產品試用: Sofina Alblanc 正離子美白精華

多謝 she.com邀請試用 Sofina Alblanc 正離子美白精華和美白按摩面膜﹗

我之前都講過我是 Sofina 長期 fans，自中一就開始用 Sofina 嘅 UV Milk，一用就用了 20幾年 (頭先數手指都覺得自己厲害，可以咁長情﹗我本身想打 10幾年...原來唔只...中一得 12-3歲之嘛﹗)﹗佢地嘅美白我都一直有用，不過就唔係 Alblanc 呢條 line﹗ 今次可以試下啦﹗

首先試用 Sofina Alblanc 美白按摩面膜，我起初以為會同以前嘅 MASSAGE GEL有啲似，原來又唔係喎，可能因為可以做埋面膜，感覺都幾潤，有少少香味，用落都幾舒服﹗我見佢話按摩 1分鐘，再敷 3分鐘，沖涼時用效果最好，所以我都是沖涼前落妝後用﹗我覺得好方便喎，沖涼嘅時候，一次過洗埋面，尤其依家天氣凍，沖涼敷 mask 一 take過搞掂，連咁懶嘅我都搵唔到藉口唔敷 mask啦﹗

Sofina Alblanc美白按摩面膜 $420/ 125g。

試用了一星期，我用了 3次，不是每天都有用啦﹗今次影相就當然唔係沖涼時用啦﹗

大約用一粒車厘子的份量﹗

記得是先按 1分鐘，再敷 3分鐘﹗之後就可以洗啦﹗

佢有保濕同促進血液循環的功效，所以都可以見到我按完之後，塊面有少少紅紅地，好似做完運動，就是血液循環啦﹗

呢幾粒瘡瘡是戰績來的﹗我相信是用了之後將我皮膚底層嘅污垢 "清" 出來啦﹗都是近淋巴的位置﹗大家如果好在意會出豆豆，開始用嘅時候，可能先按 30秒，慢慢再加上去，應該會ok的﹗不過其實應該係我...又唔做運動，又唔做 facial，否則應該都唔會好似我咁出豆豆嘅，不過如果底層真係污穢，其實始終都要面對﹗我覺得用完之後，整體皮膚係有光澤咗，所以出幾粒豆豆都可以接受，用多幾次，等底層嘅污垢清晒就應該無事架啦﹗

之後用完爽膚水，就可以再用美白精華啦﹗

影影下相，小丸子放學返屋企，見我拍面，佢又拍﹗

Sofina Alblanc 正離子美白精華  $720/ 40g。

用後感覺比 Sofina Whitening 潤同厚身，用完之後用有一層白色，之後會慢慢比皮膚吸收﹗

對於一直有用開 Sofina Whitening嘅我，最想知嘅當然係佢地有咩分別啦 (除咗價錢)﹗原來呢支 Sofina Alblanc 正離子美白精華係用咗 SOFINA 獨家專利正離子導入技術，配合帶有正離子的乳化技術，美容成分好似磁石咁帶有引力，直迫入帶有負離子的肌膚，就好似用咗「美肌導入儀」，有效美白成份能夠更迅速、更多咁導入至肌膚底層。

Sofina Alblanc 正離子美白精華成分: 

○ 桔梗美白精華: SOFINA獨家研發的成分，極致從黑色素細胞控制色素蔓延。
○ 洋甘菊ET: 抑制黑色素訊息「內皮素」傳遞, 防止黑色素形成，保持白皙素肌。
○ 潤白活性成份（尤加利精華、白樺精華、柚子精華）
○ 羅漢柏精華: 減少泛紅, 使膚色剔透均勻。
○ 微香性．無色素．無油配方

想知道更多資料，就要 click入去 Sofina 嘅 website 睇下啦﹗

http://web.sofina.com/hk/alblanc/

最後送多張小丸子 "按摩" 面珠相﹗佢係度學我按面呢﹗

產品試用: Sofina beaute wrinkle

多謝 she.com邀請試用 Sofina beaute wrinkle系列﹗

今次試用嘅有高濃度W雙效抗皺精華，

仲有重點提升抗皺眼膜﹗

 

作為 Sofina長期用家嘅我，其實一早就用過呢 2件產品啦﹗

大學時期，我係 Sofina counter做 facial，

當時買整全條 line的產品，就可以免費做 facial，

我通常都係 facial的時候先會敷 eye mask，

平時連 eye serum 都好少用﹗

 今時唔同往日 (當年都未25)，

依家 30有5...當然要日日用 eye serum啦﹗

 Sofina beaute wrinkle 重點提升抗皺眼膜 $220/ 12對。

Sofina 的 eye mask是 "黏貼質地" (類似啫哩狀)，係將精華 "壓縮"，加上 "密封效應"，只需敷15分鐘，就有效平復眼尾、眼下皺紋、眼袋及嘴角的笑紋，提升肌膚的緊緻彈性。

