我是 "阿姝媽"﹗(附: 韓國辣醬炒年糕食譜 -搵笨版﹗)

今朝YAHOO BLOG又壞咗﹗好似每次整返 2個星期就會再壞，SEND 了EMAIL 到佢地的客戶服務，不用 2小時就修好了﹗不過我估我都是要乖乖地搬BLOG，慢慢 BACK UP BLOGGER的一邊﹗不過有成千幾編 BLOGSSSSS，要一編一編 COPY & PASTE，真是好大工程﹗

其 實今日就是想出昨晚的 "韓食"，想不到YAHOO BLOG 先發制人將我的 BLOG轉成韓國版﹗﹗﹗我煮了家庭式石頭鍋飯，同炒年糕﹗另外仲煲了麵豉湯，同沖了柚子SODA﹗第一次炒韓國辣醬年糕，買連醬料的，原來好易整，簡直 是 "零難度"，而且好好味，仲只是 $25﹗大大大推介﹗其實我自己從來都未食過韓國辣醬炒年糕，不過愛吃韓國辣醬炒年糕的妹妹話味道同街買的一樣呢﹗當然唔係因為我叻啦，我都係用現成的醬 汁之嘛，所以大家都要試下呀﹗

就係呢一SET啦﹗

家庭式石頭鍋飯，沒有加雞蛋呢﹗

日本麵豉湯，本想買韓國的麵豉，不過...不想又佔雪櫃啦﹗

韓國辣醬炒年糕

做法:
1.  煲滾一鍋熱水，加入韓國年糕煮大約 6-8分鐘，至年糕浮起，盛起備用。
2. 平底鍋中加入韓國辣醬年糕醬加熱。
3. 加入年糕混合即成﹗

媽媽的感動

HEHEHEH...係唔係估唔到我星期六都會出BLOG呢？
因為發生咗一件事，我一定要即刻記底﹗

有一晚我叫大頭妹唱歌比我聽，佢諗咗一諗唱咗呢首歌:

我愛我的媽媽，媽媽真偉大，
媽媽教我努力，做個好乖乖，
媽媽﹑媽媽，我要做個好乖乖﹗

真係唔係誇張，我聽完之後真係眼眨淚光﹗
平時有咩唔開心﹑有幾攰都好，
聽完都即刻開心晒﹑足滿力量﹗
我真係好想大叫 "我個囡真係好乖呀﹗"。


唔知幾時到小丸子唱歌比我聽呢？

小丸子9個月，大頭妹32個月

上個月好像忘記了寫大頭妹和小丸子的成長日誌﹗我已經忙到忘記自己忘記的地步﹗其實每次寫成長日誌都好開心，因為都會諗下幾個月來發生的事﹗

小 丸子早了3個星期出世，起初的發展好似比較慢，而且當時舊工人姐姐剛剛走了，新工人姐姐未到，我一個人要照顧大頭妹加小丸子，根本完全沒有時間陪小丸子 玩，到 2個月去健康院的時候，護士叫我叫小丸子，佢完全沒有反應，我仲好擔心﹗之後慢慢都catch up返，尤其是體重﹗

小丸子現在 大約24磅，長70CM﹗現在晚上大約11:00睡覺，一覺睡到3:00，之後就大約再瞓到7:00幾起身，然後就食第一餐奶啦 (6oz)﹗有時自己醒咗會自己玩一陣，有時會大力拉我的頭髮 (大頭妹好似無拉人頭髮的...好乖囡)﹗11:00的一餐會食粥，肉的方面，魚﹑雞﹑豬﹑牛﹑三文魚﹑蛋黃都食過，後來睇返先大頭妹9個月之後先試牛﹗ 蔬菜方面，紅蘿蔔﹑南瓜﹑菜心﹑節瓜﹑波菜﹑蕃薯﹑薯仔﹑蕃茄都食過﹗暫時都沒有發現有食物敏感﹗1:00 -2:00 有下午茶 (如果工人姐姐記得的話)，生果方面就試過蘋果﹑水晶梨﹑香蕉﹑提子﹑士多啤梨。零食就試過麵包﹑蔬菜餅同雞蛋餅﹗3:00的一餐食奶，都是6OZ。 6:00再食粥仔，通常都是工人姐姐餵2餐啦﹗以前我會自己餵大頭妹晚餐，依家都要餵大頭妹晚餐，經常感覺對小丸子唔公平呢﹗最後一餐奶在 9:00-10:00食，都是食 6OZ，但有一次...食咗 2支...total 12oz先瞓...食完一支 6oz尖叫﹗

