踏入 K2 下學期，身邊的媽媽開始傾下小朋友考小學的事，但其實我仍然十五十六。如果得一個，就唔洗諗，但有 2個，2個一齊讀 6年私/直小，條數真是好 "襟計"。
唔好講太貴學費的，太貴學費的已經不會考慮，我 TARGET 的私小都要 $3000幾一個月，只計學費同大頭妹依家讀幼稚園都差不多，即是其實都應付到，不過加埋興趣班﹑校車﹑午餐﹑雜費，條數分分鐘接近 $10000/月，真是貴過供層樓﹗而且到阿妹都升小呢？﹗依家就話小丸子讀有學劵幼稚園，明年 K1開始有學劵，本來以為可以輕鬆啲，但如果比大頭妹讀私小，即是輕鬆一年，又辛苦過﹗
最理想就當然是自行收生就入到我地的第一志願啦，所以同阿旺商量過， 我地只會報 3間港島區私小，都是有聯繫中學，咁如果大頭妹真是咁叻考到，就比佢讀，要知道要考都唔一定考到...應該話都幾難考到。考唔到，就大抽獎，我唔會要佢考 10間 20間，考到考到為止﹗
以下就是我 target 的三間，其實希望都唔大，heheheh...一定仲難入過用 20分入我地的第1志願﹗
ST. CLARE'S PRIMARY SCHOOL
http://scps.edu.hk
報名日期: 9月1日至10月3日 (參考上年)
學費: $31,600
香港真光小學
http://www.tlmshkps.edu.hk
報名日期: 8月1日
學費: $37,740
嘉諾撒聖心小學 (私立部)
http://shcsps.edu.hk
報名日期: 9月1日至10月31日 (參考上年)
學費: $33,000
以上 3間都有自己幼稚園，想以 "外校生" 考入...應該都無希望，不過無希望，又唔可以唔做，最少大頭妹如果大個問我，我都可以答佢，我有帶過佢考，佢自己考唔到之嘛﹗hhahahaha...好無賴的媽媽...講笑啫...只是唔想最後自己後悔，連試都無試就放棄，所以明知機會微都要考囉﹗
《傻夫婦一家四口生活日誌》 自小立志做個好媽媽，現實是朝9晚6的中環小秘﹗深信唔做黃面婆，都可以是好老婆。就算是雙職媽媽，都可以是好媽媽。希望透過blog分享親子﹑育兒﹑入廚﹑扮靚心得，仲有當然唔少得我地一家四口甜蜜生活﹗
我當年和你諗法一樣，一個就話可選私校或直資，兩個就唔洗諗！其實，以我經驗來講，我兩個女讀官小都幾好，唔洗學費係好好的，讀小學有好多開資是諗不到的，我當年大女間幼稚園，本來有直上小學，考到了都不敢讀，我唔想一個讀私小，一個讀政府小學，佢地大咗話我不公平！我覺得官小、津小都有好多好學校，最緊要反而是將來去邊間中學緊要，我見我好多朋友，小朋友讀直資也不是特別出色，到考中學時，也要選返直資中學，這是我個人意見吧！
回覆刪除yes...2個一齊讀私小真係好貴，萬一家姐考到，阿妹考唔到，又係另一個問題﹗
刪除補充一句，我當年一間私小、直資都冇考，除了自己幼稚園直上果間小學，我費事直係考到，自己心大心細，哈哈！
回覆刪除有兩個真係多一份考慮，如果家姐入了官/津校，妹妹就不用再考，基本上可以直升，唔駛再煩！
回覆刪除係呀﹗所以希望自行就收啦﹗咁就唔洗煩﹗
刪除去年我跟您有同樣經歷, 最後為大女選了津校, 除了學費x2問題, 最重要是考慮到女兒的性格。她本身性格很樂天，大無畏，中中等等就好開心；她不善於競爭的人。如果入讀受歡迎的私校或直資，她應會容易跟其他同學比下去。唸津校，收生較平均，她讀得好開心！
回覆刪除