啫哩狀就算湊住 2個囡用都好方便﹗唔怕走位﹗

高濃度W雙效抗皺精華 $390/ 30g

雙重去皺回彈配方加入大米精華肽，能同時針對彈力纖維及骨膠原的修復及增生。

 達到12小時持久滋潤，能即時減淡幼紋、舒緩乾燥感 。

我試上手，最近天氣比較乾燥，效果都幾明顯﹗

用完即時覺得好滑，皮膚嘅乾紋 (即係長紋) 即時少咗﹗

未用之前，不過因為我用完先記得影，所以未用嘅係左手。

用上眼比大家睇下啦﹗

一朝早洗完面，搽完爽膚水﹗

我眼細人，其實眼紋都唔算太嚴重嘅 (自己覺得)﹗

我以前做係 Sofina做 facial，美容師教我用打圈的方法搽 eye serum嘅﹗

仲可以做用 "眼部按摩"，我平時都係用呢支同阿旺做 eye massage架﹗

即時都feel到好補水﹗乾紋 (長紋) 都淡咗少少 (眼袋位個條)﹗

如果天氣真係再乾啲嘅時候，我覺得全面用都ok，因為真係好補水﹗

我只是用咗右手，同返左手比較，真係滑足一日﹗

之後再敷上 eye mask﹗

記得敷 15分鐘就ok架啦﹗美容師話敷太耐都未必好架﹗可能會反吸架﹗

我覺得眼袋位好似平咗 (比返第一幅相)，可能因為 mask有提升嘅功效啦﹗
我之前已經搽咗 "大量"  高濃度W雙效抗皺精華，
已經好水潤，所以試唔到補水的功效。

Sofina 網址: http://web.sofina.com/hk/beaute/products/special_1/
*產品由 Sofina提供。

SHE.COM X SOFINA beaute 系列試用報告

多謝 SHE.COM 邀請我試用 SOFINA beaute 的精華活膚露﹑高濃度精華乳液﹑高濃度精華防曬乳液SPF 30 PA+++。其實我本身都係 SOFINA的長期用家，已經足足用咗 22年，我人生第一支 UV MILK，就是用 SOFINA架啦﹗想當年我都幾貪靚， FORM 1就膽粗粗去 COUNTER買護膚品，仲要花 $2XX買 UV MILK， 証明我對護膚品好有要求﹗我成日諗如果 BLOG係早好多年前興起，可以我會係個 BEAUTY BLOGGER...而唔係媽媽 BLOGGER﹗不過做媽媽 BLOGGER都唔錯吖﹗可以同大家分享開心生活事﹗

嘩哈哈哈﹗先來一張我的素顏照﹗最近的皮膚都OK啦﹗沒有敏感﹗有少少豆豆，因為...我日日都食薯片...是我自己「罪有應得」﹗

洗完面先用精華活膚露 $240/ 160ML，倒大約 5元硬幣大小的份量於掌心，再按上面﹗

質地明顯比一般的爽膚水 "厚身"，感覺好水潤﹗ 

好快被皮膚吸收﹗

我覺得即時都見到有光澤咗﹗保水度非常高，非常適合秋天使用﹗
我覺得配合導入機用，應該會幾正﹗


用完精華活膚露之後﹗

高濃度精華乳液 $300/ 40G，係晚上用完精華活膚露用的，即係晚霜 (NIGHT CREAM)。質地比較似 SERUM，好容易推開，亦好快吸收﹗含有柚子﹑生薑﹑尤加利精華，抗老化滋潤成份，可以用係眼部幼嫩的皮膚﹗　

高濃度精華防曬乳液SPF 30 PA+++ $280/ 32G，UV產品一直都是 SOFINA的皇牌產品，我由 FORM 1開始用，一直用到依家都有用，雖然間中都會轉下其他品牌，女人用護膚品就是什麼都要試下嘛 (對阿旺唔會係咁就得啦﹗)，但最後都會返去 SOFINA的懷抱﹗

個人比較喜歡 UV MILK，今次試用 UV CREAM，UV MILK比較爽身，UV CREAM比較潤，秋冬天用 UV CREAM比較適合，尤其是乾性皮膚的人﹗

搽完高濃度精華乳液 (NIGHT CREAM)， 明顯比只是用完精華活膚露再 "飽滿" 咗﹗佢有淡淡的花香味，用上面的感覺都幾舒服﹗

SOFINA的UV產品最正之處，就是用完又唔會 "白" 咗一撻撻，但皮膚是有明顯睇得見的 "亮白" 咗﹗其實如果我皮膚狀態好好的時候，有時我真係用完 SOFINA UV MILK，用少少遮遐膏遮黑眼圈，再上碎粉就出街架啦﹗同上圖用完 NIGHT CREAM比，用 UV CREAM之後，有啲輕微的紅印同豆豆，已經 "消失" 咗﹗(專登上下兩張一齊放，大家可以比較一下啦﹗)

哈哈哈，依家 WEEKEND唔化妝，我都係用完 UV CREAM就出門口架啦﹗

產品由 SOFINA提供﹗

SOFINA網址: http://web.sofina.com/hk
SOFINA FACEBOOK: https://www.facebook.com/sofina.hk