技能: 揮手BYE BYE﹑BYE KISS﹑拍手﹑請請﹑可以扶家俬企一陣/ 行幾步，BB話當中，比較清楚講到媽媽﹑爸爸﹑姐姐﹑家姐﹑街街﹑打打 (唔知係唔係因為大頭妹成日話打佢呢？)

大 頭妹32個月啦﹗自從返咗學之後好似大個咗好多﹗自理能力好咗﹗佢依家係屋企識得自己上洗手間，不過就試過去完洗手間之後，自己爬高攞廁紙，成個撻咗係地 下﹗真係嚇死我﹗因為平時大頭妹都好細膽，份人又好小心，好少會出意外 (touch wood﹗)。最近開始幫大頭妹戒 "夜片"，岩岩開始戒咗 3日﹗其實佢已經有 2個月以上無係片片瀨尿，每朝都丟一條" 乾淨片"，好似好浪費，又唔環保，佢試過朝早 6:00叫醒我同佢去廁所架，所以我估佢都真係完全戒片架啦﹗

返咗學 5個月，開始好少少，不再隔幾曰就病，我都買咗勁多維他命比佢食，等佢抵抗力好啲，又迫佢飲湯，上次煲最最最普遍的紅蘿蔔合掌瓜無花果南北杏湯，佢竟然飲 咗 2大杯﹗仲要是自己話飲多啲的，平時都只是飲得半杯﹗我要繼續努力先得﹗佢依家終於都重返少少有 26磅啦﹗雖然以佢的年紀，佢應該要有 28-30磅先正常﹗慢慢努力啦﹗不過靠工人湊點都唔及自己湊架啦﹗有時買咗幾日的生果，可以原封不動係度，明明比咗時間表佢，叫佢每日tea time要比大頭妹食生果﹗

最得意是佢已經知咩係星期六，日日都問我地係唔係星期六，尤其是天氣凍唔想起身個日，佢就會話 "今日星期六呀﹗瞓多一陣先啦"。HEHEH...原來唔係淨係我地大人想星期六，2歲半的人仔都想要星期六...

呢位小朋友...噚晚又飲 10oz啦﹗飲完 10oz仲喊架﹗

小丸子有少少懶，佢會將個奶樽"磅" 係枕頭，唔好好拎住個奶樽﹗

大頭妹...就仲係 "吹4安"...

哈哈...大家有冇見過咁厚肉的腳板底﹗

小丸子: 有冇人想同我拗手瓜？﹗

一肥一瘦囡

睇電視

出門口返學啦﹗

迪士尼2人遊﹗

星期一阿旺放星期六的補假，大頭妹放學之後，佢地就一齊去迪士尼啦 (媽媽同小丸子都無份去呀﹗)﹗阿旺可能不是一個浪漫的老公，不過佢一定是一個愛惜女兒的好爸爸，難得有一日假期，唔自己休息一下，反而帶個囡去迪士尼，我相信不是太多爸爸做得到 (媽媽可能會多啲)﹗最近係FACEBOOK睇到某某補習天王講到結婚半週年都要送個 H牌手袋比老婆，我仲走去話阿旺唔生性...之前明明應承送個 C牌手袋比我，最後只有一個銀包...忽然我覺得我用一個手袋去衡量我老公...真係太膚淺啦﹗HEHEHEH...老公﹗我唔用個手袋去衡量你對我的愛...不過個 C牌手袋...我仲要架﹗你快啲蓄錢呀﹗                                   

