2014年4月10日 星期四

愉景灣 playhouse@20140406

 

2014年4月6日 (星期日) 

今日約咗 "國皇一家" 同 "80後媽咪" 一齊去 picnic,其實本身約咗 3月31日 (上星期日),因為落雨改期,點知今日都係落雨﹗不過唔想個囡失望,上星期佢已經問我係唔係同 Mancent 去 picnic架啦,前一日買咗架 scooter,佢又話朗朗踩 scooter好快,我叫佢叫朗朗教佢,所以最後就算明知天氣唔係太好,都照入愉景灣﹗

今日整咗壽司﹑波蘿腸仔﹑鵪鶉蛋﹑芝士竹輪卷﹗經過噚日的測試,我唔整三文治啦﹗2個囡都淨係食芝士同火腿,我唔想執手尾﹗hehehe...高估咗自己預備食物的效率,8:00起身預食物,約人11:00,自己 10:00先出門口﹗最後 11:30先入到愉景灣﹗

唉﹗最後一到步就開始落雨,朗朗媽就提議轉去佢地 club house 個 playhouse 玩﹗原本驚無得野餐,大頭妹會失望,但原來可能去 playhouse 玩仲開心,見佢地一到步就自動波衝晒出去玩,跑呀跑,連阿媽姓咩都唔記得﹗可能小朋友都唔知咩係野餐,所以我地大人話我地一定要再去野餐,唔係佢地小朋友會到野餐有錯誤的理解﹗

玩到1:00,我地就出 lobby 開餐﹗愉景灣個 club house無咩人,我地差唔多霸晒個 lobby﹗食飽飽又再玩,可惜真係全日落雨,玩唔到戶外的地方﹗之後玩到 3:30就返屋企啦﹗
坐車走的時候,大頭妹同我講: It is a rainy day, all the friends are sad, we cannot picnic. 哈哈,我從來都唔知,原來佢識講咁多英文,可能因為係 playhouse有好多外國小朋友。愉景灣的語境好好,我見佢地都有同外國小朋友傾計,仲見到 Mancent 同大頭妹同一個鬼妹 "嗌咬",heheh...我想過去睇下佢地講咩架,不過又唔想有大人 "干涉" 佢地,見佢地講 2句走開咗,又頭返轉頭再講過,好鬼好笑﹗

提外話,哈﹗其實大家有冇一個疑問,點解我地會約埋一齊玩呢?﹗咁當然我地好經常會係 blogger event見面,其實係我見 yahoo blog 摺咗,想 gather 返 yahoo blog的親子 bloggers,一齊聚下﹗而我本身 target 龍虎媽媽 (即 2010 同 2012年出世bb)﹗但原來 Mancent 同朗朗是 1月大仔,是牛仔呢﹗除咗 Mancent 同朗朗是同年同月,魚仔同小丸子又係同年同月架﹗到細個 3個都識一齊玩就熱鬧啦﹗

預備食物﹗壽司﹑波蘿腸仔﹑鵪鶉蛋﹑芝士竹輪卷﹗

哈哈...大頭妹預備食物的時候偷食...

阿旺都有幫手架﹗佢幫手拮波蘿腸仔﹗

heheh...出發啦﹗因為阿旺用分換咗地鐵飛,所以我地坐地鐡去到欣澳再轉車,如果唔係,係中環坐船入愉景灣會快啲﹗

終於都匯合大家啦﹗

um...其實我好憎阿旺同小朋友出街都不停打機﹗

Marcus比小丸子更為食...個個小朋友衝晒出去玩,佢竟然寧願食﹗


我今日發現...原來小丸子唔係太合群,大部份時間都自己玩,自己坐係度唱歌﹗唱 fingers family﹗

我地起初係 playroom開餐,但原來唔比食野,職員好友善咁 "建議" 我地出去 lobby 食。

朗朗媽整的沙律

國皇之家預備三文治同生果,仲有腸仔﹗

heheheh...我專登買嘅野餐盒﹗

開餐前叫小丸子洗手,佢走去玩具廚房度洗﹗好明顯...工人姐姐唔會同佢地洗手先食飯﹗

hohoho...出 lobby食,坐得仲舒服﹗

影返張媽媽 + 小朋友大合照先﹗

之後發生爭女事件﹗Mancent 同朗朗都要爭同大頭妹坐﹗

大頭妹: 你地唔好為咗我打交啦﹗我會好內疚架﹗(設計對白)

其實一整坐咪最開心囉﹗

細嘅就各自各食﹗次次見親朗朗同魚仔就會諗,係唔係因為媽咪自己湊,食野就會乖啲,見佢地咩都食架﹗雖然魚仔想好似小丸子咁食三文治唔食包,最後都比媽咪 "制伏" 咗﹗一定要佢食晒個包,先比佢食其他野﹗我都要學下,不過我地唔係自己湊開,個衰女包睬我都傻﹗

今日玩得最開心嘅...除咗 6個小朋友,可能仲有阿旺,唔洗打機的時候,落場同小朋友玩,但唔係同自己個囡玩喎﹗佢同班鬼仔玩,玩到走的時候要換底衫,成件底衫濕晒﹗

想睇晒我地當日開心得意嘅相,就要 like埋我地嘅 facebook page啦﹗



6 則留言:

  1. thanks for sharing! 下個WK我都要去愉景灣, 諗緊點去, 但睇完你blog就完全唔駛再找資料了 ^^

    回覆刪除
  2. 想問下係唔係一定要join左個會籍先可以入個club house架???/

    回覆刪除
  3. 好開心呀!! 小朋友有得一齊玩, 唔記得野餐都無問題!

    回覆刪除

Related Posts Plugin for WordPress, Blogger...