產後檢查SSS

今次陀小丸子真是問題多多，第二十八週的時候驗到有妊娠糖尿，生的時候又突然發現有妊娠毒血症，所以產後都要做勁多檢查。

上上星期四返瑪麗抽血驗妊娠毒血，星期二返去睇報告，同做產後驗查。好好彩，肝同腎的功能都回復正常。其實最初都少少擔心，如果有問題，都幾長手尾，有可能要長期食藥。依家總算放下心頭大石的一石。

上星期五襯工人last day，去做埋妊娠糖尿檢查，同之前醫院的有少少分別，要抽三次血，飲糖水前一次，飲完一小時後一次，飲完兩小時後又一次！今次真的感受到瑪麗醫院的體貼，原來杯糖水加咗檸檬，真是易飲好多！今次去診所做，杯糖水真是好難飲！星期六就有報告，好好好好彩...都PASS，一切回復正常﹗去拎報告的時候都有少少驚...我咁鍾意食甜，如果有糖尿，以後要戒甜...真是無晒人生意義﹗

呢部就是CHECK血糖機﹗可以同佢講BYE BYE啦﹗

拮手指筆，因為我買機，是筆狀的﹗

針...

 

試紙﹗


除了產後檢查，上上星期六去ST PAUL睇醫生的時候，因為發燒2星期，醫生建議我抽血檢查，結果一星期抽3次血﹗點知一抽完血個日就退燒，無啦啦洗咗 $1000﹗好肉赤﹗希望經過呢3次的檢查，之後都身體健康啦﹗