2019年1月5日 星期六

傻夫婦暑假京都大阪親子遊 DAY 2【奈良/ 東大寺/ 志津香】


 

今日一早影完和服相,本來一心想著住和服去奈良餵鹿,不過天氣太熱啦,影完就隨即返去夢館換衫,坐的士返酒店附近買少少壽司做午餐,又是去返我地第一日學整壽司的壽司店,返酒店坐定定食飽飽,再出發去奈良餵鹿!由京都去奈良,可以選擇坐JR/ 近鐵,我地今次去程就坐JR到奈良站,再轉巴士到東大寺,回程就坐近鐵﹗

JR站一出就會見到好大間Aeon,巴士站就係東口。

巴士好似是循環線,去奈良公園、東大寺方向就岩啦!其實都會經近鐵夾奈良站﹗

行去東大寺的途中,已經有好多鹿鹿歡迎我地!其實我唔係好明,點解佢地好似長期飢餓狀態! 

小丸子好大膽,餵鹿餵得好開心,大頭妹就不斷左閃右避。

真是買多多鹿餅都唔夠啲鹿鹿食!

睇佢館樣,好似準備逃走咁🤣!


之後入東大寺參觀,原來5:00PM就關門,我無睇清楚以為 6:00PM,好彩剛剛趕得切!
 

真是好宏偉!
上次我同阿旺嚟見到好多小學生爬呢個窿窿,今次叫大頭小丸玩下!





唉⋯點解啲人會咁,太無公德心!我都順便教下大頭小丸,一定唔可以咁做!


走既時候仍然有好多鹿,呢隻鹿既鹿角好靚!

行完東大寺,我地就行去奈良名店志津香食釜飯!

點了飯團比大頭小丸食,佢地話好好味!



估唔到呢度的天婦羅🍤都好好味,我地encore咗!👍🏻👍🏻👍🏻

阿旺點了鰻魚釜飯,阿旺話鰻魚比較淡口,不是平時食開的蒲燒鰻魚,有點不習慣。


 我就點了雜錦釜飯﹗

我地點了套餐,有前菜、麵豉湯、生果!

頑皮丸!

奈良到此一遊!下次唔知幾時先會再嚟啦﹗


傻夫婦京都大阪奈良7天親子之旅【行程篇】
傻夫婦暑假京都大阪親子遊 DAY 1 【YODOBASHI/ 京都塔 (壽司工作坊)/ 錦市場】


沒有留言:

張貼留言

Related Posts Plugin for WordPress, Blogger...