舊工人姐姐

星期日約咗舊工人姐姐，佢 2月份又返返嚟香港工作，SEND MESSAGE比我話想見下大頭妹，約我地去 BBQ。我記得3月係佢的生日 (佢年年生日都去 BBQ，前文: 港島一日遊)，又諗住比大頭妹見下以前個姐姐，佢地以前真係好 FRIEND，我舊工人姐姐好惜大頭妹，而且我自己又想帶大頭妹去沙灘，所以就應承咗佢去啦﹗大頭妹去到見到姐姐好似有少少陌生，問佢記唔記得姐姐，佢又話記得，之後比佢地玩一陣，就已經跟姐姐走咗去。

小 朋友真係好得意，唔知點解佢見返舊姐姐，又識轉英文 CHANNEL，不停同姐姐講 "I WANT TO GO TO BEACH"，而我係唔知佢識講英文完整句子的﹗可能真係由細湊大的關係，舊姐姐餵佢食蛋糕，佢竟然可以食 2件﹗搞到我比姐姐話，點解大頭妹依家咁瘦...我都想知點解﹗小丸子仲搞笑，姐姐走的時候佢只有 2個月，佢就應該一定唔認得姐姐，不過姐姐比蛋糕佢食，佢即時同佢勁 FRIEND，大頭姨姨話佢認餅唔認人﹗我話佢叫 "肥懷騫"，有蛋糕比我食的叫媽媽，無蛋糕比我食的叫老鼠。

大頭妹勁鍾意沙灘，大頭姨姨叫我地搬去愉景灣/ 馬灣，可以日日去沙灘玩﹗

好搞笑，拎住粒石話 "好硬架﹗CANNOT EAT﹗"。

妹妹無得玩沙，不斷想落地﹗

勁多口水﹗

個樣幾喪？﹗

忽然又嗲嗲喎﹗

又喪過，想搶相機帶﹗

小丸子: 我真係好想落地呀﹗


好啦﹗比你落地啦﹗

小丸子: 嘩...咩事呀？﹗咁吉腳嘅？﹗

HEHEHE...又要扭落地﹑又要驚﹗

深水灣，可以望到海洋公園﹗

全家幅...

玩完...睇下阿旺爸爸幾細心，幫個囡抹脚﹗

阿囡，你真係幸福﹗

臨走落多一次地，都係驚...即喊﹗


其 實我成日都有個疑問，點解大頭妹同舊工人姐姐咁friend，佢走咗...佢又無問過/ 搵過佢嘅呢？﹗佢同依家個姐姐又好friend架喎﹗每次出街，如果姐姐唔係一齊，佢都會同佢講 bye bye (但唔會同妹妹講 bye bye)。但係之前爸爸出trip，佢又會問我爸爸去咗邊架喎？﹗真係好奇怪﹗