百勝酒家@20150125

自從幫大頭妹同小丸子2個係坑口上芭蕾舞之後呢，我得閒無事就約下老爺奶奶/ 媽咪姨姨去飲茶，2個囡上堂要等佢地 45分鐘，無地方去，去飲茶就最岩啦﹗岩岩芭蕾舞學校旁邊就有間酒樓，我地大人食一陣，佢地上完堂又可以食少少，食完就返屋企。

 呢間百勝酒家原來都有幾間分店，唔怪得食物都幾有水準﹗服務都 ok 嘅﹗

小丸子唔知點解真係好鍾意上芭蕾舞，成日一朝起身就問我要唔要返學，係唔係上芭蕾舞﹗最離奇係佢返幼稚園已經半年，其實佢都無提同學嘅名，但上芭蕾舞只是一堂，已經講咗 2-3 個同學仔的名比我聽﹗又話邊個又乖﹑邊個又唔乖咁﹗

hehehe...最唔乖個個...一定係你啦﹗次次上完堂落堂都成頭汗...仲唔係成堂走來走去﹗

咸水角炸得夠脆又夠熱。

呢度的芋頭糕真係好味道，我諗個日啲芋頭好靚﹗令我有衝動買返底返屋企食﹗

牛肚 ok 幾好味。

鳳爪 ok 無特別，不過我同阿旺都鍾意食，所以次次飲茶都會點。

馬粒糕...2個囡鍾意食...無辦法...如果唔係...$17/件，咁細件...我一定一定唔會叫﹗

燒賣都幾好味。

綿花雞都算足料﹗

福建炒飯都幾好味﹗

燒腩仔好味，皮好脆，不過有啲位好咸。

蛋散