上上星期六，阿旺好朋友結婚要做伴郎，工人姐姐放農曆新年的補假，得返我一個同大頭妹 "單打獨鬥"。雖然平時我放工都全部時間比晒大頭妹，但同全日自己湊，又完全兩回事﹗平時起碼不用替她洗白白，又不用餵飯﹗今次要早上帶大頭妹上 PLAYGROUP，之後夜晚仲要帶她匯合阿旺去飲宴﹗﹗﹗湊完一日，好佩服全職媽媽
﹗說真的﹗﹗﹗之前4次PLAYGROUP，都是阿旺同大頭妹上﹗我都是第一次同大頭妹上幼稚園的PLAYGROUP，所以都好期待，都好想幼稚園的PLAYGROUP同之前的有什麼分別﹗其實原來都幾大分別﹗﹗﹗
幼 稚園的PLAYGROUP，好似濃縮的幼稚園課堂，一開始有 15分鐘自由時間四圍玩，集合之後唱2-3首歌同跳舞﹗之後就入課室洗手﹑點名，點完名就開始上堂啦﹗真的上堂呀﹗首先是英文課，老師拿著一本大的圖書介 紹春天，有蝴蝶﹑蜜蜂﹑毛蟲﹑小白兔﹑雀仔﹑樹﹑花 ﹗之後做小手工，做一條顏色+數字的毛蟲，中間會講一下顏色同數字，大頭妹都有少少概念，仲有幫手穿毛蟲﹗之後分開2邊，一邊繼續做手工，另一邊就上普通 話課﹗都是春天，花﹑草﹑蝴蝶...老師會比花﹑草﹑蝴蝶小朋友貼出壁報。大頭妹不是太主動，老師好有耐心，拖住大頭妹叫她出去貼好，其他小朋友都能夠自 己完成﹗之後我地又再做手工，要做一朵花，大頭妹都有幫手搽膠水同貼﹗最後就是茶點時間，今次食粟米肉碎粥同提子，食完小朋友在大人的協助之下收拾食具﹗ 我覺得都幾好，可以訓練一下小朋友紀律﹗我見大頭妹最近收拾玩具的時候都會講 "AWAY﹑AWAY" ，好可愛
(又自己讚自己個囡)﹗可 能太耐無上PLAYGROUP啦﹗大頭妹上堂要用好多精神 (佢好留心架﹗)﹗坐完地鐡落車已經唔想自己行，要我一邊行一邊拉，又不停比手示意叫我抱，上扶手電梯的時候一抱上手就瞓咗 (勁無奈)﹗之後仲要去美心買個飯盒，未返到屋企樓下我已經頂唔順，要係公園仔坐一坐，一返到屋企丟大頭妹落梳化...佢可以無晒反應...繼續瞓﹗我就 安安靜靜食飯﹗
第一次著媽媽用了六年時間才完成的溫暖牌﹗
在幼稚園的PLAYGROUND玩樂中﹗
好忙咁四圍走﹗
比媽媽丟落梳化都無反應﹗
另一邊廂的阿旺...竟然撞到呔媽﹑呔仔同細細﹗
夜晚同大頭妹坐的士去跑馬地馬場飲宴﹗
沒有留言:
張貼留言