2014年4月25日 星期五

有沒有偏心?﹗

自己在偏心的環境下長大,其實童年都不是太開心,所以我成日都提醒自己,自己做媽媽之後,一定唔可以偏心﹗不過到做咗媽媽之後先發現,原來人人都偏心,只是偏多還是偏少﹗我自問真是不太偏心,我都時時提阿旺唔可以偏心﹗

不過我最近發現,原來父母一啲好少的行為,本身完全不是因為偏心,在小朋友眼中,可能完全是兩回事﹗

 話說...復活節假期的時候,因為無聊,又有時間,就幫大頭妹扮靚靚紮辮子,平時返學,成日都趕頭趕命,都沒有時間幫大頭妹扮靚,成日學校派相的時候,會見到佢其他同學個個都紮辮仔,又有靚頭夾,大頭妹就 "披頭散髮"咁﹗

個日同佢紮完辮仔即刻好開心,佢話同 VICTORIA (同學仔) 一樣﹗真係慘...人地同學仔,日日返學都靚靚...我地就有時連牙膏都未抹就返學...HEHEHE...班主任有問過點解佢個口成日有白色粉末...佢以為大頭妹成日食糖...

即刻拎手袋扮出街﹗

成個可愛晒﹗

其實都只是花 3分鐘﹗

自個日之後,每次小丸子見家姐紮辮,就一定問: 我呢?我呢﹗但你得幾條毛仔,我真係無能為力喎﹗但之後小丸子開始打家姐,一見家姐有辮仔就 "炆",然後再丟咗家姐個頭飾﹗我幫佢夾夾仔,佢又唔要,丟埋個夾仔。

之後...我唯有盡我最大的努力,紮起佢個幾條毛仔,仲要有咁高紮咁高,佢照鏡的時候,即時笑晒好滿意,話自己係公主,亦無再打家姐啦﹗
其實我覺得小丸子妒忌心好重,我真是要想想辨法,我好怕女仔的妒忌心,佢仲要係有少少"玉石俱焚" 格...OMG...我真係好怕好怕﹗

希望佢只是想學家姐,覺得家姐嘅就咩都好啦﹗有時做細就係咁,好似 SCOOTER咁,又係得家姐有,有時又真係好難唔 "妒忌" 嘅﹗但是我地家長又真係好難樣樣都買 2份...真係破產架﹗

呢日去影學生相,又係一定要紮辮唔夾夾仔,HEHEHE...都好...等你大個同你講返,你曾經非常十分妒忌家姐﹗

有冇媽咪有呢方便嘅經驗,可唔可以指點一下?﹗真係好令人頭痛呢?﹗

大家 LIKE咗我地嘅 FACEBOOK PAGE未呀?未就快啲 LIKE啦﹗

10 則留言:

  1. 通常妹妹都係好想學家姐,跟家姐一樣, 不過可能用了另一種方法表達。

    所以在我處理我家兩姐妹的同類情況, 我會盡量兩個都有, 仲要"特登"兩個不同, 同埋向她們說出她們各有獨特之處,佢地就會各自各滿足。

    回覆刪除
    回覆
    1. 自呢次之後我都好小心,原來不知不覺...妹妹都到了會 "羨慕" 的年紀﹗

      刪除
  2. 我家姐個兩個仔 咩都要一樣 所以我買野俾佢地 兩個都係一樣 唔係大打出手仲煩

    P.S 我都係係偏心環境下成長 ( 不過我都多人鍚個個 ) 哈哈

    回覆刪除
    回覆
    1. wahahhah...其實個個小朋友都一樣﹗可能一男一女就會好啲...阿哥/ 細佬唔會話要紮辮呱﹗

      刪除
  3. 我家兩個囡囡, 都係要盡量 "平等"的小朋友, 所以買嘢都要兩個都有份! 不過細囡通常都想學家姐, 家姐有乜佢要乜~~

    回覆刪除
    回覆
    1. 係呀﹗我見佢地開始係咁,但有時仲係明明大家都玩煮飯仔,但就係都要爭用同一隻杯...

      家姐做功課先慘...樣樣野都可以 share...功課無得比阿妹做架嘛﹗

      刪除
  4. 其實我睇你既BLOG都有一段時間,以下所講純粹個人感覺無其他意思:我睇你既BLOG其實都發覺你同你老公比較鍚大頭妹多D,因為家姐既乖(因為有得比較底下)而突出左細妹成日扭計難搞,所以唔多唔少做妹既感覺到睇到聽到,就會係情緒上唔多唔少係唔開心。有時你都話第2個當豬咁養,因為始終第1個係特別錫D但都唔能夠忽略第2個。好似買玩具,其實如果係買比2個囡一齊SHARE會唔會好D?起碼細妹聽起會受落D,知道佢都有份/又或者同佢講如果細妹都乖(係某D行為/習慣上),都獎佢一份禮物又會唔會好D?)....去旅行當生日禮物比細妹真係無咁直接,始終小朋友要見到實物先覺得你CARE佢同CARE佢既存在。

    回覆刪除
    回覆
    1. 哈哈...都係...有時覺得妹妹細...真係忽略咗佢...

      刪除
  5. 我E家25YEARS OLD..一樣有個大3年家姐..
    一直都唔鐘意家姐..

    而且屋企人反而係竉家姐竉到有公主病...

    我媽咪有咩都比左家姐先..


    係架..E家我既妒忌心都幾重...



    大個左仲成日希望有人妒忌我....



    好奇怪思想XD
    不過我覺得你做MAMA真係要搞好2姐妹,,,你錫一個唔錫一個...其實細個個好HURT

    回覆刪除
    回覆
    1. 我自己都係偏心環境大...我 2個都咁惜...不過一開始時大頭妹好唔鍾意妹妹,所以好多時我會比個 "家姐特權" 佢,再同佢講做家姐要惜個妹...當時阿妹係bb又未識野,不過依家阿妹開始識野,要再諗方法﹗

      刪除

Related Posts Plugin for WordPress, Blogger...