2014年12月9日 星期二

大頭妹試堂@Dr I Kids - Dr Kids™ Phonics 英語拼音課程


2014年10月26日 (星期六)

今日我應邀帶大頭妹到 DR I-KIDS 試堂﹗佢地最近在北角的 『馬寶學林』開了新的 centre,地點就在大頭妹幼稚園的附近,北角地鐡站 A出口一出轉左行前幾步就是了﹗

今次的試堂是 Dr Kids™ Phonics & Phonetics 英語拼音課程,是 DR I-KIDS 的王牌課程之一﹗Dr Kids™ Phonics & Phonetics 課程分 3個 level,分別是 Walker (3-5歲)/ Jogger (5-12歲)/ Runner (5-12歲),主要是根據小朋友的年齡和英文程度分班的,我問過老師,其實2歲幾可以自己上堂就可以上,大頭妹試堂當日都有一個 2歲幾 3歲的小朋友,見佢都真是答到老師的問題,現在的小朋友,真是不可以睇小﹗﹗﹗今次大頭妹上的就是 Walker Level,即是入門班啦﹗

其實睇開我的 blog都知大頭妹有上開 phonics,大頭妹幼稚園都有教 phonics,所以好多人都會問我點解仲比大頭妹上 phonics 呢?﹗答案好簡單因為真是有用囉﹗我見大頭妹真是識好多生字,有時同佢行街,見到路牌,佢都會讀得出地方名 e.g. Kowloon, Sunny bay,我真是唔知學校係唔係有教,不過我就一定無教過佢﹗見佢睇故事書的時候,佢又會試自己拼讀生字﹗最近佢仲自己開始串字,當然都是好基本的 cat, dog, car, tree 之類,我同佢玩老師遊戲的時候試下考下佢 (hahha...我扮學生叫佢教我同小丸子寸生字),點知佢真是識自己串﹗

學校有教再出去學的原因就是當 "補習",老實講...你想自己小朋友上堂時老師問問題佢十問九唔識,定大部份都識答?﹗呢點...我承認我有少少"怪獸"﹗當初幫大頭妹揀國際班時無考慮過原來好多同學係屋企都是全英文,K1第一個學期,見家長的時候,老師叫我地返屋企要溫習下,之後我地就開始上 phonics,每晚我又同佢溫返佢本中文書,終於 K1 下學期有進步獎 (HAHAHAH...講過好多次啦)﹗

 好啦﹗講返當日試堂先啦﹗

 一早去到 Dr I-Kids 的 centre 就好開心﹗因為佢地見到...

Dr I-Kids的吉祥物 - 博博熊﹗


佢地惜咗隻公仔幾啖...


一入門口是 reception area,入面有 2個課室﹗


門口有幾張櫈仔,小朋友等上堂前可以坐下,家長等小朋友上堂時又可以坐下﹗

這個是比大少少的小朋友上堂的課室﹗Dr I-Kids另有小學/ 中學的課程﹗

這個是小朋友課室,由外籍老師任教,一般是 3-6人一班,唔會多過 6個小朋友,確保每個小朋友都有足夠的 attention﹗

小朋友的班房會比較 colourful﹗

一開始是唱歌時間,會唱 PHONICS SONGS,不同字母有自己的 PHONICS SONG,唱下歌熱熱身,等小朋友更快更易投入﹗不過一開始我無入課室,以免影響小朋友集中精神上堂﹗

 之後就是課堂時間,同大頭妹上開的 phonics class 唔同,呢度一堂會教幾個英文字母﹗

佢地亦特別會教 initial sound 同 final sounds,即是同一個字母,放係字頭同字尾的不同發音﹗例如好似 mom,因為 initial sound 同 final sound都是 m,佢就唔會發 "ma" 音。另外就是佢地的課程會教埋 phonetics,咁是 exceptional case的情況下,小朋友就可以用 phonetics 去發音,我細個都是學 phonetics 的,當時 phonics 無咁流行,都是名校先有教﹗

睇下佢地的上堂情況﹗佢地都 welcome 家長係門口睇,我地試堂,我就有得入埋去睇囉﹗其實我都好想知大頭妹的學習情況架﹗依家大個囡,已經無上親子班啦嘛﹗


 之後就是遊戲時間,用 flash card玩遊戲,透過遊戲增強小朋友的記憶﹗

小朋友都玩得好投入﹗老師話去到 Runner level 會教埋 phonetic (IPA 國際音標) 亦是課程的特別之處﹗

玩完遊戲,小朋友各自點算一下自己贏幾多張卡﹗

今次大頭妹有 8張,贏咗呢個 round 呢﹗

睇佢幾開心?﹗返屋企即刻同爸爸講﹗其實老師會輪流比同學贏下嘅,人人有份,大家開心,先有多啲動力學習嘛﹗


遊戲的確是最好的方法去提升小朋友的學習動機﹗


最後有少少寫字/ 填色部份 (視乎學生年齡),特別一提是老師好細心,會睇埋小朋友執筆姿勢正唔正確,平時我見大頭妹執筆的角度有少少問題,但我同佢講,佢就硬係唔信我,今日老師一講,佢就即刻聽話啦﹗


Dr I-Kids 的 Dr Kids™ Phonics課程的最大特色是佢地的教材,除咗書本同 flash card,仲有 iPad 多媒體教材,方便家長係家中同小朋友溫習,唔洗擔心自己發音唔正確,iPad 的 Dr KidsApps 的內容是跟返書的,好容易可以 follow 返﹗

試堂都有禮物收,真是開心啦﹗

大頭妹好乖,即刻將 Dr I-Kids 公仔送咗比小丸子﹗

北角分校
馬寶道 33號馬寶學林 2樓 205號鋪



Dr I Kids 和亞洲電視合作,於兒童節目時段 『通識小學堂』,採用 Dr Kids™ Phonics & Phonetics系統,播放一連五十集的《輕鬆唱詠學英語》,教導學生簡單易明的英語發音方法。

最後講多少少Dr Kids™ Phonics & Phonetics課程:
Walker Level
A-Z 英文字母大小楷的寫法 (letter tracing)
A-Z 英文字母的讀音 (letter sounds)
A-Z 在拼音世界的讀音: 頭音和尾音 (initial and final sounds in phonics world)
5個母音 a,e,i,o,u 的認識及分辨

Jogger Level
24個母音包括長母音 (Long Vowels)、短母音 (Short Vowels)、R 母音 (R-Vowels)、複合元音 (Diphthongs)及特別母音(Special Vowels)
拼讀技巧 (Blending skills)
子音拼讀 Consonant blending: Prefix blending

Runner Level
子音拼讀 Consonant blending: suffix blending
音節區分 Syllabication
拗音 Minimal pairs
IPA 國際音標

做家長的除咗個課程內容,最關心的當然是價錢啦﹗佢地 Dr Kids Phonics & Phonetics課程:$720/ 4堂,或者 $2000/ 12堂 (另購教材)﹗佢另外有好抵的星期一至五班: $1200/8堂,或 $3500/ 24堂,要在 5個課堂中揀 2個,包括: Dr Kids™幼兒英語拼音班/ 劍橋幼兒英語班 Pre-Starters
/ Trinity英語會話班/ 幼兒奧數班/ 硬筆寫字班,為返一堂就只是大約 $150﹗

有興趣想知多啲課程資料,就去佢地的 website 睇下啦﹗
http://www.drikids.com/zh_hk/
 

沒有留言:

張貼留言

Related Posts Plugin for WordPress, Blogger...