Athena便當：黑椒牛扒

2021年7月27日（星期二）

其實經常都會煮牛扒，原因好簡單⋯⋯快、靚、正！而且雪櫃經常有存貨。不過平時同大頭妹小丸子一齊食，就沒有放黑椒。自己帶便當就喜歡放什麼就什麼！

是日便當：黑椒牛扒、芽菜（受pepper lunch啟發)、XO醬炒秋葵、生紅蘿蔔


一塊大的美國肉眼扒，其實如果是冷便當，西冷油脂少一點會比較適合。


肉眼$99，芽菜$26，秋葵$14，仲有無入鏡的日本紅蘿蔔$10。全部是$149，除以2是$74.5，自己煮成本一點都不低，仲要我因為日日煮，日日去超市，日日買買埋埋好多其他嘢⋯⋯每日最少都$2-300，其實夠我食個omakase！😂😂😂


先煎牛扒至5成煮，切條再回鑊加入汁煮至全熟。


之後不用洗鑊，直接炒芽菜，加少少鹽和酒炒至軟身。


仍然無洗鑊，繼續炒埋秋葵，加入少少豉油，少少XO醬快炒！


登登！完成啦！


老公嘅！

其實我以前好少帶飯，因為我唔鍾意重複，昨晚食完今日又食一樣的，現在自己煮，每日lunch time都覺得好幸福！