大頭妹之K1不作戰﹗

大家無睇錯...的確是 "大頭妹之K1不作戰"﹗最近日日係FACEBOOK/ BLOG見人人都幫小朋友報K1的時候，我選擇唔幫大頭妹報K1﹗點解？﹗其實我都唔肯定我咁做岩唔岩？ ﹗大頭妹依家PN的幼稚園，其實都是我心儀之一，不過因為無學卷，如果入到一間有學卷又出名的當然最好啦﹗但是因為今年已經太多野轉變啦...妹妹出世﹑轉工人﹑入PN幼稚園...我已經覺得大頭妹適應得好辛苦﹗所以一動不如一静﹗

而 且如果今年再考K1，都只會報有學卷的名校，我不斷問自己...到底我係想佢入名校，定係想要有學卷呢？﹗如果想要學卷，上年都考到一間，不過諗來諗去， 最後連留位費都無交 (阿旺話唔好霸咗人地個學位)。如果是想佢入名校，到底是滿足自己，一或真是對小朋友好呢？﹗我答唔到我自己呀﹗我淨係見佢依家返學返得幾開心，只是自己 開始返學的頭2日有喊，之後每日都好開心咁行入學校門口﹗每次問佢返學開唔開心，佢都話開心﹗每個星期同佢溫書，書入面的生字連圖畫的生字，佢都答到我﹗ 佢間幼稚園有日文讀，上咗3個月已經識數 1-10，早晨/ 午安/ 對唔住，我無教過佢日文，所以佢識的日文，一定是學校教的。而且班主任大約 2個星期就會打一次比我講下大頭妹上堂的情況﹗我好滿意大頭妹依家的幼稚園﹗

其次是...最近大頭妹對唔識的人 "十問九唔應"，去考學校(仲想考名校)...好似有少少多餘...所以我最終都放棄咗﹗不過我好搞笑，我無幫大頭妹報考K1，但又無問依家的幼稚園係唔係直升...HEHEHEHE...好彩係直升...如果唔係...個標題會變成"大頭妹K1無書讀"﹗

返咗學之後好似學識好多野，原來佢已經識自己畫有意思的事物。呢個...人...都叫做有齊眼耳口鼻吖﹗佢話佢係 POCOYO...



唔知邊個係POCOYO...POCOYO 就係佢囉﹗大家話似唔似呢？﹗


大家LIKE咗我地個PAGE未呀？

仲有微博呀﹗

Pui ki at 11/19/2012 01:57 pm comment

係咪民生呀? E, 我囡下年都好大機會去嗰度讀! 聴你咁講間學校又好似幾好喎!

Jokey at 11/12/2012 06:00 pm comment

迦南都唔知點解，我大女果時有學卷，都唔係平架，想細女都讀，點知無左學卷，而家我無做野，都係選番有學卷既，幸好ＩＮ左兩間，兩間都收喳！ 但迦車的確唔錯，起碼上小學完全跟到，唔使話適應唔到。

Athena and Joe at 11/12/2012 06:08 pm reply

係呀﹗迦南今年cut咗學卷，因為今年岩岩係review年，佢地一續就要續多 5年，好多學校都退出咗，可能因為依家多學生，佢地冇學卷都唔怕收唔夠生﹗

TsangAnna at 11/12/2012 01:31 pm comment

我做小學扥管,學生有名校,有屋村學校其實好睇學生本身,名校不一定品學會好.

ying hung at 11/12/2012 01:27 am comment

Hi, 之前看你的blog, 大頭妹好似吃能恩, 我有一罐3號, 平讓給你, 有無興趣?

欣欣媽媽 at 11/10/2012 09:55 am comment

大頭妹返學之後,叻咗好多,繼續努力,加油呀!EE支持大頭妹.同埋,唔好轉其他幼稚園,揀番現在讀PN呢間幼稚園,.

欣欣媽媽 at 11/12/2012 07:42 am reply

我覺得現在的小朋友返學之後,學到好多嘢,叻好多呀!

Athena and Joe at 11/12/2012 01:17 am reply

返咗學真係好似大個咗好多。

豆潤之家小四 at 11/10/2012 01:42 am comment

有兩個小朋友，皮費多好多，真係要詳細計劃先得呢～[img]39[/img]

Athena and Joe at 11/12/2012 01:17 am reply

係呀﹗可能到妹妹讀PN的時候...都要轉返讀學卷的﹗

MaGmaG♥熹琳幸滺♥ at 11/09/2012 09:52 pm comment

我報兩間咋....

Athena and Joe at 11/12/2012 01:12 am reply

我有朋友報 20間，考6-7間，間間都比留位費...

