DAY 1 - 起程去台灣﹗

2011年4月30日 (星期六)
行程: 香港- 台北機場- 民權西路- 北投- 新北投- 淡水- 漁人碼頭- 新北投

期待已久的台北之旅終於都出發啦﹗
一早 7:30AM就出發去機場﹗坐 10:00AM機，8:30AM就到機場啦﹗CHECK-IN完行李就去食早餐啦﹗因為阿旺申請了 MARCO POLO CLUB，唔洗排隊，好快就CHECK-IN完啦﹗之後去撳錢，先記得未買旅遊保，即刻用 IPHONE上網買，我地次次去旅行都有買架﹗行來行去都未夠時間入閘，因為工人姐姐都有送我地機，所以今次就唔入閘後先食早餐﹗
去POPEYES CHICKEN食早餐﹗一份早餐要$26﹗食物OK，不過BAD SERVICE﹗同埋COFFEE好難飲，我見個個都飲淨半杯，包括阿旺﹗買咗 3份早餐，只是問佢要一杯熱水沖奶都話無 (咁佢用咩水沖咖啡？)？﹗要買一支水就要 $16﹗個問題是...凍水沖唔到奶架嘛﹗結果阿旺又比我鬧啦﹗因為佢竟然唔記得帶水﹗熱水同凍水都無﹗之後我地轉個彎去萬寧買，一枝只是 $2.9﹗
食完早餐就入閘啦﹗今次是 GATE 2，唔洗再坐無人駕駛﹗轉個彎就到啦﹗HEHEH...有BB唔洗排隊上機，反而搞到唔記得同大頭妹去影架飛機﹗上到飛機，大頭妹好好奇，咩都玩一餐，電視﹑HEADPHONE﹑雜誌﹑椅上的 BUTTON﹗玩到攰就瞓埋，時間岩岩好，飛機要起飛啦﹗
有做 AIRLINE的朋友提我，訂機票的時候要 REQUEST BB FOOD，我 REQUEST咗，不過佢地都 MISS咗﹗見空姐攞比其他的 BB的時候，唔見有大頭妹的一份，問空姐攞的時候，仲問我地有冇 PRE-REQUEST，咁即是唔是買了 BB TICKET就自動預備啦﹗所以各位媽媽記得訂位的時候要 REQUEST定啦﹗
短途機真是快過坐火車去廣州，食完個飛機餐，未有時間去洗手間，就話到啦﹗一落機攞完娃娃車就過關啦﹗過關前去找換店換台幣。嘩﹗宜家港幣對台幣是 1對3.5﹗好貴呀﹗仲要比台幣 $30手續費，以前好似不用手續費的？﹗是不是我記錯呢？不過我上一次去台灣已經是 5年前的事﹗換完錢就過關啦﹗台灣的機場有博愛專櫃，有娃娃車的都可以優先過關﹗香港的機場都要學下啦﹗
今次坐長榮巴士去民權西路 (第 2個站)再轉捷運去北投﹗單程台幣 $150...好似加咗價，旅遊書話台幣 $135﹗去到民權西路就轉捷運去北投，之後要再轉一程捷運去新北投﹗去到北投酒店 CHECK IN，已經 2:00PM幾，咁就半日啦﹗

