2018年3月1日 星期四

新工作

最近真是好少寫BLOG,寫咗 BLOG又無 UPDATE Facebook,尤其一啲唔想比太多人知的事,hahah…好似好矛盾唔想人知又寫 BLOG其實想當年寫BLOG 都無諗過會有咁多人睇,寫BLOG真是想記低自己的生活,比自己之後睇返,依家有時自己睇返都覺得時間真是過得好快,都寫咗 10 BLOG有多﹗

其實我最近轉咗工,係 BLOG好少講自己工作,畢竟我唔太重視私隱,又唔代表我老闆唔重視,所以好少提工作,尤其我地做小秘,老闆的 PRIVACY 永遠是第1﹗今次要離開自己工作咗 10年的公司,其實都有少少唔捨得,始終份工比我好大自由,又有時間寫下 BLOG,又有時間湊下女。不過老闆都差不多退休,我自己都要為自己打算一下,所以上年暑假後就開始搵工,點知可能大頭妹習慣我早放工,有一排放工成日要去見工,佢好似個人遊晒雲,所以我又停咗一陣,無自己搵,搵咗個 AGENT 幫我搵,個 AGENT 都唔錯喎,介紹咗 2份比我,一份有 SECOND IN,見完忽然話唔請秘書,都係請 PROJECT COORDINATOR,之後另一份就見成咗啦﹗


新工作都係小秘再加少少行政,終於都返返中環,唔洗再做山頂OL啦﹗




星期五有得 FRIDAY CAUSAL﹗



返工之前專登買咗啲新衫﹗OH...日本減價真是好吸引﹗



哈哈,講住咁多先!

2 則留言:

Related Posts Plugin for WordPress, Blogger...