20180328@【Pizza Express】

2018年 3月 29日 (星期四)

時光倒流到復活節假期前，阿旺出咗 TRIP，工人姐姐又放假回鄉，過了非常艱辛的一星期，其中一日大頭妹小丸子就去咗嫲嫲屋企一日渡假，個日我就爽，一個人訓晒成張床﹗第 2日嫲嫲帶佢地返嚟，近近地係屋企樓下食 PIZZA EXPRESS，其實我地咁耐都未試過入去坐低食，次次都係買外賣﹗今次點了一個 2人套餐，再加 2個兒童餐，個兒童餐都OK抵食﹗不過食完之後，我奶奶又痾又嘔，我就肚痾...好彩大頭妹小丸子又無事...所以短期內都唔會再去食﹗

我估原凶應該是沙律，因為大頭小丸都無食沙律﹗

意大利肉丸拼麵包球﹗

是日 PIZZA﹗

小丸子的兒童餐，佢自己睇餐牌，唔識的字又問我，最後揀咗呢款，白汁火腿蝴蝶粉﹗

大頭妹的蕃茄芝士PIZZA，真是岩晒佢，完全無肉，即刻食得好快﹗

兒童餐仲有棋子包加朱古力醬做甜品﹗


HAHAHAH...好鍾意食小丸子食野...呢個完全係『等個女嫁唔出』系列﹗


大頭妹就幾時都斯斯文文﹗

傻夫婦親子大阪京都奈良之旅@2018【行程篇】

又到一年一度的暑假旅行【行程篇】，今年的目的地是大阪﹑京都﹑奈良，其實上年都打算去關西，不過最後東京機票平啲，就揀咗東京，今次去大阪﹑京都﹑奈良，2個女都未去過，我同阿旺都是 HONEYMOON 時去過，上次無住京都，匆匆去一日，我地都好鍾意京都，所以今次決定京都住3日，大阪住3日，點知 PLAN 行程就發現，大阪好似真是多好多野玩，尤其是小朋友，呵呵呵，不過唔想再 BOOK 過啲房，所以依家努力睇下京都有咩岩小朋友玩﹗不過好黑仔，我 BOOK 酒店既時間 YEN 都係對6.8，依家又升到上 7.4...已經...唔係第一次...下次 BOOK 酒店時，如果個 RATE靚，都係即時比錢好過﹗

機票: http://www.hongkongairlines.com/zh_HK/booking/flight

今次好早就開始留意機票，10月就開始睇，不過當時考慮轉工中，拖下拖下 11月買，已經比 10月貴咗千幾蚊，今次坐 HK AIRLINE，之前未坐過，一家四口連稅都唔洗 $12000，暑假嚟講都叫好抵，廉航的價錢，我依家再睇，見差不多加到 $15000-17000，所以早啲買真是平啲既﹗

關西機場: https://www.kansai-airport.or.jp/tw/

大阪周遊卡: https://www.osp.osaka-info.jp/cht/
關西機場同京都交通: http://www.westjr.co.jp/global/tc/ticket/icoca-haruka/

「ICOCA & HARUKA」是集可在關西地區搭乘JR、地鐵、私鐵、巴士等交通工具，或購物時使用的IC卡「ICOCA」（預先存入1,500日圓），以及從關西機場直接連通天王寺、新大阪、京都的關空特快列車「HARUKA」折扣票於一身的超值套票。

酒店

京都站前大和ROYNET酒店http://www.daiwaroynethotelkyotoekimae.com/zh-tw

今次揀呢間酒店主要都是地點方便，喺正京都塔後面，附近已經有幾個大型商場。房間唔算大唔算細，有大啲房嘅，不過又貴啲囉，揀咗普通雙人房，因為唔知點解高級雙人房無禁煙房揀，唔敢 BOOK。Roynet 的酒店好處是12歲以下都是免費入住，十分方便我地一家四口出遊。

 

御宿野乃難波 (日本橋) https://www.hotespa.net/hotels/nono_nanba/

大頭婆婆剛剛新年去大阪住過話唔錯，有溫泉浸，晚上又有免費拉麵，不過奇怪的是，我訂的時間明明寫12歲以下免費入住，最近轉咗 2歲以下才免費，我打去Agoda問，佢地覆返是如果我訂既時候入2大2小，現在都不用比附加費。

聽聞好多人浸，可能都未必會去浸，睇下到時2個女想唔想啦。

日式房間都幾特別﹗

大家LIKE 咗我地 FACEBOOK PAGE未呀？﹗未就快啲 LIKE 啦﹗

 

久違了的二人世界 佐敦街角小店【FLANEUR】

哈哈哈﹗一連串的考試後慶祝活動，阿旺話知我同個女溫書辛苦，要帶我去二人世界食好野。哼﹗次次考試佢都無幫手，老實唔搗亂已經當幫忙，當然要慰勞返我﹗

今次去一間佐敦街角小店【FLANEUR】，我覺得環境唔錯，在一條橫街的角落，好有小店的氣氛。我地點了紐西蘭鑽石蜆﹑牛油果睡蟹意大利飯﹑啤酒烤法國野雞﹑烤焦糖菠蘿，食物質素都唔錯，尤其是烤焦糖菠蘿甜品，比較少地方食到。

