我有熱氣？﹗

岩岩係清熱酷FACEBOOK玩咗個最熱氣朋友大測試，可以去7-11平5蚊換支裝的清熱酷，即刻去換返支比阿旺試下 ﹗大家有興趣想以至抵價換返支清熱酷可以去佢地的FB PAGE登記，只是填自己的姓名﹑電話同電郵就可以﹗

其實最近都無時間煲涼茶比阿旺飲﹗之前一兩個星期都會自己煲一次的...工人姐姐走咗，自己一個湊兩個，仲邊有咁多時間吖﹗佢成日都夜瞓，最近晚晚睇"三國" 睇到12點幾﹗睇波又狂食花生薯片個啲熱氣零食﹗依家又要同大頭妹瞓 (我同小丸子瞓)，本來大頭妹都一晚瞓天光架啦，點知自從上次病完之後，最近晚晚都"喪咳" ﹗攪到大家都冇覺好瞓 ﹗阿旺終於出咗粒"大孖雞" 係耳仔下邊﹗

我鍾意綠涼茶多啲﹗HEHEH...無苦味岩晒怕苦的我﹗
 

一支350ML都是得15G的糖﹗仲加咗VITAMIN C﹗
 

睇返佢的成份 (HEHEH...自從做咗媽咪之後，好著重食物的成份﹗)，草本檸檬清熱酷的主要成份是檸檬汁，再配菊花﹑金銀花同白茅根，所以完全無傳統涼茶的苦味，味道似檸檬茶味﹗另一隻綠涼茶清熱酷的主要成份是綠茶﹑白茶，再配羅漢果﹑金銀花﹑菊花同甘草﹗味道清清地，似一般的蜂蜜綠茶﹗

留言(1) | 引用(0)

祝我生日快樂﹗

Athena & Joe | 4th Jul 2012 | 我的日誌 | (2 Reads)

今日是我的牛一﹗不過話時話...點解生日叫牛一呢？有冇人可以話比我知？﹗HEHEHE...唔知會唔會有生日禮物呢？﹗(結果是...無嘅﹗)。

湊住2個囡...即是唔洗出街慶祝啦﹗(因為阿旺好怕麻煩) 。點知我今日下午打比佢問佢今晚食咩...佢竟然答我...粟米湯加午餐肉﹗﹗﹗佢是認真架﹗﹗﹗因為先幾日打風，我講過我想食，細個一打風，我嫲嫲就煮呢2樣野，而呢2個野都係我的最愛﹗唉...之後我問佢 "吓...我生日食呢啲？﹗"，佢先話去吉之島買牛扒﹗

真係得牛扒囉﹗佢話車厘茄好貴又唔靚，要食蛋糕所以唔食薯蓉...

好彩...都有個ZOE蛋糕...仲要寫咗我個名的...即是佢冇唔記得我生日﹗

影返幅全家福﹗

大頭妹好識食...上次COVA蛋糕食...美心唔食...今次ZOE又食﹗

肯自己食...即是好好味﹗

食得幾滋味？﹗

問阿旺是咩蛋糕...佢已經唔記得咗﹗我食到有HAZEL NUT味﹗
阿旺一個人食咗半個，之後話個蛋糕好"濟"﹗