晚餐@湊湊火鍋茶憩

其實疫情真是好影響消費模式，我哋比以前少咗出街食飯，加上返學真係好忙好忙，就更加少出街食。

最近天氣涼返少少，即刻好想去打邊爐，星期五等大頭妹小丸子學完畫畫。就去銅鑼灣打邊爐。

海鮮牛肉拼盤


另外點的牛肉比拼盤的好味😋


就是為咗呢幾隻小企鵝去！


🐧表演跳水！


呢間仲可以叫台式飲品。




人頭$19，有自助醬料、前菜、生果，另外每人有一細杯冰沙同梅子啫喱。

湊湊火鍋‧茶憩 (希慎廣場)

網上訂座享8折優惠兼賺Rice Dollars    

網址: https://s.openrice.com/QrbS0VCOA00~u_4rQAQ

地址: 銅鑼灣軒尼詩道500號希慎廣場14樓1401-1402號舖

電話: 28180698

大頭妹便當：照燒豬扒 飯團 西蘭花

2022年10月3日

今日試下上次在Apita買的豬扒，之前知道大頭妹要帶飯，我即時買了幾包不同的已醃凍肉，以備不時之需。 

是日午餐：照燒豬扒、飯團🍙、西蘭花🥦、車厘茄🍅、藍莓🫐，放學返屋企檢查，最後食淨藍莓，相信豬扒應該好味道。

其實有照燒汁，我本來想將豬扒放飯面，但見上次煮照燒雞扒時，大頭妹食晒啲飯團，所以今次都預備返飯團。


呢個迷你煎pan非常好用，煮一人份的食物剛剛好！


就係呢包！上次網店做$79/2包，就買了2包，一包豬扒，一包豬肉。


Facebook有人問飯團點整，其實好簡單，就是用10元店的飯團模，加牛角紫菜，再用四洲紫菜包好。


一包有2塊豬扒，另一塊留比小丸子lunch。

是日晚餐：牛扒冷麵

星期日大頭小丸會去學游水。我有一個小時，就會周圍行吓，順便買餸，所以最近的星期日都自己煮，少咗食外賣。

今個星期日又是食牛扒冷麵，因為太方便啦，完全唔洗預備，半小時食得！

老公的配沙律！

我同大頭妹同小丸子嘅！其實仲有無入鏡的麥樂雞😆。

大頭妹便當：茄汁肉碎 粟米飯 蜜柑

大頭妹好鍾意食茄汁，其實一轉返全日，我問她帶飯想吃什麼，她第一樣就是揀茄汁肉碎，可能這個餸我平時好少煮，她對這個餸念念不忘！

返學帶飯的餸，我是有考慮過很多方面的，例如方唔方便吃，有骨要吐可能難處理，常溫/ 微暖吃會唔會影響味道，有些肉類脂肪多，放涼吃就不好味了。

茄汁肉碎其實係我細個去姑媽屋企食飯，姑媽每次都會煮的，我可以食多一碗飯！可能又係平時無得食，所以間中食一次覺得特別好味！


粟米係新鮮粟米，大約係1/3條。


蜜柑


紅豆米水，大頭妹一日飲好少水，試吓有少少甜的米水。


前一日專登去無印買個袋仔，剛好可以放飯壺、飲品、餐具！

有人問食譜就寫下，因為跟我姑媽學，老人家煮餸好隨意，就是什麼都適量⋯⋯

茄汁肉碎

材料：

肉碎 150g 

醃料：

豉油 1茶匙

糖 1/2 茶匙

胡椒粉 少少

水 適量

生粉 1/2茶匙

調味料：

茄汁3湯匙

水 3湯匙

糖 3茶匙

*可按比例加減，每個牌子的茄汁酸度不一，可以自己調節。

做法：

1. 平底鍋放適量的油加熱，放入已醃的肉碎炒至8分熟。

2. 加入調味， 由於醃肉時已落生粉，越煮會越杰身，可加入適量水份。

大頭妹便當：照燒雞扒 玉子燒 飯團

學校上星期三出忽然出通告，今日開始返全日，11月再根據打第3針的人數，再睇下可唔可以繼續返全日，時隔差不多3年，終於可以返全日！希望生活真的慢慢回復正常！

上星期一收到通知返全日，就問大頭妹，午餐點算？佢話唔係你煮咩？！吓⋯⋯而家返中學，6:55上校車喎！咁我咪要6:00起身？！仲要30分鐘內煮好？！咁我又唔驚，而家中學有小賣部，如果⋯⋯如果真係起唔到身，個日咪食小賣部囉，一定唔會餓死嘅😆。

是日午餐：照燒雞扒、玉子燒、飯團、車厘茄、青提、藍莓。今日先試日式便當，我相信大頭妹都唔會食得晒。

份量其實是大約半碗飯、1塊雞扒、1隻雞蛋、3粒車厘茄、3粒青提、3粒藍莓。

最後工人姐姐回報，食淨3粒雞肉、2粒藍莓、1粒車厘茄。