是日便當：洋蔥豬扒 蒜蓉白菜 （附洋蔥豬扒食譜）

洋蔥豬扒


蒜蓉白菜


材料：

• 豬扒 4塊
• 洋蔥半個

醃料：

• 豉油 1tbsp
• 薑蓉、蒜蓉 少少 （有蔥白更好）
• 清酒 1tbsp
• 糖 1/2tsp
• 胡椒粉 少少
• 麻油 1/2tsp
• 粟粉 1tsp
• 水 適量

洋蔥汁：

• 水 100ml
• 豉油 2tbsp
• 糖 1tbsp 
• 茄汁 1tbsp
• 李派林喼汁 1tsp （無就加多少少茄汁）

隅田川咖啡 x Tiramisu (附食譜）

最近見大家都追星，其實我都有追星，追的是肖戰！因為追星，買代言再努力做宣傳😂，今次的Tiramisu 其實都是宣傳之一，因為用了代言產品，但香港應該沒有，所以以下的食譜是正常版！

登登⋯⋯香港認識他的可能不是太多，但他真的完全長在我的審美點上！超級超級靚仔！183.6cm高，完美身材！

今次食譜用的就是這款咖啡液。


有無糖/ 微糖，直接加入牛奶就是牛奶咖啡。


原產國是日本。


中年追星不丟臉😂😂😂，6月份的某天，專登到旺角打卡！好啦！因為他是Tods代言人，所以之後我都會出一個穿搭blog，久違了的靚太日誌！

好啦好啦！講返Tiramisu，其實好容易做，而且方法好多，香港常見的是蛋糕狀，我今次做的是介乎港版與意大利版之間，最重要是外表又靚，又好味啦！我N年前跟日本老師學的！

Tiramisu 食譜

材料：

Mascarpone 250g

蛋黃 2

蛋白 2

糖 35g

魚膠粉 2-5g （如不是做蛋糕，可省略）

水 少許 （溶魚膠粉用）

咖啡粉 3g

熱水 50ml

咖啡酒 50ml

橙酒 5ml

杏仁酒 15ml

(全部水份120ml，如加酒就減少水，全部要用完，否則手指餅不夠軟身）

手指餅 100g (10條）

可可粉 （裝飾用）

雜莓 （裝飾用 optional)

做法：

1. 咖啡粉加入熱水、咖啡酒、橙酒備用

2. 手指餅浸入咖啡至半濕，有糖的一面向面，鋪在盤底備用

3. Mascarpone攪滑，加入蛋黃拌勻

4. 蛋白加至起泡，分3次加入糖，打至企身

5. 魚膠片先用水浸軟，再用水開溶

6. 蛋白（步驟4）分3次加入芝士漿（步驟3），最後加入魚膠溶液拌勻

7. 將芝士漿（6）倒入已鋪手指餅的盤（2），放入雪櫃雪2小時

8.食用前以朱古力粉/ 雜莓

我加了1片魚膠片（大約是2.5g魚膠粉），所以texture又不會是完全企身，但又不會好似一些意大利餐廳的比較流質，就是介乎兩者之間。


如果想做成蛋糕狀，這個食譜可用於6寸圓形蛋糕模，但魚膠粉就要用到 6g啦！

醉鮑魚醉流心蛋（附食譜）

某日行完City Super，再行百佳都見到醉鮑魚，一小樽不知道有沒有10隻就賣$700多！然後行到賣海鮮的檔口，因為放工時間，一碟6隻鮑魚$60，兩碟只要$90，即刻買返屋企試試！當然鮑魚有不同，如果大家想吃好一點，南非鮑魚一斤$180-220有6隻。

