阿妹生日飯@20150606 (附蕃茄蜆意粉食譜)

HEHEHE...出返個 COOKING BLOG﹗自從有咗 2個囡之後，真是少咗好多入廚，COOKING BLOG 就更加少，煮來煮去都是個幾款，無理由次次煮完都出 BLOG架嘛﹗今日其實都唔係煮咩新野，不過好似無出過食譜，所以可以寫下啦﹗

問咗阿妹想食咩，佢話想食意粉，諗起好耐都無食過蜆意粉啦﹗心思思又想煮﹗不過其實我好怕煮蜆，唔係季節的時候，加上自己唔識揀，好怕買完返嚟好多都係死，就算唔死，唔新鮮都唔好食啦﹗不過生日...又無理由食 "忌廉蘑菪長通粉" 嘛﹗好似好無誠意 (不過又包好食喎)，所以好矛盾﹗最後都是蜆意粉勝出﹗

因為怕蜆唔靚，買咗 2款唔同的蜆，花甲同大蜆﹗每樣 1斤，其實唔洗咁多，所以多咗嘅就清酒煮﹗提外話: 買蜆的時候問個阿姐咩蜆靚，佢話樣樣都靚﹗我心諗 $28斤的沙白同 $68斤的大蜆會無分別，我唔記得當時我答佢咩﹗不過下次唔會再幫襯囉﹗

唔煮蘑菇通粉，不過煲咗蘑菇湯﹗

另外係 AEON 買咗少少刺身﹗

蕃茄蜆意粉

材料: 蜆 (蜆/ 沙白/ 花甲 都OK)/ 意大利蕃茄罐頭 1罐/ 新鮮車厘茄 1盒/ 意粉 半包

做法: 1. 預先準備好蕃茄醬，我今次唔係買現成意粉醬，係買大利蕃茄罐頭再自己煮，當然 100%用晒新鮮車厘茄都得，不過要煮好耐囉﹗

小鍋入面加入少少 OLIVE OIL，加入蒜蓉/ 片，有香味就可以加入蕃茄醬啦﹗中火煮大約 10分鐘後可以加入車厘茄，再煮 10-15分鐘至杰身﹗煮的時候要加糖，而且都要加幾多，因為個蕃茄醬都幾酸，不過就唔好加太多鹽，因為之後會加蜆，有時啲蜆都好咸﹗

2. 用平底鍋煮蜆，開口就可以拎起先﹗

3.蜆全部拎起，加入蕃茄醬加熱 (如果你好似我咁一早就煮定個蕃茄醬先)，再加入蜆，再調味 (呢時都唔夠咸先加鹽，通常都唔洗點加)﹗加入意粉混合好就OK了﹗

我今次的車厘茄分咗 2次落，有啲係加蜆之前先落，咁食的時候，就仲有粒粒車厘茄食啦﹗

HEHEH...大家 LIKE 咗我地的 FACEBOOK PAGE 未呀？未就快啲 LIKE 啦﹗