大頭小丸第一次芭蕾舞表演@20150820

2015年 8月20日 (星期四)

今日係 2個囡學芭蕾舞 9個月以來第一次表演﹗佢地都超級期待﹗佢地今次表演的是愛麗斯夢遊仙境﹗佢地做『時間精靈』﹗

我細個無學過芭蕾舞，其實好似有學過唔知咩舞，不過我自己無興趣，學學下就無學，我都是一個經常半途而癈的人，希望 2個囡唔好似我啦﹗我覺得女仔都應該學一種舞 (中國舞/ 芭蕾舞)，再學一種學器嘅 (鋼琴/ 小提琴)﹗

我成日話養 2個囡好大開支，女要富養嘛﹗好似今次表演咁，其實都有表演費同練習費架﹗不過後來同其實同學媽咪傾開，我地學校的表演費同練習費已經算是好平﹗表演費是 $780 包 2張入場卷，1張是 $150。練習費是 $580，包上 4堂，咁其實都是 $145/堂﹗另外仲有買相同 dvd 的錢，好似各 $199，但 2個囡要買 2 set相，即是 total $600。即是表演一次，2個就要 $3220﹗哈哈...如果是出名的幾間，一個就已經 $3000，2個就要 $6000，真是好恐怖﹗

睇下大頭妹幾風騷﹗

我掛住睇唔記得影相 (因為學校都會影)，到佢地入後台我先記得，呢時小丸子已經入咗後台啦﹗得返大頭妹咋﹗不過呢個距離，其實咩都睇唔到，都係等學校的相啦﹗

不過唔怕﹗阿旺拍咗片﹗其實學校都有拍，我地都有買 dvd，不過唔知幾時先有呢？﹗

從影片可見，大頭妹跳得好認真，小丸子就好隨意﹗不過佢地不竟差 2歲，表現有分別是應該的，所以我都考慮同佢地分班，依家貪方便，2個一齊上，其實會影響小丸子的信心﹗

好似今次表演練習咁﹗我聽佢地話老師有讚家姐，但就叫阿妹跳得 "正經" 啲﹗um...咁大家睇完片都會明嘅﹗不過家姐係班中應該係最大 (我夾硬要佢同阿妹同班)，跳得好啲都係應該的﹗ 但搞到小丸子話唔想上芭蕾舞，佢話老師又話佢，家姐又嬲佢喎 (應該係佢亂跳，比家姐話)﹗我會比佢試多一期，睇下佢講咩，再決定學唔學，好多野如果比小朋友決定，都唔會學得成，不過又唔想話下下要迫，矛盾矛盾。

謝幕之後落台啦﹗佢地都好開心呀﹗

um...其實大頭妹...當時投訴我梳得佢個頭唔好，要老師幫佢再梳過...

咁阿媽細個無跳芭蕾舞嘛﹗真是唔識梳個啲 all back頭﹗

表演完再影下相﹗

皇后

愛麗斯

返到屋企...無晒反應﹗
夾硬同佢沖涼發晒癲，第2日同佢講返，佢話因為佢未睇佢化妝個樣，
um...有冇咁貪靚呀﹗