大頭妹第一次鋼琴表演@20150816

2015年 8月16日 (星期日)

今日好忙，日走 3場，一早帶 2個囡去坑口跳芭蕾舞，下午再帶大頭妹返學琴的音樂學校參加學生音樂會，之後再帶佢地去油塘同大頭妹同學開 party，大頭妹同學媽咪 book 咗冒險樂園開 party (註: 無人生日)。

個blog title好似好勁【大頭妹第一次鋼琴表演】，其實佢只是參加自己音樂學校的學生音樂會。學咗 3個月，都是當玩下，吸收下經驗。不過今次之後，大頭妹忽然進步咗﹗唔知係因為表演之後，佢覺得自己叻咗，自然過咗啲關卡，一或是因為要表演，所以之前我都同佢練多咗琴 (都是一星期兩三次)。anyway，都是一個相當好的經驗﹗

大頭妹真是好乖囡好定，學生1:45入場，自己坐定定，我地家長要 2:15 先入場，之後 2:30先開始表現，去到 3:15先到大頭妹出場，即是佢足足自己坐咗成個半鐘﹗

 阿妹呢？﹗仲話自己想學琴，一邊睇表演，一邊抱住自己個頭﹗

heheh...睇到無晒心機...我見到佢個樣都想笑...爸爸塊面就黑過墨汁﹗

其實無平時練習時彈得咁好，唔知佢係因為緊張，一或唔習慣三角琴，琴譜個位太高，我見佢睇得有少少困難。

原來應該彈 2首，我出去同佢放好琴譜時同佢講，如果太緊張就彈 1首啦﹗結果佢真是彈 1首，阿旺話得唔應該咁同佢講﹗不過其實見佢有 try 過，佢坐多好耐都是彈唔到第 2首，之後就自己起身﹗我有問返佢，佢話佢好緊張﹗