MARCO POLO CLUB的櫃位，唔洗排隊﹗

三份早餐﹗

終於都入閘啦﹗唔記得去影架飛機添﹗

上到機個空中少爺好NICE，主動幫我地影相﹗短途機佢地都好忙﹗

嘩﹗上到飛機大頭妹就多野玩啦﹗玩個 HEADPHONE都玩咗好耐﹗

不斷丟個 HEADPHONE落地，再叫我執返比佢﹗來來回回咗 10幾20次﹗

BB的安全帶﹗

HEHEHEH...大頭妹好乖，來回程都是臨起飛前就瞓覺﹗中間完全無扭計﹗真是 GOOD GIRL﹗

前面個阿叔，都未熄安全帶燈就較低張櫈﹗呢個世界永遠都有啲咁嘅人﹗

飛機餐一到大頭妹就起身﹗

大頭妹的飛機餐 - 蘋果蓉 1樽，粟米雞 2樽，蘋果汁 1樽﹗都幾豐富喎﹗

落機啦﹗要等返架娃娃車 (HEHEHE...台灣的講法)﹗

HEHEHEH...出發去坐機場巴士出市區啦﹗已經是 12:40PM﹗

到民權西路站坐淡水線去北投﹗

去到北投再轉一程去新北投﹗一個站 ONLY﹗好似我地去 DISNEYLAND咁﹗

同 DISNEY線一樣，架車同平時的有少少唔同﹗

HEHEHEH...有個木桶 TV﹗

去到新北投站已經 2:00PM啦﹗

HEHEHEH...下一站會去淡水食食食，又會去漁人碼頭 "浪漫" 一下﹗大家密切留意啦﹗如果想睇多啲相就記得 ADD埋我 FACEBOOK PAGE啦﹗http://www.facebook.com/media/set/?set=a.10150193594322089.336036.557582088&saved#!/pages/%E5%82%BB%E5%A4%AB%E5%A9%A6%E8%9D%A6%E7%A2%8C%E7%94%9C%E8%9C%9C%E7%94%9F%E6%B4%BB%E6%97%A5%E8%AA%8C/113329742036313

帶 BB去旅行大作戰

今日就出發去台灣啦﹗
第一次帶大頭妹去旅行，上了很多網站，參考帶BB出門，要帶什麼日用品，為了方便其他 BLOG友，亦方便我自己日後睇返，出返篇 BLOG先﹗
其實同BB去旅行，都真是有很多東西要帶，以下是我今次會帶的物品﹗

1. 尿片 - 1包 (今次帶學習褲，方便更換﹗)/ 濕紙巾 1大3細/ 消毒啫哩 (換完片可以消毒，又可以幫 BB消毒手仔)
2. 奶樽 *4 (3大1小)/ 奶粉 (旅行裝)/ 保溫壺
3. 水 - 1L (由於好多朋友都話怕 BB會水肚不服，自己帶水會好少少﹗)
4. 碗/ SPOON/ BB FOOD/ BB SNACKS
5. BB食具清潔濟 + 消毒片 (今次放棄用旅行用奶袋，一來好貴，因為一買就要買一大盒﹗二來用得奶咀﹑碗都一樣要洗，一樣要消毒，即是都唔可以唔帶﹗)
6. 沖涼液/ BODY LOTION/ FACE CREAM/ TOWEL (大人就用酒店的，BB都是帶一條去好少少)
7. BB衫/ BIBS/ 紗巾/ COTTON
8. BB車/ 揹帶/ 玩具
9. 藥/ 溫度計/ 退熱貼 (之前有 BLOG友問邊度有得配 BB的平安藥，我的平安藥是在 ST PAUL'S 配的﹗)

