日會帶佢地去睇溜冰﹗ 上次帶佢地去 DELI & WINE 一邊食飯一邊睇溜冰，連大頭妹都食得特別多﹗ 

大頭妹今次第2次溜冰，無上次咁驚啦﹗ 未落場之前仲夠膽自己行﹗

佢地有櫈仔比小朋友駛過去小朋友學習區﹗

之後就慢慢學下推住櫈仔行﹗

今次可以自己溜到幾步﹗

哈哈...自己比個 NO. 1 自己﹗

我今次好勇敢，自己落場影大頭妹...仲帶齊相機同手機入去﹗

小丸子點解喊得咁可憐？﹗因為我地成日都會睇溜冰，其實佢根本就無諗過原來可以溜。我叫咗姐姐帶住佢係另一邊等我地，所以佢根本就唔知我地入咗去溜冰，點知走的時候，姐姐帶佢過嚟揾我地，佢一見到我同大頭妹著住溜冰鞋，就爆喊﹗真是好可憐﹗﹗﹗比人呃咗咁耐﹗唔怕啦﹗等你夠 3歲，媽媽就帶你去溜冰好唔好？﹗

大家 LIKE 咗我地個 FACEBOOK PAGE未呀？﹗未就快啲 LIKE 啦﹗