2013年5月8日 星期三

大頭妹 3歲啦﹗

今日我個囡大頭妹 3歲啦﹗時間真是過得好快﹗又可能生仔的經歷對女人來講是好深刻的﹗我仲記得大頭妹出世是星期六,母親節的前一日﹗一早 6:00幾就開始陣痛,沖完涼就住的士去醫院,9:00幾食完早餐先入院﹗一直痛到6:00幾先有得入產房,11:00幾先生得出大頭妹,足足生咗5個幾 6個鐘﹗﹗﹗相比起小丸子,我 12:00 仲係 office,唔夠 1:00 佢已經出咗世﹗生大頭妹真是辛苦好多,不過生小丸子就驚險好多,仲差唔多懷孕會有的病,我都有齊﹗有時都會諗,我地女人生仔真是 "搵命搏"﹗生大頭妹的時候我就有這種感覺,我當時覺得我好似是要去 "另一個地方" 去接大頭妹來到我地的世界﹗生完幾日都仲是發夢自己唔知去咗邊?﹗感覺好奇怪﹗﹗﹗

今日無成長報告,不過有片睇﹗之前我都講過,如果我 "扮喊",大頭妹見我喊自己又會喊,上次阿旺拍咗片啦﹗我講返啲前文先﹗話說有一晚我地入房預備瞓覺,大頭妹想玩切圖,有成 4幅架,不過佢一幅都唔比妹妹,仲要推妹妹﹗之後我就詐喊,大頭妹又跟住喊,仲安慰我添﹗heheheh...好戲在後頭...大家自己睇啦﹗




最後媽媽祝你生日快樂﹑身體健康﹑快高長大﹑聽教聽話﹑聰明伶俐﹗(好貪心的媽咪)

沒有留言:

張貼留言

Related Posts Plugin for WordPress, Blogger...