其實我自己唔識彈琴，細個學過年幾呱，都無考級﹗依家寫大頭妹學琴的進度，其實我都唔知寫咩架﹗不過都覺得要 keep 返寫下大頭妹學琴的進度，應該會慢慢見到佢有進步嘅﹗上次講過，我地學咗 3個月，就走去參加學校的音樂表演，之後彈琴好似進步咗﹗雖然仍然是 "龜速"，不過都算做快咗﹗
屋企未有琴，依家一星期去琴行練 2-3次琴，其實唔夠架，一時時可以彈返晒上一堂學的，所以覺得最近的進度慢咗﹗依家叫咗朋友幫我搵個二手琴，因為之前睇琴，越睇越貴，最後都是決定，買部平平地，係屋企練習用住先，始終有小丸子，如果買部貴的，比小丸子打爆咗，我都唔知打唔打返爆佢好 (哈哈)﹗等大頭妹學到咁上下，小丸子又大個啲先一次過買部靚靚地架啦﹗
依家有時練琴都會帶埋小丸子去，佢依家未有得學，就話好想學囉﹗不過佢都唔聽人講，未係可以學的時候﹗
hahah...少有彈一啲我識的歌，但又唔係兒歌﹗大家 "慢慢" 欣賞...因為...真是彈得好慢﹗
大家LIKE咗我地個 FACEBOOK PAGE 未呀？未就快啲 LIKE 啦﹗
叻叻~~買琴容易, 揾位放難, 我諗爆頭都揾唔到位放.
回覆刪除其實我都要掉咗張餐枱先有位放，不過都無辦法，係香港咁細的居住環境，我睇唔到我短期內可以買大啲間屋，又放到大餐枱，又放到琴囉﹗
刪除買數碼電子鋼琴啦，又平又慳位，我覺得手感都差不多
回覆刪除