2014年2月13日 星期四

大頭妹3歲9個月成長誌 - K1 上學期評估

仲未收到大頭妹嘅成績表,但我怕太耐之後我會唔記得老師講過咩,所以都係快快手打返個blog﹗

其實 K1幫大頭妹轉咗國際班,要用英普上堂,心情都真係好矛盾,因為我同阿旺係屋企都係同佢講廣東話,明顯地因為佢唔識普通話,我同阿旺係屋企亦都唔識教,所以見佢返學好似辛苦啲,因為其他同學可能都識同老師溝通,而佢又唔識同老師溝通,我覺得唔多唔少影響咗佢嘅自信心。上咗半年,老師話佢地頭半年主要係學 "聽",下學期就會多啲學 "講",所以老師話下半年應該就會好啲架啦﹗

英文方面,老師話佢都中規中矩,唔係最叻個啲,都唔係最差個啲,不過仲係成日一行埋去老師度就講廣東話先﹗老師建議我地一個星期一日全日都同佢係屋企講英文,我覺得佢嘅建議好好,不過仲未實行 (懶),依家通常係如果佢有 SPECIAL REQUEST,例如想食糖/ 飲橙汁,我就一定要佢同我用英文 REQUEST,我先比佢,希望佢多啲動力去講。

老師話整體上佢都好乖,有少少完美主義,上堂做完堂課會問老師做得岩唔岩,老師話岩佢先交比老師,唔岩就會再做過。佢鍾意做勞作,上年 PN 嘅班主任都有講過,所以我成日都想比佢去學畫畫,但爸爸話只可以上 2樣課外活動。另外,老師話佢同一個男同學好好朋友,去邊都一齊,老師仲話個男同學會保護佢,哈哈哈...真係盡得我 "遺傳"﹗

不過係小朋友面前講野要好小心﹗試過有一次佢同小丸子打交,我同爸爸解釋返因為小丸子想我同佢瞓,要面向佢,唔比我同大頭妹瞓,唔係故意打家姐,之後大頭妹就一直記住,次次妹妹霸位瞓覺嘅時間佢就好緊張,問妹妹係唔係唔比媽咪佢﹗

最近成日會叫我幫佢影相 SEND比爸爸睇﹗

HEHEH...同佢去食壽司好平,佢食得一碟蟹柳卷 $13。

新年我放咗幾日大假同佢去公園玩,佢又叫我幫佢影相比爸爸睇﹗

去完公園玩即刻叫肚餓﹗

食完仲瞓埋...我真係 "捉蟲",早知叫工人姐姐帶佢返屋企先啦﹗
又叫我幫佢影相比爸爸睇...




10 則留言:

  1. 大頭妹係咪嬲左你?因為我見你造佢成日叫你SEND相比爸爸

    回覆刪除
    回覆
    1. 唔係呀﹗因為我放假同佢一齊,爸爸要返工嘛﹗

      刪除
  2. 食飽就瞓, 好! Good, 咁大頭妹先長肉嘛, 佢太瘦了

    回覆刪除
  3. 人家說囡囡係爸爸的前世情人, 情人節快樂

    回覆刪除
  4. 我細個鍾意畫畫,但唔鍾意學畫畫,因為我唔鍾意跟老師畫佢想我畫嘅野。如果係畫畫技巧嗰啲,我真係想學就會自己睇書學,自己畫多啲去練習,真係學畫素描都係f4先去學。有時候真心鍾意一樣興趣唔一定要去學佢,鍾意就會成日做,仲會愈做愈好^_^

    回覆刪除
  5. 我細個鍾意畫畫,但唔鍾意學畫畫,因為我唔鍾意跟老師畫佢想我畫嘅野。如果係畫畫技巧嗰啲,我真係想學就會自己睇書學,自己畫多啲去練習,真係學畫素描都係f4先去學。有時候真心鍾意一樣興趣唔一定要去學佢,鍾意就會成日做,仲會愈做愈好^_^

    回覆刪除
  6. 我細個鍾意畫畫,但唔鍾意學畫畫,因為我唔鍾意跟老師畫佢想我畫嘅野。如果係畫畫技巧嗰啲,我真係想學就會自己睇書學,自己畫多啲去練習,真係學畫素描都係f4先去學。有時候真心鍾意一樣興趣唔一定要去學佢,鍾意就會成日做,仲會愈做愈好^_^

    回覆刪除
  7. 我細個鍾意畫畫,但唔鍾意學畫畫,因為我唔鍾意跟老師畫佢想我畫嘅野。如果係畫畫技巧嗰啲,我真係想學就會自己睇書學,自己畫多啲去練習,真係學畫素描都係f4先去學。有時候真心鍾意一樣興趣唔一定要去學佢,鍾意就會成日做,仲會愈做愈好^_^

    回覆刪除
  8. 我細個鍾意畫畫,但唔鍾意學畫畫,因為我唔鍾意跟老師畫佢想我畫嘅野。如果係畫畫技巧嗰啲,我真係想學就會自己睇書學,自己畫多啲去練習,真係學畫素描都係f4先去學。有時候真心鍾意一樣興趣唔一定要去學佢,鍾意就會成日做,仲會愈做愈好^_^

    回覆刪除

Related Posts Plugin for WordPress, Blogger...