傻夫婦暑假九州親子遊Day3「由布院 吾亦紅」@20190717

2019/2020年比較懶散，以前遊記blog未試過「爛尾」，今次拖足大半年，2021年都過了一半，都未寫完2019暑假的福岡之旅！希望盡量可以完成！

今次行程最期待就是今日，訂了傳統溫泉旅館「吾亦紅」，吾亦紅在由布院山腰，所以去到車站要再坐車，訂的時候可以訂埋車，是免費的。我地訂了3:30pm車，所以去到由布院有時間吃午餐，再周圍行一陣。

入到房2個小朋友都好高興！

印象中大頭小丸應該是第一次訓 tatami。

房間入面有3個私人溫泉，但大頭小丸好驚昆蟲，不停呱呱叫，浸一陣就走人，最後我和阿旺一人浸一個，好爽！大頭小丸就浸室內的一個。

Welcome drink and snack!


我們在由布院買了原味的B Speak。如果大家會坐由布之森，由布之森都有原味，所以應該買朱古力味試試。

浸過溫泉梳洗完，就出發去食晚餐啦！

好豐富的晚餐！


兒童餐真是好正，「吾亦紅」亦好好，我訂完之後send email去問可唔可以轉兒童餐，其實大頭妹已過小童的年紀，結果佢地台灣職員打長途電話比我問介唔介意轉到只放到3人tatami 的房，然後幫我安排了兩份兒童餐。不過去到的時候，只安排了一份兒童餐，晚餐趕唔切轉，有些材料已經預備好，早餐再幫我轉。








清晨！空氣真是好清新！




走之前仲有紀念品！

Athena便當：黑椒牛扒

2021年7月27日（星期二）

其實經常都會煮牛扒，原因好簡單⋯⋯快、靚、正！而且雪櫃經常有存貨。不過平時同大頭妹小丸子一齊食，就沒有放黑椒。自己帶便當就喜歡放什麼就什麼！

是日便當：黑椒牛扒、芽菜（受pepper lunch啟發)、XO醬炒秋葵、生紅蘿蔔


一塊大的美國肉眼扒，其實如果是冷便當，西冷油脂少一點會比較適合。


肉眼$99，芽菜$26，秋葵$14，仲有無入鏡的日本紅蘿蔔$10。全部是$149，除以2是$74.5，自己煮成本一點都不低，仲要我因為日日煮，日日去超市，日日買買埋埋好多其他嘢⋯⋯每日最少都$2-300，其實夠我食個omakase！😂😂😂


先煎牛扒至5成煮，切條再回鑊加入汁煮至全熟。


之後不用洗鑊，直接炒芽菜，加少少鹽和酒炒至軟身。


仍然無洗鑊，繼續炒埋秋葵，加入少少豉油，少少XO醬快炒！


登登！完成啦！


老公嘅！

其實我以前好少帶飯，因為我唔鍾意重複，昨晚食完今日又食一樣的，現在自己煮，每日lunch time都覺得好幸福！

Athena便當：柚子胡椒雞扒

2021年7月28日（星期三）

最近開始自己整便當🍱，剛剛開始幾日，不知道會維持幾耐⋯⋯會補返前幾日的便當，希望自己有恆心，無論是煮，或者是寫Blog。

點解會忽然間煮便當呢？當然是因為⋯⋯WFH期間肥咗幾磅啦！所以便當沒有飯，只有肉和菜！

看看今日餐單：柚子胡椒雞扒、西蘭花、車厘茄

早一晚切好、浸洗西蘭花


醃好雞扒，醃料好簡單，就是鹽、胡椒粉、柚子胡椒，柚子胡椒是日本居酒屋常見調味料，是九州特產，由柚子皮、青辣椒、鹽製成，有少少柚子的清香和青胡椒的微辣，配雞肉類好夾！


在分秒必爭的早上，我先煲水，再去洗手間、刷牙，水滾放少少鹽，加入西蘭花，再去洗面。


洗完面，倒起西蘭花，加入冷水浸西蘭花，開始煎雞扒。


先以大火煎雞皮的一邊，煎至金黃色，就可以轉細火煎另一邊。


我加了1瓶蓋的酒，蓋上蓋，以細火煮3分鐘，期間去化埋個妝。


煎好啦！


可以再加少少柚子胡椒，吃之後塗勻表面，真是超級好味道！


上次在HKTVMALL 見到有「華味鳥」的柚子胡椒就買了，其實一般日或超市都有其他牌子的。

後記：因為加了酒去煎，還蓋上蓋，今次煎出來真是好Juicy，平時柚子胡椒雞扒煎完出來會有點乾，因為沒有汁。 

午餐@Kaiyo海陽居酒屋

2021年6月29日（星期二）

之前登記了K11的會員還是什麼，有$300 K dollar，就約了阿旺一齊食午餐！選了海陽居酒屋，大約是$2-300/set，就當是買一送一啦！

我點了精選壽司定食$268，好豐富，有8件壽司加卷物、沙律，茶碗蒸、麵豉湯，還有烏東！


魚生很新鮮！






阿旺點了燒日本和牛鵝肝丼 $268。

海陽。居酒屋

網址: https://s.openrice.com/QrbS0bga900~u_4rQAQ

地址: 尖沙咀梳士巴利道18號Victoria Dockside K11 Musea 1樓103-103A號舖

電話: 21170985

晚餐@美登利

2021年6月23日（星期三）

因為追星，我一個港島人千辛萬苦，長途跋涉⋯⋯去旺角打卡，最終比我試到美登利。剛來香港的時候，曾經大排長龍，現在雖不至於小貓三四隻，不過7:00pm到，完全可以直接walk-in。

我和阿旺都點了特選手握壽司盛合$275，之前在東京吃過，睇返之前的blog，日本價值平一半，難怪在日本食的時候，覺得價廉物美！


賣相都可以


最好味的是鰻魚和甜蛋。。。


另外點的蜆麵豉湯。


茶碗蒸








從來未如此瘋狂過！

梅丘壽司の美登利総本店 (雅蘭中心)    

網址: https://s.openrice.com/QrbS0xme900~u_4rQAQ

地址: 旺角彌敦道639號雅蘭中心2樓202號舖

電話: 35719018