2017年10月4日 星期三

新派迷你倉概念【Yellow Box】安全﹑方便﹑舒適


暑假既時候,唔洗處理 2個女既功課,我終於有時間執下間屋,情況都相當慘烈﹗﹗﹗

點解我會用慘烈嚟形容,大家睇下我間屋張相,就應該會明白﹗好多野其實可能已經無用,好似兩個女既玩具,但又唔舒得掉,有啲又唔掉得,好似大頭妹啲書,要留返比小丸子,讀完一年級已經多到唔知放邊好?﹗我都想買多個櫃放好啲野,但個櫃又可以放邊?﹗間屋就係咁大,除非有錢換大啲間屋啦﹗﹗﹗做人都係要面對『現實』,短時間內無可能有錢換樓啦,唯有考慮『迷你倉』啦﹗﹗﹗

之前屋企附近的工廈都有好多選擇,不過因為消防條例收緊咗,好多都做唔住,或者加咗好多價。朋友介紹我睇 Yellow Box『新派迷你倉』, 特點是:不設間隔,只准員工進入﹑設有24小時CCTV錄影﹑智能保安系統﹑設有空調設備,防止霉菌滋生。每個租戶都會有張門卡,只需要提前 1日預約,就可以24小時自助存取,十分方便。收費都好合理,10呎的倉,約闊3.3呎 , 深3呎, 高5.9呎,月費都是 $530。

哈哈...我間屋﹗其實 2人世界時,我地間屋好整齊架﹗

比我掉咗佢心愛的玩具,喊得好可憐。其實我掉之前有問佢架,佢掛住睇電視,咩都答我 OK之嘛﹗之後見到無咗盒玩具又喊﹗

Yellow Box 柴灣的倉


設計上同傳統迷你倉好唔同,傳統迷你倉大多比較窄,有時會好似迷宮咁,客人通常都只能係自己倉入面,或者係走廊位搵自己嘅物件同埋重新包裝,但新派迷你倉 Yellow Box 利用到嘅「公共」空間就比較大,仲有冷氣開放,客人將物件入倉或出倉嘅空間大左,意外都會少一點。


點解 Yellow Box 可以做到一個比較大嘅公共空間比客人?因為係呢度嘅「倉」其實係可以移動的。當 Yellow Box 收到客人通知,佢地就會將客人嘅倉移動到其中一個出入口,之後佢地會通知客人,而客人就可以去到該出入口提或存物件,將傳統迷你倉嘅走廊合併變成一個比較大嘅公共空間比客人使用。我聽完之後問原理係唔係好似『怪獸公司』啲門咁,可以去唔同的房﹗

如果要儲存的物品唔好,其實都可以考慮迷你箱﹗標準箱 (上) 60cm(L) X 40cm(W) X 31.5cm(H),每月都只是 $42。

係公共空間仲有兩張檯,方便整理個人物品。

24小時CCTV,客人可以睇到公共空間嘅內外情況。

員工辦工室。

如果想知多啲,可以去返佢地網頁睇下架﹗Yellow Box : http://yellowbox.com.hk/new_style_storage.html

沒有留言:

張貼留言

Related Posts Plugin for WordPress, Blogger...