笨 B 媽媽 at 11/09/2012 02:12 pm comment

我都幫笨 C 搵緊 K1, 我仲複雜, 因為我屋企吊腳, 唔係間間都有校車到我處, 就算有又可能遊勻大西北成粒鐘先返到 ><" 所以除左間學校好唔好, 仲要諗埋接送問題 @@

Athena and Joe at 11/09/2012 03:20 pm reply

係呀﹗坐成個鐘校車真係好辛苦，你會唔會帶到佢返/放學呢？不過大頭妹好鍾意坐校車﹗有時可能只係我地怕佢辛苦...原來佢好開心﹗

Wu at 11/09/2012 12:42 pm comment

想問下大頭妹現在讀哪一間學校??

胡李媽媽 at 11/09/2012 12:31 pm comment

咁大頭妹同你都冇咁大壓力....都好 gei....[img]4[/img]....隨緣啦...

Athena and Joe at 11/12/2012 01:14 am reply

HHEHE...有時我怕我自己太HEA...我唔排除後年妹妹考PN的時候先幫佢再考學校...

Phoebe at 11/09/2012 11:46 am comment

你打算小學都是讀直資嗎?? 兩個真係咁金, 仲要學野同學車費!! 陳守仁都幾好, 但好似好難入!! 現在大頭妹有冇學野呀??

Athena and Joe at 11/12/2012 01:15 am reply

係呀﹗真係要諗得好清楚，2個一齊讀...差唔多等於供多一層樓﹗ 依家冇學野，但應該會幫佢報音樂班。

*♡♡小肥豬♡♡* at 11/09/2012 11:24 am comment

其實我都唔想今年再去作戰, 始終覺得依家嗰間都唔錯, 不過因為老公想搵一條龍, 到升小學時煩少啲, 所以今年先再去作戰!! 我個小小豬又係對唔識既人 "十問九唔應", 都冇乜信心可以IN到其他, 所以都係以平常心去, 當俾$30去帶小小豬去玩遊戲, 等佢學習同多啲面對陌生人呀~

*♡♡小肥豬♡♡* at 11/12/2012 01:52 pm reply

係呀...我都覺好甘呀, 不過老公覺得龍校比政府津貼學校好, 師資同資源都好啲, 所以就想入去啦~

Athena and Joe at 11/12/2012 01:16 am reply

一條龍...好似好多都係私小...如果小學都讀私小...就真係好甘...

CoCo at 11/09/2012 11:04 am comment

如果經濟負擔得起, 沒學劵的資源是多D

Athena and Joe at 11/09/2012 11:17 am reply

係呀...所以上年都放棄咗間有學卷的...不過到後年2個一齊讀就好甘﹗

lu lu at 11/09/2012 11:03 am comment

我個女都係讀太子個間, 仲要係下午班 (我想上午, 但問左好多次佢都唔比上午我). ,而且可能無你地北角個間咁好. 所以我都好努力同佢報k1 呀..都見左5-6間啦. 希望同佢出年跳出呢間搵間上午啦.

Athena and Joe at 11/09/2012 11:16 am reply

你囡囡係唔係細B? 好似細B都係下午的﹗

烏G餅媽 at 11/09/2012 10:54 am comment

hehe.........我老公自從知道有得插入e家呢間之後佢都叫我唔水再作戰, 佢話呢間已經好鬼正 (當然佢話轉埋國際班仲正啦[img]10[/img]), 所以佢成鬼日都話我好怪獸報貢多間, 上星期六一日走3場又話我, 又話繼續讀呢根本就非常好, 學校排位又good, etc. 我返o左幾日都feel ok, 所以今年d interviewsss 一d壓力都冇, 本住俾$30去site visit o下咋~

Athena and Joe at 11/09/2012 11:13 am reply

咁老實講...如果考到有學卷的名校...就當然最好啦﹗最好一條龍...升小學的時候煩少一樣...HEHEHE...咁快諗小學

Winnie at 11/09/2012 09:51 am comment

Hello! 咁你終於有無問學校?

Athena and Joe at 11/09/2012 11:13 am reply

當我打算問的時候就收到通告交留位費啦﹗:D

Phoebe at 11/09/2012 09:24 am comment

咁你有沒有心水小學，好的學校好像都是女校！ 但又覺得女校心理發展冇咁好，真係煩c!

Athena and Joe at 11/09/2012 11:15 am reply

HEHEHE...其實我LIKE真光架﹗上年開始幫大頭妹報的時候就未有妹妹﹗如果2個一齊讀...就好甘啦﹗