26週﹗第2次健康院檢查﹗

2012年2月2日 (星期四)

今日返健康院檢查，由於時間尷尷尬尬，都沒有叫阿旺請假陪我，自己一個返去﹗其實有少少因為內疚，上次同大頭妹同一個星期要返健康院，阿旺2選1，選擇了陪我去健康院，我知道之後，又因為時間太趕不可以請假，最後只有工人姐姐帶大頭妹去健康院打針﹗我個心真是好唔舒服，我知我比好大壓力自己要做一個好媽媽，壓力大到有時令阿旺都好辛苦，不過我都一定會堅持的 ﹗

不 經不覺已經26週3日，重54.1KG，其他一切正常﹗等了差不多1個多小時才見到護士，護士問我有沒有腳腫，其實我都覺得開始有少少，護士睇完話無。不 過佢反而話我對鞋太平底，原來著半寸至1寸 "粗跟" 鞋是最好的﹗對腰骨同水腫都好﹗HEHEH...是不是比多一個藉口我去買鞋...不過我對 "粗跟" 無興趣﹗

陀細B的胃口不是很好，所以今次護士讚我體重升得好理想，用算式計我應該要重 6KG，我重了6.1KG。上次陀大頭妹，次次見護士都比護士鬧我重得太快﹗

之 後護士問我有沒有其他問題/ 不適，我問護士其實我現在可不可以抱大頭妹呢？﹗護士話如果不怕傷腰骨，其實沒有不可，沒有什麼迫壓子宮的問題，佢仲話以前生10個8個的年代，陀1個﹑ 揹1個﹑抱1個都是這樣過，不過現在大部份人都有工人姐姐幫手，老公又比從前更加願意幫忙，不用抱就不用抱囉﹗咁我都放心少少﹗

之後再等叫名見另一個護士 "摸肚" 同 "聽胎心" ，都是一切正常﹗

下一次再覆診就要飲糖水啦﹗即是要抽 2次血﹗﹗﹗我最怕就是抽血﹗﹗﹗

細B@ 26週


大頭妹@ 26週


好似今次個肚大少少，不過睇返體重同肚圍都是差不多，上次26週比醫生叫食少啲，所以比之前2個星期瘦了2磅，去到 116-117LBS，今次就120磅，肚圍都是大約33寸﹗

第一次影到細B的胎動，請留意1:45-1:50秒﹗