另外有啲用品，都有媽咪建議要帶，不過我今次就唔會帶去的﹗

1. 電熱水壺 (我今次去的酒店會有，最多去到洗一洗佢。)
2. 米/ 真空瓶/ 已煮熟的肉 -> 可以去到自己煲粥，不過我今次買 BB FOOD啦﹗

HEHEHEH...大頭妹 1個小人仔，就用了一個細夾﹗去多幾日真的不得了﹗

大頭妹的個人用品﹗

專登買多一頂帽仔﹗HELLO KITTY * H&M $49.9﹗抵到爆﹗

新買的 T-SHIRT﹗出發前 2日先收到﹗GAP，$80。

IT IS GOOD TO BE A GIRL...HEHEHEH...GAP，$80。

花花小背心，DISCOUNT之後好似 $120﹗

GAP牛仔短褲，質地好好，DISCOUNT之後大約法三章120﹗抵買﹗

HELLO KITTY 荷葉邊短褲，大約 $150﹗

COSPLAY女僕裙...如果我都一齊著...唔知會唔會嚇死阿旺﹗

大頭妹唔多女仔鞋，買返去CAUSAL少少的女仔鞋比佢，H&M $59.9。

白鞋仔 H&M $69.9。

大頭妹: HEHEHEHE...我媽媽又買新衫比我啦﹗

HEHEHEHHEHEH...我個囡大個啦﹗

著花花背心之後，好似好大個女咁﹗

最近成日卷脷﹗

又成日手指指﹗

我地 5月3日返啦﹗這幾日應該都不會出 BLOG啦 (雖然阿旺會帶 NOTEBOOK去)﹗大家要掛住我呀﹗

台灣之旅 2011

HEHEHEHEH...今年我終於有得去旅行啦﹗今次的目的地是台灣﹗前年去完大阪，已經計畫上年去北海道，旅遊書都買好了， 不過因為大肚，邊度都唔洗去啦﹗但我今年又一定要去台灣喎，因為啲 AISA MILES到期，我又只夠分換台灣的機票，本來想來個台灣環島遊，不過...最後都是想帶埋大頭妹去...所以都是去台北4天遊﹗
我想問下有經驗的媽媽們，帶小朋友去旅行，有咩要特別注意？﹗要帶啲咩去？﹗我最初其實諗得好簡單，真的真的太 簡單，後來朋友知道我會帶大頭妹去旅行，紛紛問我知唔知要帶什麼﹗呀﹗我真的不知道...我以為帶個人去就OK啦﹗原來...帶得奶樽就當然要帶清潔濟啦 ﹗仲有點烚奶樽呢？﹗洗完都要烚一烚嘛？﹗車仔帶唔帶去好呢？唔帶唔通全日抱？﹗大頭妹又未識行﹗唉吔...原來有好多問題...有冇高人可以指點一 下？﹗
上上個星期先帶大頭妹去攞 PASSPORT﹗去快圖美影 PASSPORT PHOTO...個阿姐唔比我地用頭飾，搞到大頭妹又變成大頭仔啦﹗我明明見過我啲朋友幫佢地小朋友影 PASSPORT PHOTO都有用頭飾，不過個阿姐堅持唔用得﹗阿旺話都是用 5年，叫我算把啦﹗

同大頭妹影 PASSPORT PHOTO，佢十分合作，影 4幅有 3幅是笑的﹗有一幅仲笑到見牙唔見眼﹗所以最後揀了上面呢幅微笑的﹗其實我鍾意唔笑的一幅，因為大頭妹一笑就比人見到佢對 "疏牙" 啦﹗
我 PLAN梗行程，大家都比下意見吖﹗
第 1日: 13:00 HOTEL -> LUNCH -> SHOPPING@ SOGO/微風廣場/ 頂好 ->18:00 DINNER@天香回味 -> SEEING@ 101/ W HOTEL
第 2日: 10:00 SHOPPING@南門市場 -> 12:00 LUNCH@永康街 -> 未知 -> 18:00 DINNER@青葉 -> 士林
第3日: MORNING未知 -> CHECK OUT去北投 -> CHECK IN -> SEEING & DINNER@淡水 -> HOT SPRING@北投
第 4日: MORNING 北投 -> STORE行李@台北車站 -> SHOPPING & LUNCH@西門町 -> 台北車站 -> 機場

懷孕旅程正式完結﹗返工啦﹗

我10個星期的產假終於完結啦﹗產假期間真是發生了太多太多事，放盤賣樓﹑賣樓再租樓再買樓﹑為照顧大頭妹的安排煩惱﹑決定請工 人﹑第一次收到惡意留言......真是是時候整理一下自己的心情，今日就返工，希望一切順順利利﹗今朝早起身到出門口，都唔敢抱下同惜下大頭妹...怕 自己會唔捨得佢呀﹗唔知大頭妹會唔會都掛住媽咪呢？﹗
早一陣子在網上看了一篇有關孕婦公主病的文章，有少少不吐不快﹗不知道寫的人是男是女，是女的又是否試過懷孕﹗為什麼會覺得遷就孕婦會令孕婦有孕婦公主病？﹗
我想說懷孕的時候其實真是好大壓力，第一，我們負責的不只是自己的生命，仲有肚入面的 "小生命"﹗我不只一次在診所聽到有奶奶 (heheh...都可能是孕婦的媽媽)用怪責的語氣話個孕婦不小心跌倒/ 碰撞到﹗我當時心想...她自己想的嗎？又不是故意﹗你不關心她，還要責怪她？﹗懷孕時的壓力真的不容忽視﹗
第二，年紀加工作壓力﹗現在的香港人大多遲婚，遲婚就自然遲生育，我在醫院/產前運動班所見...大部份的孕婦的年紀都好似比我大﹗我已經只是剛好 趕在自己定下的DEADLINE前生，雖然人人的DEADLINE都不同，不過高齡產婦都的確不少﹗而且現在大部女性都有自己的 "事業" ，我在醫院都聽到有病人致電公司講工事﹗我老闆都給我打過2次電話問公司的事﹗老實說，我初初知道自己懷孕，都怕老闆會不高興﹗之後又怕會不會丟掉工作﹗ 相比我媽媽的年代，我妹妹出世的時候已經不用工作，做個全職家庭主婦，30來歲的時候我已經上中學啦﹗
仲有很多很多其他的壓力﹗就好似我呢個產假，我已經經歷了賣樓﹑租樓﹑再買樓...生活上的重大轉變。再加上家中加添小成員，帶來的 "婆媳關係"，本身都不用和老爺奶奶有太多的接觸相處，生了小寶寶就變得十分不一樣﹗我現在才明白，為什麼我媽咪不能和我的嫲嫲好好相處﹗當男士們以為自 己是老婆與奶奶的"夾心人"，其實我們女人同樣是老公與奶奶中間的"夾心人" ﹗所以奉勸各位，如果有能力請工人的，記得一定要請工人，請完工人再請奶奶照顧寶寶，大家都會好過一點﹗
                    