第一次整大成功！真是超級好味！


流心蛋是出自阿旺手筆！


某日的宵夜！


其實材料好簡單，就是糟鹵、花雕、杞子圓肉。


煮鮑魚我通常水連鮑魚一齊落，滾水落一下子收縮會韌。


臨時臨急沒有買樽，就放進玻璃的密實盒。

材料：

鮑魚12隻

花雕 250ml

糟鹵 250ml

冰糖 1湯匙

杞子 1湯匙

圓肉 1湯匙

做法：

1. 先洗刷鮑魚，但唔洗去內臟（沙袋），新鮮的時候容易界手。

2. 凍水落鮑魚，水滾後轉中細火煲7-10分鐘，視乎鮑魚大小，起肉去腸和嘴，再輕輕清洗多一次。

3. 將花雕酒、冰糖、杞子及圓肉加熱至冰糖溶解，再倒入糟鹵放涼。

4. 將鮑魚放入玻璃樽/盒內，倒入已放涼的汁料，放入雪櫃浸泡1晚至入味。

星期日出山（南乳雞翼、芝士雞肉餅、炒菜心）

最近『學校飯盒』鬧得滿城風雨，其中好深刻...有個 facebook page 講到，啲媽媽小朋友 bb時，就咩都organic...何解上到小學比佢地食 $17個隔夜飯盒?﹗哈哈哈﹗又真係喎﹗其實大頭妹時我緊張啲，真係又organic，又日本蔬果，後來因為福島事故，無再一定要食日本的菜，到依家其實我連我工人每日下午煮咩比 2個女食，我都唔係好知。但又好衰唔衰，咁岩我暑假時問過2次，1次是『粟米湯』撈飯...無肉無菜，就係罐頭粟米湯同飯，有一日就食隔夜節瓜加午餐肉，真是嬲到震﹗又後我叫老公轉由每次比 $500，變每日 $200咁比，每日問下工人下午煮咩比兩個女食﹗

其實我自己就一早都是預比大頭妹帶飯，佢地學校一至三年級都是半日，明年四年級先全日，所以打算由依家起，星期日就試下菜，睇下有咩岩帶返學校食，又岩大頭妹的口味﹗今日先試『芝士雞肉餅』，是以前跟日本老師學，日本人一向食凍便當，佢地會比較了解咩食材放涼咗都好味﹗

上面是買街現成的，芋頭肉餅，下面是我新鮮整的芝士雞肉餅﹗

其實熱至暖食時，芝士是流心的﹗


今次是 apita 買免治雞肉，用的是雞胸肉，阿旺話可以加啲雞腿肉，但其實就是因為要試凍食效果先要用雞胸肉，雞腿肉脂肪比較多，熱食時一定好味過雞胸肉，但凍食時，雞胸肉反而會比教好﹗加入咗一個蛋黃，其實一定唔會『鞋』，不過又一定唔會好似雞腿肉咁 juicy﹗ 醃料都是簡單的豉油﹑糖﹑胡椒﹗


我今次整 4件，用一片芝士都夠，其實加唔加都可以，加其他配料亦可以，好似紅蘿蔔﹑豆渣，都可以﹗


試下帶飯的份量﹗


另外煮咗南乳雞翼，好耐無煮過比阿旺食﹗以前是佢NO. 1最愛﹗


之前的BLOG應該有食譜，唔打多次啦﹗

之前買咗呢包，因為想星期日煮返飯，想睇下有冇啲簡單方便，阿旺話星期日可以煮啲複雜啲，但我成日覺得煮得太複雜，一定唔長遠...其實大頭妹2年級後，我星期日都好似無煮過飯了﹗5隻手指應該數得晒﹗


煮完飯的一刻，自己不得不讚下自己，個廚房幾乾淨，想當年練咗好耐先練到呢個效果﹗我今次是先煎雞肉餅再煎雞翼，煎雞翼時就洗晒之前醃雞翼﹑雞肉餅的碗碟，到最後炒菜時就洗埋個煎PAN，煮完菜就係得炒菜個鑊﹗當年姑媽話煮婦要做到呢個效果﹗唔係一陣一次過洗時又辛苦，又花時間﹗


今個星期又要PLAN 下星期日煮咩啦﹗

小兒健脾湯水: 粟米紅蘿蔔淮山蓮子鵪鶉豬展湯 (附食譜)

最近為咗大頭妹的體重都幾頭痛，我記得佢 4歲返健康院檢眼的時候就有問過護士，大頭妹的體重合唔合格？﹗當時大頭妹大約是 32磅，應該是成長線的 3%，護士話佢一直都是 3 - 10%線，無話突然由 97% 線跌落嚟，都唔係太大問題，如果我擔心可以再約時間見醫生。

如事者到依家 7歲，大頭妹一直都是偏瘦偏細粒我是知道，但這3年來好似都無重過，依家都是得個 35 - 37磅，好似唔識大咁，好彩就都仲有高，但無重到，仲要拉高咗，望落就真是越來越瘦﹗

周圍問下人有咩增肥方法，其實我已經唔敢比大頭妹介奶，佢到依家都是早晚各一包 125ml 奶/ 朱古力奶。另外，就是多啲湯水﹗之前湊大頭妹的 AMY婆婆其實叫過我地煲下鵪鶉，不過好難買，最近見到有急凍的都試下啦﹗鵪鶉蛋白質、維他命﹑鐵都比雞肉高，而脂肪含量﹑膽固醇都少過雞肉，所以好適合補身﹗
 
