公廁驚雲﹗

溫馨提示: 今日個blog有驚嚇內容﹗

逢星期二阿旺返學，我都會同大頭妹出去行下食晚飯，今個星期二都一樣，不過發出咗一件好恐怖的事，我越諗越驚，雖然是自己嚇自己多....而且都無從證實﹗

話 說我同大頭妹食完飯，我例行問下佢要唔要去洗手間，佢話好喎﹗咁我就帶佢入洗手間啦﹗點知一入去...差唔多全部廁格都是吉的，門全部打開，但大頭妹忽然 講咗一句...."咁多人嘅？﹗"，我當時都無野，仲同佢講..."都無人，你唔好嚇媽咪喎﹗"，之後大頭妹唔肯去廁所，我地就走啦﹗

行到去另一個洗手間的時候，佢又話要去廁所，咁我見佢頭先無去，又同佢去啦﹗佢一入到去話 "今次無人啦喎﹗"，而當時洗手間得一個清潔阿姐，其他廁格的門是關上的，所以都真係見唔到有人。

咁...究竟...佢第一次去第一個洗手間的時候...係唔係真係見到有"人"呢？﹗我阿妹叫我再問下佢...我真係唔敢啦﹗而且細佬仔...真係唔知佢幾時講真，幾時講假...唯一可以肯定的係...我短期內都唔會再去個個洗手間﹗

大家LIKE咗我地個PAGE未呀？

仲有微博呀﹗