提防！孕婦公主病
俗語有云「大肚婆大晒」，尤其香港女人出名矜貴，當有BB之後身邊的親人朋友就更加百般遷就呵護有加，不知不覺就可能會形成「孕婦公主病」，潮媽記住小心不要成為其公主一員，以免形象插水。(全文: http://trendymom.com.hk/family/family1.php?cmp=sr&src=frontpage)
何謂「孕婦公主病」？根據網上各大小討論區有關於大肚婆行為的分享，可綜合以下病癥：

1. 事無大小都要人伺候
2.要身邊所有人百般遷就
3.常以懷孕作藉口推諉工作
4.態度差和任意發脾氣
5.專挑名貴的吃和買
6.擺出一副「我最偉大」的姿態
7.強迫別人收聽懷孕話題

走佬袋攻略

之前講過生完之後寫返一篇關於走佬袋的BLOG，一直都忘記了，襯現在還有少少記憶，快快寫完這一篇BLOG﹗
我是在瑪麗醫院生產的，因為每一間醫院的要求都有少少不同，其實可以問醫院拿一張走佬袋的清單再自行決定帶什麼﹗住私家醫院的話，要帶的東西其實很少，大部份用品醫院已經有提供﹗
以下是我用完之後覺得有需要的用品:
1. 入院信，自己的身份證及丈夫身份證副本 (必須)
2. 紙巾1-2盒，TEMPO盒裝紙巾比較厚身，去洗手間用都可以﹗
3. 產婦衛生巾 (扣裝同黏貼型各1包)，瑪麗醫院的產房要求要用扣裝﹗
4. 網褲 5-6 條﹑護康瓶 (沖洗瓶)，這個對自然分娩的十分重要，預防傷口發炎﹗水泡 (有人話十分重要，我有帶去，不過又沒有用)
5. 床墊 1包 (瑪麗醫院要求厚身)
6. 胸圍 2-3個，打算餵媽媽奶的媽咪就記得帶餵母乳的胸圍，會比較方便﹗
7. 乳墊 1-2對，雖然通常不會頭幾日就上奶，不過帶定一對出院用，以備不時之需﹗
8. 初生嬰兒紙尿片一包
9. 嬰兒用濕紙巾 (有盒會方便一些)，嬰兒用綿花 (可以清潔寶寶面/眼，同清潔自己的乳頭for餵媽媽奶媽咪)
10. 紗巾數條
11. 個人用品 : 面巾﹑牙膏牙刷﹑潔面用品﹑TONER﹑CREAM﹑UV MILK﹑HANDCREAM (照顧BB要成日洗手，HANDCREAM十分重要)﹑梳﹑髮夾﹑保溫杯﹑拖鞋﹑SOCKS (生產之後會比較怕冷，暖住腳仔比較好)。如打算洗澡的，就要帶大毛巾﹑沖涼液﹑洗頭水﹑護髮素 (不過以我所見，中國人都好少住院期間就洗澡)﹗

12. 飽肚的零食
13. 鎖，床邊的LOCKER可以上鎖 (不過我當時都沒有用)

出院用品:

1. 寶寶出院著的衫 (和尚袍/ 夾衣和包被)
2. 自己出院著的衫，頸巾/ 披肩 (以防冷親條頸)