出發啦﹗其實由太古坐地鐡去迪士尼，都只是大約1個鐘多少少﹗

今次醒啦﹗係車瞓咗先﹗


到啦﹗嘩﹗原來爸爸幫大頭妹帶埋太陽眼鏡去戴﹗(我仍然覺得我今次剪大頭妹的前陰重手咗﹗)

上次入去發高燒都沒有氣力玩，今次好好多啦﹗

自己走來走去﹗

阿旺話呢個位影相好靚﹗

都真係唔係太多人﹗

今次有多少少時間玩啦﹗玩坐船﹗大頭妹返屋企都有同我講。

爸爸見到爆谷即刻買比大頭妹食...點知大頭妹食咗一粒就唔食...

大頭妹有睇 TOY STORY，好鍾意巴斯光年架﹗

大家見唔見到大頭妹自己行咗去﹗阿旺話等小丸子都識行...2個一齊跑的時候就大鑊啦﹗

今次睇埋米奇 4D先走﹗

玩到 7:30就走...阿旺話怕睇完煙花會太多人﹗

呀﹗其實我留意到好耐架啦﹗唔知點解阿旺會幫大頭妹將對襪著係 leggings出面？﹗唔通最近 "興" 咁著？﹗爸爸的 TASTE真係特別﹗

購物狂媽咪

做了媽媽之後，的確買少了衫比自己，但唔代表買少咗洗少咗﹗HAHAH...不得不承認，生女真是好易破產﹗其實自己都開了ONLINE SHOP代購美國的童裝，但是...成日行街/ 上網的時候，都會忍唔住再買野﹗年尾大減價實在太吸引啦﹗我竟然去了GAP SHOPPING，簡直是倒自己米﹗之前在日本代購的facebook見到有 "小丸子書包" 的大減價﹗原價 $3000，現特價 $700﹗明知大頭妹要3年後先有得用，都忍唔住買咗﹗HEHEHEH...芝士餅媽都買咗﹗HEHEH...唔好講咁多，一於去相啦﹗

自己細個好恨有一個﹗

(COPY自日本代購的FACEBOOK，因為大頭妹個書包有膠袋包住，影唔到外面﹗

自己無得用，買一個比大頭妹都好...其實想買埋比小丸子...不過要等 6年後用，好似真是太誇張啦﹗

連日來去了 GAP幾次 SHOPPING，因為有 ADDITIONAL 30% OFF呀﹗

呢條 3T的牛仔褲，特價後只是 $70﹗

呢頂LEOPARD HAT只是 $40。

買了一條紅色牛仔褲比小丸子新年著，只是 $100﹗﹗﹗

呢件大褸超級拭，50% WOOL原價 $478，依家 $140 咋﹗

買了 90碼...比小丸子的，但大頭妹都岩著﹗

小丸子個大肚腩，著18-24M都少少緊﹗OMG﹗

其實...大頭妹上年夏天仲著緊的牛仔褲，大部份小丸子已經唔岩著...買褲比佢地 2姐妹真是好頭痛，一個買 2T先上到個PAT PAT但太長，一個買 2T先夠長，但就鬆到甩褲﹗

睇下坐係度時個肚腩﹗

仲有新年的新衫...2姐妹都是著 24m...可以交換著啦﹗

大頭妹的﹗我比較喜歡客人訂了的紅色...不過因為已經買了紅色的外套，所以揀了粉紅色﹗

小丸子的﹗(其實是紅色啦﹗手機出來的顏色差很遠...)

大頭妹/ 小丸子的﹗

小丸子的﹗

最近ONLINE SHOP代訂英國的被被熊仔 (仲有兔仔)，不過岩岩就是個BLOG壞咗個幾日做﹗真是可惜﹗

可以繡名架﹗放係車仔出入商場的時候用真係VERY GOOD﹗