小丸子 10個月 3星期﹗

小丸子10個月的成長日誌，比我拖到10個月3星期先寫﹗本來打算11個月一次過寫，不過算啦﹗拖下拖下...一陣11個月都唔寫，有時間又記得就寫啦﹗

小丸子現在的體重是 24磅，同上個月差唔多﹗唉...有什麼辦法，新年之後都一直病﹗個個見到小丸子都話佢瘦咗﹗之前健康院話要減肥，依家唔洗啦，去返 97線 (6-7個月的時候，離 97線好多...)，身長70CM(點解好似矮過大頭妹？)， 頭圍43CM ，有4隻牙仔，上面 2隻，下面 2隻 (大頭妹 10個月的時候有 6隻牙架﹗)﹗

今個月開始咗返 PLAYGROUP﹗本來係想有多啲時間比妹妹，點知我同佢上完第一堂之後就長病，上星期仲係工人姐姐同佢上，真係...所以要下個月先可以講下PLAYGROUP學咗啲咩啦﹗

語言上: 都是PAPA ﹑MAMA ﹑ MUM MUM﹑姐姐﹑家姐﹑好野 (仲會同時拍手)﹑NONO (會同時擰頭)﹑奶奶 (一夜晚 9:00就會叫 "奶奶")，成日都 DADADADA 咁﹗比起大頭妹，小丸子比較少叫媽媽，可能我真係比少咗時間佢啦﹗

活動上: 依家扶住傢俬，已經可以行晒成個廳啦﹗有時可以自己企到幾秒 (不自覺的時候)﹗識用手指仔啦﹗識自己食星星餅﹗

行 為上: 識拍手﹑揮手﹑BYE BYE，應該明 BYE BYE的意思，次次婆婆姨姨走的時候，行去門口位置，佢就會同佢地 BYE BYE。明白 "NO" 的意思，次次做 "壞事" (行去電視前搞 DVD/ WIFI 的時候)，就會擰轉頭望住我地，一邊擰頭一邊自己講 "NONO"﹗

一齊坐 "巴士"﹗

HEHEHEH...妹妹真係大隻過大頭妹好多，呢個就係 11個月97線，同 34個月3%線的分別...其實佢地一樣 24.6磅﹗

依家大頭妹蝦唔到小丸子架啦﹗

依家有時佢想搶妹妹啲野，妹妹唔放手，佢係唔會搶到嘅﹗


不過妹妹又好鍾意家姐，成日家姐蝦佢，佢都仲係笑咪咪﹗

小丸子:邊個搞我個頭？﹗

大頭妹...真係好好 "武功"﹗

不過同男仔比...係唔係仲差好遠？