呵呵呵﹗難得二人世界，當然要來個 SELFIE 先啦﹗


又難得二人世界...當然要點返2杯 MOCTAIL﹗


紐西蘭鑽石蜆 (8oz) $88，鑽石蜆好鮮甜無砂，呢點非常重要，食蜆最怕有砂，SIZE 比一般蜆大，食落啖啖肉。如果小丸子係度實好開心，佢好鍾意食蜆﹗


牛油果睡蟹意大利飯 $198，呢個飯真是十分『邪惡』，竟然有一小樽的蟹膏 (其實都不少，最少都有 3-4湯匙的分量)，用來拌飯一起吃，喜歡蟹膏的朋友，真是唔可以錯過，唯一美中不足是食的時候有少少蟹殼碎，不過都是一兩片，可以理解﹗


意大利飯煮得剛剛好，少少硬身，帶少少芝士味，我覺得如果改用忌廉會更加好，可以更加特出蟹肉同蟹膏的味道。


真是超好味，岩晒鍾意蟹膏既我同阿旺呢﹗


一啖飯加一啖蟹膏，真是無得輸，搞到我都想返去自己試下煮﹗


啤酒烤法國野雞 $158，單是賣相已經滿分，味道都不錯，調味是蜜糖芥末子，吃不出啤酒的味道，煮得不會過生/ 過老，不過我同阿旺都覺得雞肉未夠入味 (我地覺得是無醃雞的內部，但我同阿旺都食得比較濃味，可能一般人會覺我岩岩好)，有皮的位置就非常美味。


傻人...

要珍惜會為你『拆骨』的男人﹗哈哈﹗今晚就鬧少佢兩句啦﹗

烤焦糖菠蘿 $48，我自己好鍾意食菠蘿，所以我真是覺得好好味呀﹗食的時候真是想大叫好好味呀﹗


最後想講講服務都唔錯，基本吃完一道菜，侍應就馬上換碟﹗我覺得以食物質素和服務來講，價錢都算非常合理﹗

【FLANEUR】
地址: 佐敦官涌街5號地舖
電話: 39569601

Openrice: https://www.openrice.com/zh/hongkong/r-flaneur-%E4%BD%90%E6%95%A6-%E5%A4%9A%E5%9C%8B%E8%8F%9C-r533559

年初二@ 金滿庭京川滬菜館

 

每年年初二都同我姑媽拜年，今年唔自己煮啦，落街食去咗金滬庭，唔係第一次去，不過好少去，原來價位都幾高，比北京樓還要貴，😂😂😂 係...我淨係識北京樓，不過份量原來都多，所以又唔係貴。

新年點了個意頭餸「撈起」，哈哈，其實即是高級版雞絲粉皮！不過又幾好玩，傳晒成張枱「撈起」先食！今年轉新工，不求撈起，只求安定！

醉雞，阿旺好滿意！

燻魚，比北京樓貴少少，但原來好大碟既！

呢個饅頭就貴...不過2個女鍾意食就無計。

生煎包

咕嚕肉

鱔糊

沙鍋雲吞雞

上海粗炒

炒飯

整體食物質素真的不錯，雖不至於物超所值，但都物有所值。

金滿庭京川滬菜館

網址: https://s.openrice.com/QrbS0zXe0W0

地址: 鑽石山龍蟠街3號荷里活廣場3樓312A舖

電話: 26973033

考試後的 Happy Friday

考完試既星期五，要出去輕鬆下，本身亦好有信心當「慶功」，點知派咗第一科成績就衰咗，不過都是同自己講，人生有好多考試，一個考試失敗，唔代表永遠失敗，最重要是過得開心健康！時刻提醒自己！😆😆😆

阿旺買了飛睇黑豹，阿妹要跟住我，所以又去睇，家姐唔想自己一個係屋企，所以都一齊去。睇之前本來想去 Spaghetti House食芝士火鍋，點知原來冬天先有，我地仲要等到枱個刻先發現，好彩未坐低。之後去咗 Pizza Hut。

第一次去 Pizza Hut食芝士火鍋，點了 Deluxe 芝士火鍋套餐，我覺得個套餐無Spaghetti House 咁吸引🤔，肉太明顯是現成，蝦就同menu入面既size好有距離...麵包、薯條，炸雞都ok！不過算啦，小朋友要食都冇辦法！

個芝士都好大分別，唔知係咪重Mozzarella，點完一絲絲，好難斷開，食完之後對手仲好攰！😅😅 但大頭妹話佢鍾意呢款多啲。


另外加$15加配長通粉，一陣就比小丸子同大頭妹食晒。


另外加多個麵包比大頭妹，其實佢想食芝士火鍋，就是想食個包！

食食下既時候諗，其實香港依家真是好高消費，一家四口出街食個晚飯，再睇場戲，都要花成千蚊，仲要講梗只是食 Pizza Hut！