粟米紅蘿蔔淮山蓮子鵪鶉豬展
材料:
粟米﹑紅蘿蔔 各1條
准山 4-5片
茨實 2湯匙
蓮子 2湯匙
紅棗3粒
蜜棗 2粒
豬展 $30 - 40
鵪鶉 1隻

做法:
1. 豬展﹑鵪鶉飛水備用，藥材洗淨，浸30分鐘。
2. 煲滾  3公升水，將所有材料放入，大火煲滾之後用小火煲 1.5 -2小時。
3. 下鹽調味。


今次成功喎﹗平時大頸妹好多湯都唔飲，今次話好好飲，即刻谷佢飲返 2碗﹗


鵪鶉係上次係 FOODWISE 入貨，好抵 $58有 2隻，我今次落咗一隻，再加豬展，啖湯真是超甜﹗岩岩上網睇依家做 $48.9/ 2隻﹗就算再加 $30-40肉，都仲平過煲雞，又無雞咁燥﹗

 

係 AEON 都見到，就貴少少。

 大家 LIKE 咗我個 FACEBOOK PAGE未呀？﹗未就快啲 LIKE啦﹗

結婚週年晚餐@20151213 (附忌廉蘑菇湯食譜)

2015-12-13 (星期日)

結婚週年的正日，留返係屋企慶祝﹗眨下眼同阿旺就結婚 8年？﹗唔係應該講下啲肉麻野？﹗什麼好似初相識時咁愛對方，多謝咁多年來的照顧？﹗哈哈﹗老實講...近年真是將心機放晒係 2個囡，都好少 2人世界，原本今年想出去慶祝，有諗過去迪士尼酒店住一晚，又有諗過去澳門，不過因為工人姐姐突然辭職，最近真是身心俱疲。

阿旺又開始讀書，老實講...我好怕佢讀書，一星期返 2晚學，我就已經要自己頂 2晚 1打 2 (就算有工人，我係屋企 2個囡係唔比工人掂，尤其是小丸子)，讀書唔多唔少都有啲壓力，平時好好 eq 的阿旺，又會變得好燥。唉﹗不過搵食艱難，仲要捱多 2年先讀完﹗


好耐無出過食譜，發現自己好似無寫過蘑菇湯，今次我用咗 "牛肝菌"，所以寫下啦﹗

忌廉蘑菇湯
材料: 白蘑菇 1盒/ 啡蘑菇 1盒/ 牛肝菌 30g/ 洋蔥 半個/ 雞湯 適量/ 忌廉 3湯匙/花雕酒 2湯匙/ 蒜蓉 2瓣

做法:
1.  洋蔥切絲，蘑菇切片/ 粒，牛肝菌先用水浸15-30分鐘 (記得要留返啲水呀﹗)
2. 鍋中加入牛油 (1湯匙) 先炒洋蔥至軟身，加入蘑菇片炒至收水 (炒蘑菇是會出水的)
3. 再加入蒜蓉﹑牛肝菌略炒，可以加少少酒 (花雕都ok架啦﹗)
4. 等酒精揮發之後，加入浸牛肝菌的水，雞湯加至浸過所有材料的高度，一般都唔會多過 1盒 1L裝，中火煲 15分鐘，調味 (其實用咗雞湯就唔洗加鹽，加少少胡椒粉就OK)，熄火，待涼 (又唔洗凍晒，又唔好太熱囉)
 5.  用手提式攪拌器打蓉蘑菇，再加熱，滾起就可以再加入忌廉啦﹗

步驟 2:

步驟 4:

步驟 5:

慶祝結婚週年買塊靚少少的扒，不過其實都是 $200幾，其實食扒真是係屋企食抵食﹗

影下阿旺煎扒個樣...

$200幾...又真是唔同啲喎﹗好味過平時 $70幾既好多﹗

阿旺的 MEDIUM

我的 MEDIUM DONE。

佢仲預備咗羊扒比自己﹗

我叫佢買栗子蛋糕，我要三角形個啲...點解會變成咁...佢話呢個都是三角形，我話呢件是 tart...根本唔係蛋糕...

大家LIKE咗我地個 FACEBOOK PAGE 未呀？未就快啲 LIKE 啦﹗